Iakobo 2:12 - Mi Namani Tino

¹² Io, nga ta ngas vakokoit nge tsatsang malan mi kulou ese e Raban va ta so vuortie gie ngan mi vinuor ian ta vara ketseketseng ngan mi kulou.

Iakobo 2:12 Referans Kwoze

Iakobo 1:25

Eiekesen eie ese ta menise vititirie bu banga vinuor ian ta vara ketseketseng ngan mi kulou, eie ta kap vodon punan misa ta nga rongomie eiekesen a puapua. E Raban ta vatamase ine mi suada mei surie mi sa ta tsana.

Iakobo 2:8

Mi vinuor ian ta tsiroup a mon simi Pakpak leong a pevien, “E ta ngas tovie egie ese gi ta mon kouk simi enamon kes malan e ta tovie no kese.” Sien va nga ta tsang vaotie ine mi vinuor, nga te tsana mi sinavei duis.

Kolose 3:17

Si kenga sar vinakokoit ma si kenga sar tsientsang kokouk nga ta tsana, nga ta ngas tsana gie simi asan mi Nguts e Iesu. Ngan e Iesu, nga ta ngas vuot kalei rovoriu se Raban, mi Tam.

Pilippoi 4:8

Ine kong nama vekvekitip, bu kasiung, mi sana ta tuktuk, mi sana ta vabatie mi sinavei ni minangarei, mi sana ta duis, mi sana ta melemelen, mi sana ta mata tietienengei, mi sana ta vabatie mi banga as, sien va kavo kepineits ta kalei beitsak o, ta kalei oit nia vabatie mi tietienengei, vodon surie ine bu kepineits.

Luka 4:18

“Mi Morumoruan mi Nguts a kuva iou, simi vunan a te nga vokunie iou va o ta vavatei ngan mi Banga Vinavatei sibu sinaortsak. A te nga tura iou va o ta vakokoit katsep segie gi ta mon simi vinatoreis va gi ta mon ketseketseng, ma segie gi ta kael va gi ta buer dedeng, ma a nga tura iou va o ta ra vara ketseketseng ngan mi kulou gi ta mon simi putu leong.

Ioanes 8:32

ma nga ta telekiran mi tuktuk, ma mi tuktuk ta vara ketseketseng nge nga.”

Galatia 6:2

Nga ta ve sor ngan kenga sar sinor. Simi sinavei malan ine, nga ta tsang vaotie ken vinuor e Karisito.