Luka 7:41 - Mi Namani Tino

⁴¹ “Ba ka luo, guor nga por lakep nia kuil muerngan simi ka. Mi mei a nga poro bu sinangavur mi napaririem koboit (500) bu lakep denari ma mi mei mene bu sinangavur napaririem (50) bu silva lakep.

Luka 7:41 Referans Kwoze

Luka 7:47

Io, o oeng sevoi, ken lalaron ine mi vevien nemei seou a leong beitsak, simi vunan o te vodon rivie palan ken sar sinavei tsokor. Eiekesen eie ese o ta vodon rivie ken sar sinavei tsokor ta kap palan, ken lalaron nemei seou ta lili.”

Roma 5:20

Mi Vinuor a nga beit va ta mang vasangan vasa a leong ven mi sinavei tsokor. Eiekesen, ivie mi sinavei tsokor ta vous en, ken tentoiv e Raban ta leong rio ngas te.

Mataio 18:28

“Eiekesen sien ine mi petspets ta nga rovotsour a nga suoeie e turan petspets ese ta nga poro sien bu lakep denari mi sinangavur kes koboit (100). A nga rakopie nge vakaek nge kuts konokonon ma a nga oeng sien, ‘Lalapus, kulie bu lakep e ta nga poro seou!’

Mataio 6:12

Vodon rivie kegei sar sinavei tsokor malan egei gei ta vodon rivie bu sinavei tsokor gi ta tsana segei.

Roma 3:23

Mi kulou kokouk gi te nga tsana mi sinavei tsokor ma kegi tino a kap oit nia vasangan man matvinavaso e Raban.

Luka 11:4

Vodon rivie kegei sar sinavei tsokor, malan egei gei ta vodon rivie bu sinavei tsokor bu mei gi ta tsana segei. Ma kian va e ta tsupuk rivie gei sibu konokonon.’”

Luka 13:4

Ma vasa nga vodon venengan ine mi sinangavur kes ma mi napaririem potsu tour bu mei i Siloam ese gi ta nga maet sien mi vonuo kuar ta nga kor i popogie? Vasa, nga vodon ine a vasangan va egie gi tsokor rio mi kulou mene gi ta mon i Ierusalem?

Luka 12:48

Eiekesen mi mei ese ta tsana bu kepineits ian ta otien mi vinatoreis, eiekesen a kap nga telekiran, man ka leong ta tsetseik vakalaie mo. Eie ese ta tserie bu kepineits ta palan, eie ta kuil muerngan ta palan. Ma eie ese ta tserie bu kepineits palan nia naneie, eie ta ngas kuil muerngan ta palan beitsak.

Marko 6:37

Eiekesen e Iesu a nga kuil nama, “Nga tabarie gie ngan kavo nginonginou!” Gi nga oeng sien, “E lalaron va gei ta voir nginonginou ngan ba sinangavur luo koboit (200) bu lakep denari nge tabarie gie?”

Luka 7:40

E Iesu a nga kuil nama, “Simon, o lalaro pengan sevoi mi kepineits.” E Simon a nga pevien, “Pengan seou, Vavvasengei.”