Luka 8:10 - Mi Namani Tino

¹⁰ Io, a nga pevien, “E Raban a te nga terie senga mi sinavei nia telekiran bu kepineits mumuningei surie ken mangmagoso Nguts. Eiekesen sibu mei mene, o vakokoit surie ine ngan mi nama puppuo. Terengien, “‘va gi ta kap mang dedeng kilal misasien gi ta dedeng nge dedeng, va gi ta kap mang telekiran misasien gi ta rorong nge rorong.’

Luka 8:10 Referans Kwoze

Marko 4:11

E Iesu a nga oeng segie ven ne, “E Raban a te nga terie senga mi sinavei nia telekiran bu kepineits mumuningei surie ken mangmagoso Nguts e Raban. Eiekesen bu kepineits kokouk o vokokotie sibu nama puppuo segie ian kap va kong kulou.

Mataio 11:25

Ian simi keipkepide ra, e Iesu a nga pevien, “Tama. Evoi man Nguts mi rangit ma mi kaber. O puonge no surie e nga muningan ine bu kepineits sibu ka sievei ma segie ese gi ta nga suvu vinasengei, eiekesen e nga vasangan sibu natu madar.

Kolose 2:2

Mi vunan kong tsientsang arie nia vakotsie bu arogie nge tsana va gi ta aor kes i aron mi tentoiv, va gi ta mang suvuon mi banga vavatamaes, terengien va gi ta mang telekire ruobatan ken vienviendon mumuningei e Raban. Ine mi vienviendon mumuningei arie e Karisito.

Roma 16:25

Ma ine, giet ta puongan e Raban eie ese ta oit nia vangasie kenga vodovodon tuktuk ngan man Banga Vinavatei e Iesu Karisito o ta nga vateie nga ngan. Ine mi vinavatei a nga mon mumuningei kebeir te,

Mataio 16:17

Io, e Iesu a nga kuil nama, “Simon, natuon e Iona. E ta res, simi vunan kap ka mei a nga pengan sevoi ine mi nama, eiekesen e Tamoung die i kur simi rangit a nga pengan sevoi.

1 Timote 3:16

Mi kepineits leong ta mumuningei ian giet ta vodovodon tuktuk sien arie ine, ma kap ka vinirei surie. E Karisito a nga tsorubeit vasvas simi pirpir. Ma mi Moromoruo Tamat a nga vara tuktuk ngan va eie a duis i matan e Raban. Bu angelo gi nga pare. Man vinavatei a nga puorkan bu vuna enamon. Mi kulou simi mangmagoso enaenamon gi nga vodovodon tuktuk seie. Ma e Raban a nga kir terie i kur ngan man matvinavaso.

1 Korinto 12:11

Ine bu tsientsang kokouk mi Moromoruo kes mo a tsana, ma a terie gie sibu mei keskes vemusurie ken lalaron.

Ioanes 12:40

“E Raban a te nga vakale bu katsomatagie ma a te nga vara papan ngan bu arogie, terengien gi ta kap mang oit nia dedeng ngan bu katsomatagie, ma gi ta kap mang oit nia katsep ngan bu arogie, nge vodon vuris, ma o ta kap mang vatoa gie.”

Marko 4:12

Terengien, “‘Gi ta dedeng nge dedeng, eiekesen gi ta kap dedeng kilal ma gi ta rorong nge rorong, eiekesen gi ta kap rong telekiran. Sien va a kap malan ian, va gi mang vurisan bu arogie, ma e Raban a mang vodon rivie kegi sar sinavei tsokor!’”