Marko 1:13 - Mi Namani Tino

¹³ Ma e Iesu a nga mon simi beir bu ra ba sinangavur voveit ma e Satan a nga konon. A nga mon meie bu vinavinar tso ma bu angelo gi nga perngan e Iesu.

Marko 1:13 Referans Kwoze

Iburu 4:15

Giet suvuon mi kovan bu prist, ma kap va eie mi mei ese ta kap oit nia tovie kegiet tino ian ta kap ngeisngeis. Eiekesen eie mi mei ese ta nga suvu konokonon sibu suasua baitutuir malan giet ta suvuon buer, eiekesen a kap suvuon ka sinavei tsokor si ken tino.

Mataio 26:53

Vasa, e vodon va o kap oit nia kukuo e Tamoung ma ine ngas te ta turan mi sinangavur kes ma luo bu gargar leong sibu angelo simi minakiur?

1 Timote 3:16

Mi kepineits leong ta mumuningei ian giet ta vodovodon tuktuk sien arie ine, ma kap ka vinirei surie. E Karisito a nga tsorubeit vasvas simi pirpir. Ma mi Moromoruo Tamat a nga vara tuktuk ngan va eie a duis i matan e Raban. Bu angelo gi nga pare. Man vinavatei a nga puorkan bu vuna enamon. Mi kulou simi mangmagoso enaenamon gi nga vodovodon tuktuk seie. Ma e Raban a nga kir terie i kur ngan man matvinavaso.

Mataio 4:1

Samo mi Moromoruo Tamat a nga kir terie e Iesu simi beir, terengien va mi kovan bu tsaka moromoruo ta nga ra konon.

Luka 4:1

E Iesu a nga vous ngan mi Moromoruo Tamat nge muerengei kovuni i Ioridan. Ma mi Moromoruo Tamat a nga muongan rakot simi korot beir.