Marko 1:24 - Mi Namani Tino

²⁴ “Misa e lalaro tsana segei, Iesu kovuni i Nasaret? Vasa, e nemei nia me voguersa gei? O telekiran va evoi ese. Evoi ken Ka Tamat e Raban!”

Marko 1:24 Referans Kwoze

Mataio 8:29

Samo guor nga koup leong, “Natuon e Raban, ke sana baitutuir meie gor? E te nemei nia me votorosie gor i muan mi ra e Raban ta nga totok telekiran?”

Iakobo 2:19

Evoi e vodovodon tuktuk va e Raban eie a kes mo. Ian a kalei. Bu tsaka moromoruo buer gi vodovodon tuktuk malan ian, ma gi dendeir nge motou!

Luka 4:34

“Tsupuk rivie gei! Ke sana tsientsang meie gei, Iesu kuvu i Nasaret? E nemei nia me voguersa gei? O telekiran va evoi ese. Evoi ken Ka Tamat e Raban!”

Aposol 3:14

Nga te nga matokeran ken ka e Raban ese ta tamat ma duis, ma nga te nga nongie va ta nga ruom rivie mi ka kenken nge terie senga.

Puek Vasangan 3:7

“Ma vavataor rakot si man angelo mi vona rengeir i Piladelpia malan ine. Ine mi nama a kuvu simi mei ese ta tamat ma a tuktuk. Ine mi mei a poro ken tsitstsi e Davit. Ma misa ta tsitsingie, a kap ka mei a oit nia bokutie, ma misa ta bokutie, a kap ka mei a oit nia tsitsingie.

Aposol 2:27

simi vunan o telekiran va evoi mi Nguts e ta kap tsupuk rivie mi morumoruong i Ades, eou ke Ka Tamat, o telekiran buer va e ta kap sunuir va mi piripiriung ta kopop.

Luka 8:28

Sien ta nga pare e Iesu, a nga koup nge tsibour mutur i matan e Iesu nge koupkoup pevien, “Iesu, evoi e Natuon e Raban ese ta tsiroup. Ke sana baitutuir meie iou? O no masitinoiv. Kian va e ta votorosie iou!”

Marko 5:7

Ma ine mi ka a nga koup leong, “Iesu, Natuon e Raban ese ta tsiroup! Ke sana baitutuir meie iou? O nongie no simi asan e Raban va e ta kap votorosie iou!”

Ioanes 6:69

Gei vodovodon tuktuk nge telekiran va evoi ken Ka Tamat e Raban.”

Luka 1:35

Mi angelo a nga kuil nama, “Mi Moromoruo Tamat ta nemei sevoi ma mi ngesengesien e Raban ese ta tsiroup ta kuva no. Arie mi vunan, ine mi madar ken tino ta tamat ma gi ta vuotongie va e Natuon e Raban.

Aposol 24:5

“Gei vorotan va ine mi ka eie mi ka tsokor, ma a nga ko vakake bu tseng i kotubuon bu Iuda simi mangmagoso enaenamon ma eie mi muomuo simi gargar gi ta vuotongie ngan Bu Nasaret.

Aposol 4:27

A tuktuk e Erot ma e Pontio Pilato, guor nga beit kouk ine simi taon leong meie bu Kibang ma mi kulu Israel va gi ta nga rove man bas e Iesu Ke petspets tamat ese e ta nga vokunie.

Luka 24:19

A nga virei, “Bu sana kepineits?” Guor nga kuil nama, “Bu kepineits surie e Iesu kovuni i Nasaret. Eie mi propet, ma mi namanien ma mi tsinatsangan a nga suvu ngeisngeis i matan e Raban ma mi kulou kokouk,

Mataio 2:23

Ma a nga veis rakot nge mon i aron mi taon mi asan i Nasaret. Ine a nga tsorubeit nia vaotie misana nama e Raban ta nga terie i ngutsugie bu propet ven ne, “Gi ta vuotongie va eie mi kangi Nasaret.”

Luka 8:37

Samo mi kulou kokouk sibu enamon ververiris i Gerasa gi nga nongie e Iesu va ta nga sorvekena gie simi vunan mi mientou leong a te nga vara sigosigong ngan mi enamon. Ma e Iesu a nga ka simi galeu nge tsuk sorvekena gie.

Marko 1:23

Ian ngas te, i aron kegi vona rengeir, mi ka mi tsaka moromoruo ta nga tsegerie a nga koup leong,

Marko 1:25

E Iesu a nga patsarie, “Bong! Rovotsour sorvekenan ine mi ka!”

Marko 10:47

Sien tate nga rongomie va e Iesu kovuni i Nasaret a nga veis rov riu, a nga vakaek nge koupkoup, “Iesu, Natuon e Davit. Tovie iou!”

Marko 14:67

Sien ta nga pare e Petro ta nga mariur, ine mi vevien a nga deng vangvangasie. Ma a nga pevien, “Evoi buer e nga ko mon meie e Iesu kovuni i Nasaret.”

Marko 16:6

A nga pevien, “Ngatuo ta kap kudier. O telekiran va ngatuo nesie e Iesu kovuni i Nasaret ese gi ta nga vetekiuo simi koitskoits. Eie a kap mon ine. A te to muerengei! Ngatuo pare mi korot gi ta nga vuturungie mi piripirien en.

1 Ioanes 2:20

Eiekesen e Karisito a nga vokunie nga ngan mi Moromoruo Tamat, ma enga kokouk nga telekiran mi tuktuk.