Iburu 10:38 - Mi Namani Tino

³⁸ Eiekesen kong kulou duis, gi ta tino ngan mi vodovodon tuktuk ma sien va ka mene segie ta murien veie iou o ta kap resmatan.”

Iburu 10:38 Referans Kwoze

Galatia 3:11

A katsep va kap ka mei a tsorubeit duis i matan e Raban ngan mi sinavei nia vemusurie mi Vinuor, simi vunan mi Pakpak Leong a pevien, “Eie ese ta tsorubeit duis i matan e Raban, eie ta tino ngan mi vodovodon tuktuk.”

Roma 1:17

Ine mi Banga Vinavatei a vasangan va mi vodovodon tuktuk mo eie mi rosar nia tsorubeit duis i matan e Raban, malan mi Pakpak Leong ta pevien, “Mi kulou ian gi ta duis i matan e Raban, gi ta tino ngan mi vodovodon tuktuk.”

Mataio 13:21

Eiekesen ine mi nama a kap peuk i mendien ken tino ine mi ka, ma a mon lili mo. Sien va ka putu o, ka vinekikin ta beit sien surie ine mi nama, ine mi ka ta kor lalapus.

Mataio 12:18

“Ine arie kong ka ni tsientsang, ese o ta nga vile, mi mei o ta tovie nge resmatan. O ta terie mi Morumoruong i popon ma eie ta vavatei ngan mi sinavei duis nia vuor sibu Kibang.

1 Tesalonika 2:15

Bu Iuda mene gi nga kenvamate mi Nguts e Iesu ma bu propet ma gi nga matokera gei. Gi kap ko varese e Raban ma gi matakorot meie bu mene kokouk.

1 Ioanes 2:19

Gi nga veis sorvekena giet, simi vunan a kap va egie bu meinmenigiet. Sien va egie bu meinmenigiet, va gi nga mon meie giet. Eiekesen gi te nga sorvekena giet. Ma ine a nga vasangan va kap ka mene segie va eie mi meinmenigiet.

Iburu 10:39

Eiekesen egiet kap va bu meinmenigie ese gi ta murien veie e Raban nge tsereiv. Eiekesen egiet bu meinmenigie ese gi ta suvuon mi vodovodon tuktuk, ian ta vatoa giet.

Iakobo 5:6

Nga te votorosie nge keda mi kulou ese kegi tino ta duis ma gi kap nga matakorot veie nga.