Biblia Todo Logo
Bib sou entènèt

- Piblisite -




Luka 4:18 - Mi Namani Tino

18 “Mi Morumoruan mi Nguts a kuva iou, simi vunan a te nga vokunie iou va o ta vavatei ngan mi Banga Vinavatei sibu sinaortsak. A te nga tura iou va o ta vakokoit katsep segie gi ta mon simi vinatoreis va gi ta mon ketseketseng, ma segie gi ta kael va gi ta buer dedeng, ma a nga tura iou va o ta ra vara ketseketseng ngan mi kulou gi ta mon simi putu leong.

Gade chapit la Kopi




Luka 4:18
56 Referans Kwoze  

Bu kael gi te dedeng, bu peong gi te veis, ma egie ese gi ta suvuon mi mienarouk lepra gi te tsorubeit melemelen, bu pi gi te rorong, bu mei maet gi te to muerengei simi miensei ma bu sinaortsak gi te rongomie mi Banga Vinavatei.


Ma nga telekiran surie e Iesu kovuni i Nasaret va e Raban a nga vokunie ngan mi Moromoruo Tamat ma mi ngeisngeis. E Raban a nga mon meie. Io, e Iesu a nga rakot sibu enamon kokouk nge tsana mi kienlei ma a nga vatoa bu mei kokouk gi ta nga mon i pakien mi ngesengesien mi tsaka moromoruo.


Io, e Iesu a nga kuil nama siba ka guor ta nga veis teie mi nama, “Ngado muer nge so pengan se Ioanes mi sana ngado tate pare nge rongomie. Bu kael gi te dedeng, bu peong gi te veis, egie ese gi ta suvuon mi mienarouk lepra gi te ketseketseng, bu pi gi te rorong, bu mei maet gi te to muerengei simi miensei ma bu sinaortsak gi te rongomie mi Banga Vinavatei.


Io, e ta ra tsana va gi ta dedeng va gi ta mang vuvuris sorvekenan mi ngingi rakot simi berber ma va gi ta mang sorvekenan mi ngesengesien e Satan rakot se Raban. Ma samo gi ta suvuon mi vodon ririv si kegi sar sinavei tsokor ma gi ta suvuon kegi ka baimogomogos i kotubuon mi kulou ese e Raban tate nga vokunie gie surie kegi vodovodon tuktuk seou.’”


O nga nemei ine simi mangmagoso enaenamon malan va mi Berber, terengien va mi kulou kokouk gi ta vodovodon tuktuk seou gi ta kap ba mon simi ngingi.


Eiekesen enga ken kulou vivviel e Raban, ma enga bu prist simi kovakova ka leong. Enga ken vuna enamon tamat, ma enga mi kuoluon. E Raban a nga vile nga va nga ta mang oit nia vavatei katsep ngan ken kienlei ian ta tsiroup. A nga kuk vorotsoruo nga sorvekenan mi ngingi nge kerie nga rubukien si ken banga berber.


Simi vunan a nga vatoa giet simi ngesengesien mi ngingi, ma a nga kir vurukude giet si ken mangmagoso Nguts e Natuon, eie mi aten,


Mi kulou gi ta be nga mon simi ngingi leong, gi te nga me pare mi berber leong. Mi kulou gi ta be nga mon simi kaberan mi minoruvien mi miensei, mi berber a te nga rarangie gie.”


“Mi nires leong ta mon segie ese gi ta ko deng kielala va gi pinat simi morumoruagie, simi vunan gi ta so suvu vavatamaes kovuni si ken mangmagoso Nguts e Raban.


E Iesu a nga dedeng rakot si ken sar madar tovtov nge pevien, “Mi nires leong ta mon senga ese nga ta deng kielala va nga pinat sibu morumoruanga, simi vunan nga ta so suvuon mi vavatamaes kovuni si ken mangmagoso Nguts e Raban.


Nga rorong, bu banga kasiung. E Raban a nga vile bu sinaortsak ine simi mangmagoso enaenamon va gi ta suvuram simi vodovodon tuktuk, ma gi ta suvu vavatamaes kovuni si ken mangmagoso Nguts e Raban ian ta nga kukubuits nia terie segie ese gi ta tovie.


Io, mi Ka ese e Raban ta nga turan, a vokokotie bu namanien e Raban, simi vunan e Raban a vovovsuo vunie ngan mi Moromoruo Tamat.


Mi kepineits vourvour e Andre ta nga tsana, a nga ra vorotan e Simon, e kasien, nge pevien sien, “Gor te vorotan mi Messia” (man vuevue va ‘mi Karisito’).


Eie a kap oit nia do rivie ka pakapaka meitsmeits ta korot tekiu. Ma ta kap oit nia kuiv vamate ka puk berber lili, tuir oit va ta tsana mi sinavei duis ian va ta tseiptseiprio mi sinavien mi mangmagoso enaenamon.


A tuktuk e Erot ma e Pontio Pilato, guor nga beit kouk ine simi taon leong meie bu Kibang ma mi kulu Israel va gi ta nga rove man bas e Iesu Ke petspets tamat ese e ta nga vokunie.


“Ine arie kong ka ni tsientsang, ese o ta nga vile, mi mei o ta tovie nge resmatan. O ta terie mi Morumoruong i popon ma eie ta vavatei ngan mi sinavei duis nia vuor sibu Kibang.


Gi nga terie sien mi Pakpak Leong e Isaia mi propet ta nga vataro. Ma a nga pakate ine mi Pakpak Leong nge vorotan mi korot ta nga vavataor ven ne,


Bu kovakova ka leong simi kaber gi nga rorois nia veveken ma bu muomuo ni vuor gi nga tuir kouk nia matakorot meie mi Nguts ma nia matakorot meie ken Messia.


Swiv nou:

Piblisite


Piblisite