Ioanes 13:10 - Mi Namani Tino

¹⁰ E Iesu a nga pevien, “Eie ese tate nga sisi, a te tsorubeit melemelen te. Ma a pinat surie mo nia suruvie ba kamen. Enga nga te melemelen, eiekesen kap va enga kokouk.”

Ioanes 13:10 Referans Kwoze

Ioanes 15:3

Enga nga te melemelen surie mi nama o tate nga vokokotie senga.

2 Korinto 5:17

Io, sien va ka mene ta tsok se Karisito, ken tino ta tsorubeit vour. Bu sinavei kebeir a te tsereiv ma bu sinavei vour a te beit!

2 Korinto 7:1

Io, bu banga kasiung, giet suvuon ine bu kinubuits kuvu se Raban. Arie mi vunan giet ta ngas vara melemelen nge giet kesegiet sorvekenan bu kepineits kokouk ian ta vara bita ngan mi pirpir ma mi moromoruo. Ma giet ta ngas mangaran e Raban nge tsorubeit tamat rovoriu i matan.

2 Korinto 5:21

E Karisito a kap nga suvuon ka sinavei tsokor, eiekesen e Raban a nga tsana va ta nga tsorubeit mi ka tsokor nia kulie giet, terengien va giet ta mang tsok se Karisito nge tsorubeit duis i matan e Raban.

Iakobo 3:2

Io, egiet kokouk giet ko kor simi bienebeir sibu rosar palan. Sien va ka mei a kap bebeir simi namanien, ken tino a te pitak ma buer ta oit nia vuor vakalaie mi kurikurien kokouk.

Iburu 9:10

Gi ko tsana ine ngan mo mi nginonginou ma mi kepineits nia un ma bu suada sinavei nia vara melemelen nge gie. Ine arie bu vinuor nian mi kurikurigiet ian ta suvuon man tsientsang oit mi keipkepide ra va e Raban ta so voturie mi vinuor vour.

1 Tesalonika 5:23

A kalei man Raban mi molu ta tsana va nga ta tsorubeit tamat rovoriu ma ta per ngan mi morumoruanga, ma mi vinavinadodonga ma mi kurikuringa va nga ta mang ketseketseng sorvekenan bu suada bienebeir oit si ken minuer magiet Nguts e Iesu Karisito.

Mataio 6:12

Vodon rivie kegei sar sinavei tsokor malan egei gei ta vodon rivie bu sinavei tsokor gi ta tsana segei.

Ioanes 13:9

E Simon Petro a nga kuil nama sien, “Mi Nguts, kap va ba kameung mo, eiekesen suruvie ba rimoung ma mi kovoung buer!”

Ioanes 13:18

“O kap vakokoit surie nga kokouk. O telekira gie egie ese o ta nga vile gie. Eiekesen mi nama simi Pakpak Leong a pevien ne, ‘Eie ese ta tsutsuok meie iou si mong nginonginou a te murien veie iou.’ Ma ine mi nama ta ngas tsorubeit tuktuk.