Iburu 4:7 - Mi Namani Tino

⁷ I murien bu avareit palan tate nga rov riu, e Raban a te nga vodon terie ka ra mene ian va ta nga vuotongie ngan va “Nevere,” ma a nga pevien ne i ngutsuon e Davit malan ta nga vokokotie vourvour, “Nevere, sien va nga ta rongomie mi inan, kian va ta papan bu aronga.”

Iburu 4:7 Referans Kwoze

Iburu 3:15

Malan mi Pakpak Leong ta pevien, “Nevere, sien va nga ta rongomie mi inan, kian va ta papan bu aronga, malan bu tubunga gi ta nga rong tsak seou.”

Mataio 22:43

Samo e Iesu a nga virei, “Ma surie misa mi Moromoruo Tamat ta nga teir vienviendon se Davit va e Davit ta nga vuotongie mi Messia va ‘mi Nguts’? E Davit a nga oeng malan ne,

Aposol 28:25

Io, gi nga nama vevengeis i kotubugie ma gi nga vakaek nge sorvekenan e Paulo sien tate nga vuotongie mi nama vekvekitip malan ine, “Mi Moromoruo Tamat a nga vokokotie mi tuktuk sibu tubugiet i ngutsuon e Isaia mi propet malan ine,

Aposol 2:31

A nga deng mua mi sana va e Raban ta ba nga tsana, io, a nga vakokoit ngan ken tino mumuerengei simi miensei mi Messia ven ne, ‘E Raban a kap nga tsupuk rivie eie i Ades ma mi piripirien a kap nga kopop.’

Luka 20:42

E Davit kesen a nga pevien ne sibu Pak. ‘Mi Nguts a nga pevien si mong Nguts, “Mogos si kong riem suv,

Marko 12:36

Mi Moromoruo Tamat a nga teir vienviendon se Davit va ta nga vakokoit katsep ngan: “‘E Raban a nga pevien si mong Nguts: “Mogos si kong riem suv, oit va o ta terie ma sar matakorot i pakien ba naparikame.” ’

Aposol 2:29

“Bu kasiung, o ta vakokoit vakatsepa va magiet kovakova ka leong e Davit a nga mesei ma gi te nga puonongie. Ma man monmon a mon ine meie giet ine simi ra.