Iburu 5:8 - Mi Namani Tino

⁸ Misasien eie e Natuon e Raban, a nga tovtov ngan mi sinavei nia rorong surie, sien ta nga suvuon mi vinekikin.

Iburu 5:8 Referans Kwoze

Pilippoi 2:8

Ma i murien ta nga tsorubeit mi ka, a nga vilikitie eie kesen ma a nga sunurie mi miensei i popon mi koitskoits!

Ioanes 4:34

E Iesu a nga pevien, “Mong nginonginou eie nia tsang vemusurie ken lalaron ese ta nga tura iou, ma nia tsang vuruvan ken tsientsang.

Ioanes 15:10

Sien va nga ta vemusurie kong sar nama ngeisngeis, nga ta mon i aron kong tentoiv, malan o ta vemusurie ken sar nama ngeisngeis e Tamoung ma o mon i aron ken tentoiv.

Ioanes 6:38

simi vunan O nga nemei kuvu simi rangit nia vemusurie ken lalaron Eie ese ta nga tura Iou, kap va nia vemusurie kong lalaron.

Iburu 3:6

Eiekesen e Karisito, mi Nout, a nga ko tuktuk si ken tsientsang nia vuor vakalaie bu kepineits si ken vonuo e Raban. Ma egiet ken vonuo e Raban sien va giet ta tuir ngeisngeis si kegiet vodovodon rorrois ian giet ta ko aor koits nge vakam ngan.

Iburu 1:8

Eiekesen surie mi Nout, e Raban a pevien, “Oo Raban, ke mogomogos ni vuor ta mon sibu ra bu ra rovoriu, evoi mi kovakova ka leong ma mi ngisingisi nia vuor ta tsorubeit vasvas vemusurie mi sinavei duis mo.

Iburu 1:5

Simi vunan e Raban a kap nga pengan si ka angelo malan ine, “Evoi e Natung, nevere o te tsorubeit va eou e Tama.” Ma e Raban a kap nga pevien buer, “O ta tsorubeit va eou e Taman, ma eie ta tsorubeit va eie e Natung.”

Mataio 3:15

Eiekesen e Iesu a nga kuil nama, “Sunuir ngan ine va ta malan. Terengien, giet ta mang vaotie bu sinavei duis kokouk e Raban ta lalaro giet nia tsana.” Io, e Ioanes a nga sunurie.

Iburu 1:2

Eiekesen ine sibu ra vekvekitip e Raban a te vakokoit nemei segiet i ngutsuon e Natuon. E Raban a nga totoka va ta suvuon ken sar sinsuv kokouk, ma ngan ine mi Nout mo e Raban a nga vogosongie ine mi mangmagoso enaenamon.

Ioanes 10:18

A kap ka mei ta por rivie kong tino, eiekesen o terie kong tino vemusurie kong lalaron. Ma o suvuon mi duis nia terie, ma o suvuon mi duis nia por muerngan te buer. Ine arie e Tamoung a nga pevien va o ta ngas tsana malan.”