Iburu 7:14 - Mi Namani Tino

¹⁴ A katsep va magiet Nguts eie mi tubuon mi matabu sibu Iuda, ma e Moses a kap nga vakokoit surie ine mi matabu sien ta nga vakokoit surie mi tsientsang prist.

Iburu 7:14 Referans Kwoze

Puek Vasangan 5:5

Samo mi mei kes sibu komosi ka ni tsientsang a nga oeng seou, “Kian va e ta ta! Pare, mi Laion simi matabu Iuda, mi Buon e Davit, a te tseiptseiprio. Eie a oit nia tsang rivie ian bu poko buliebuliet mi napaririem pouts luo nge vueie ine mi pakapaka rorou vivvil.”

Luka 3:33

E Nason e natuon e Aminadap. E Aminadap e natuon e Atmin. E Atmin e natuon e Ram. E Ram e natuon e Esron. E Esron e natuon e Peres. E Peres e natuon e Iuda.

Puek Vasangan 22:16

“Eou e Iesu, o te nga turan kong angelo nia vavatei vakatsepa bu kepineits senga bu vona rengeir. Eou mi Buon ma mi Tubuon e Davit, ma eou mi Matalala ian ta rar ngeisngeis.”

Roma 1:3

Ma ine mi Banga Vinavatei arie surie e Natuon. Simi tino simi pirpir, eie mi tubuon e Davit,

Epeso 1:3

Giet ta puongan e Raban, e Taman magiet Nguts e Iesu Karisito ese ta nga vatamase giet ngan bu vavatamaes kokouk kuvu die i kur simi rangit nia kulie bu morumoruagiet simi vunan giet tsok se Karisito.

Roma 2:3

Io, sien va e vuortie gie eiekesen evoi kese e tsana ian bu suada kepineits, madar! e si vodon va e ta oit nia vingan ken vinatoreis e Raban?

Ioanes 20:28

E Tomas a nga kuil nama sien, “Mong Nguts ma mong Raban!”

Ioanes 20:13

Ma guor nga vereie ine mi vevien, “Misa e tengisie?” Ma a nga kuil nama seguor, “Gi te me por tsana mong Nguts, ma o kap telekiran ivie gi te terie en.”

Luka 1:43

Surie misa ine mi kepineits ta tsorubeit seou va e kinan mong Nguts ta me iro iou?

Pilippoi 3:8

I popon ian, o vodon va bu kepineits kokouk gi sasavoir simi vunan mi teletelekirei surie Karisito Iesu mong Nguts a tsiroup rio bu kepineits kokouk. Io, o tsupuk rivie bu kepiniets kokouk nge vodon va egie bu biror terengien va o ta mang suvuon e Karisito,

Mataio 2:6

“‘Ma evoi, i Betilem, simi kaber se Iuda, e kap lili beitsak i matan bu muomuo ni vuor i Iudea, simi vunan ka muomuo ni vuor ta kovuni sevoi ese va ta naneie kong kulou i Israel malan mi ka nennei sipsip.’”

Iburu 7:13

Mi mei ese o te vakokoit surie, eie simi matabu mene, ma kap ka mene kuvu ian simi matabu a nga tsatsang simi korot nia tu tienebeir.

Iburu 7:15

Ma ine mi kepineits a me katsep beitsak. Mi prist mene a te beit ese ta malan e Melkisedek.