Luka 2:11 - Mi Namani Tino

¹¹ Nevere, i aron mi taon se Davit, mi Ka ni vavato gi te kava. Eie mi Karisito mi Nguts.

Luka 2:11 Referans Kwoze

Mataio 1:21

Eie ta kava ka madar tamat, ma e ta ngas vuotongie ngan e Iesu, simi vunan eie ta vatoa ken kulou si kegi sar sinavei tsokor.”

Aposol 2:36

“Io, enga bu Israel kokouk, nga ta ngas telekiran va e Raban a te nga tsana ine e Iesu va eie mi Nguts ma mi Messia. Eie ian mi ka nga ta nga vetekiuo simi koitskoits.”

Mataio 16:16

E Simon Petro a nga kuil nama, “Evoi mi Messia e Natuon e Raban ta tino.”

Luka 1:43

Surie misa ine mi kepineits ta tsorubeit seou va e kinan mong Nguts ta me iro iou?

1 Ioanes 5:1

Eie ese ta vodovodon tuktuk va e Iesu Eie mi Karisito, eie e natuon e Raban. Ma eie ese ta tovie e Raban a ko tovie buer e Natuon.

Pilippoi 2:11

Ma bu mei kokouk gi ta vakokoit katsep ngan va e Iesu Karisito eie mi Nguts, terengien va kegi tino ta mang vasangan man matvinavaso e Raban mi Tam.

Ioanes 4:42

Ma gi nga pevien ian simi vevien, “Ine, gei te vodovodon tuktuk simi vunan egei kesegei gei te rongomie e Iesu, kap va surie mi sana e ta nga pengan segei. A tuktuk, eie man Ka ni vavato mi mangmagoso enaenamon.”

Luka 2:4

Io, e Iosep buer a nga kien kovuni i Galili, simi taon i Nasaret rakot i Iudea, simi taon se Davit gi nga vuotongie va i Betilem, simi vunan eie kovuni simi tietie se Davit.

Mataio 1:16

E Iakop eie e taman e Iosep, e Iosep eie ken labeit e Maria. E Maria e kinan e Iesu ese gi ta vuotongie va mi Messia.

1 Korinto 15:47

Mi ka vourvour a nga kuvu simi pier simi kaber, ma mi ka a luongan a nga kuvu simi rangit.

Aposol 10:36

Nga telekiran mi nama e Raban ta nga terie sibu Israel. Ine mi nama a vavatei ngan man banga vinavatei mi molu ian ta nga beit ngan e Iesu Karisito. Eie mi Nguts sibu mei kokouk.

Ioanes 20:31

Eiekesen ine o nga vataro va nga ta ngas vodovodon tuktuk va e Iesu eie mi Messia e Natuon e Raban. Ma surie kenga vodovodon tuktuk simi asan, nga ta mang suvuon mi tino.

1 Ioanes 4:14

Ma gei te nga pare nge vavatei vakatsepa va e Raban a nga turan e Natuon tamat va eie man ka ni vavato mi mangmagoso enaenamon.

Ioanes 1:45

E Pilipo a nga ra vorotan e Natanael ma a nga pevien sien, “Gei te vorotan ian mi ka e Moses ta nga vavataor surie simi Vinuor, ma bu propet gi ta nga vavataor surie. Eie e Iesu kovuni i Nasaret, e natuon e Iosep.”

Aposol 17:3

nge palsie nge vara tuktuk ngan va mi Messia ta ngas nga suvu vinekikin nge to muerengei simi miensei. E Paulo a nga pevien, “Ine e Iesu o ta vateie nge nga ngan, eie mi Messia.”

Aposol 5:31

E Raban a nga tsuok terie i kur i bingan si ken riem suv nia vasangan va eie mi natu vavaku ma mi ka ni vavato. E Raban a nga tsana ine terengien va ta mang kulie giet bu Israel nia vodon vuris ma va ta mang vodon rivie bu sinavei tsokor.

Ioanes 6:69

Gei vodovodon tuktuk nge telekiran va evoi ken Ka Tamat e Raban.”

Ioanes 1:41

Mi kepineits vourvour e Andre ta nga tsana, a nga ra vorotan e Simon, e kasien, nge pevien sien, “Gor te vorotan mi Messia” (man vuevue va ‘mi Karisito’).

Mataio 16:20

I murien ine, a nga vangenge gie ken sar madar tovtov va gi ta kap nga pengan si ka mei mene va eie mi Messia.

Kolose 2:6

Io, nga te nga vodon tuktuk va e Karisito Iesu eie manga Nguts, io, nga ta ngas tino ngan mi tino ian ta tsok se Karisito.

Pilippoi 3:8

I popon ian, o vodon va bu kepineits kokouk gi sasavoir simi vunan mi teletelekirei surie Karisito Iesu mong Nguts a tsiroup rio bu kepineits kokouk. Io, o tsupuk rivie bu kepiniets kokouk nge vodon va egie bu biror terengien va o ta mang suvuon e Karisito,

Ioanes 11:27

E Mata a nga oeng sien, “Io, mi Nguts. O vodovodon tuktuk va evoi mi Messia, e Natuon e Raban, ese gi ta nga pevien va ta nga nemei simi mangmagoso enaenamon.”

Ioanes 7:41

Bu mei mene gi nga pevien, “Eie mi Messia.” Eiekesen bu mei mene ngas buer gi nga pevien, “Mi Messia ta kap oit nia kovuni i Galili, va gerek?

Luka 2:26

Ma mi Moromoruo Tamat a te nga vakatsepa va ta kap nga maet tuir oit va ta nga dengarie ken Messia mi Nguts.

Luka 1:69

A nga terie segiet mi ka ni vavato ese ta ngeisngeis beitsak, kuvu simi tietie se Davit, ken petspets,

Ioanes 4:25

Mi vevien a nga pevien, “O telekiran va mi Messia ta ba beit (ian gi ta vuotongie ngan e Karisito). Simi ra va ta beit, Eie ta me palsie bu kepineits kokouk segei.”

Aposol 13:23

“Kovuni sibu tubuon e Davit, e Raban a nga terie sibu Israel mi ka ni vavato e Iesu, malan ken kinubuits.