Iburu 7:16 - Mi Namani Tino

¹⁶ A nga tsorubeit prist vemusurie mi ngesengesien mi tino ian ta kap oit nia tsereiv, a kap va vemusurie bu vinuor simi kulou.

Iburu 7:16 Referans Kwoze

Kolose 2:20

Nga te nga maet meie e Karisito nge tampaek sorvekenan bu moromoruo ian ta vuortie mi mangmagoso enaenamon. Kegi vinuor a pevien, “Kian va nga ta popor ngan bu rimanga! Kian va nga ta daem pare! Ma kian va nga ta tobelie!” Io, surie misa nga ta vemusurie bu suada sinavei malan ine?

Puek Vasangan 1:18

Eou mi mei ian ta tino. O te nga maet, eiekesen, pare, o tino rovoriu! Ma o suvuon bu tsitstsi nian bu miensei ma nian i Ades.

Iburu 10:1

Mi vinuor se Moses eie man puppuo mo bu banga kepineits ian va gi ta nemei, ma a kap va mi kepineits tuktuk. Arie mi vunan mi tienebeir ni varam gi ta ko munu tabeir ngan sibu avareit kokouk, a kap oit nia vara melemelen rovoriu ngan bu sinavigie mi kulou simi rengeir.

Iburu 7:28

Mi vinuor a ko vile bu ka va gi ta tsorubeit bu kovan bu prist, misasien bu arogie a kap ngeisngeis, eiekesen ine mi vakavakariem ta ba nga vemuir simi vinuor, a viel tsana e Natuon e Raban ese a te tsang vaotie ken vuna vienviendon e Raban sibu ra bu ra.

Iburu 7:3

A kap man ka vinavinateteik surie e taman o, e kinan o, ka tubuon o, ka nama vavakatsep surie ken kienakav ma ken miensei. Eie a malan e Natuon e Raban ma a mon mi prist sibu ra bu ra.

Kolose 2:14

E Raban a nga tsang rivie mi ngesengesien mi pakapaka rorou ian ta nga tourtelekiran kegiet ora ian ta tsatsang veie giet. Ma a nga por tsana nge vetekiuo ine mi pakapaka rorou simi koitskoits.

Galatia 4:9

Io, ine nga te me telekiran e Raban, (si man tuktuk e Raban a telekira nga). Surie misa nga te buer muerengei rakot simi vinuor ian ta kap suvu ngeisngeis ma ta tuvuon? Vasa, nga lalaron va nga tate buer tsorubeit ken sar petspets mi vinuor?

Galatia 4:3

Ine, a kokouk malan mo, sien giet ta ngas nga natu madar, bu suada vinuor simi kaber gi nga pipitsie giet.

Iburu 7:21

Eiekesen e Iesu a nga tsorubeit prist ngan mi vakavakariem sien e Raban ta nga pevien sien, “Mi Nguts a te vakavakariem, ma ta kap vurisan ken vienviendon, ‘Evoi mi prist sibu ra bu ra.’”

Iburu 7:17

Mi Pakpak Leong a pevien, “Evoi mi prist sibu ra bu ra, malan e Melkisedek.”

Roma 7:14

Giet telekiran va mi vinuor eie mi kepineits a moromoruo, eiekesen eou mi ka simi pirpir ma o tsorubeit petspets simi sinavei tsokor.

Iburu 7:15

Ma ine mi kepineits a me katsep beitsak. Mi prist mene a te beit ese ta malan e Melkisedek.

Iburu 9:14

Eiekesen, mi tsinatsangan mi daran e Karisito a leong rio ine bu suada sinavei. Ngan mi Moromoruo ian ta tino rovoriu, e Karisito ese ta kap suvuon ka bienebeir, a nga tabeir ngan eie kesen rakot se Raban nia vara melemelen ngan kegiet baivinakier sorvekenan mi tsinatsangagiet ian ta vabatie mi miensei terengien va giet ta mang tsatsang se Raban ese ta tino.