Aposol 21:6 - Mi Namani Tino

⁶ I murien gei tate nga tsekireriem meie gie, gei nga ka simi mon, ma mi kulou vodovodon tuktuk gi nga muerengei.

Aposol 21:6 Referans Kwoze

Ioanes 19:27

Samo a nga pevien simi madar tovtov, “Pare, ine arie e kina.” Vakaek ian simi ra, ine mi madar tovtov a nga naneie e kinan e Iesu si ken vonuo.

2 Korinto 2:13

Eiekesen mi aroung a kap ngas nga kalei, simi vunan o kap nga so vorotan e kasiung e Tito ian en. Io, o nga sorvekena gie nge rakot i Makedonia.

Ioanes 16:32

Nga rorong! Mi keipkepide ra ta beit, ma a te beit va nga ta mon vepitsitsei, mi mei keskes si ken enamon. Nga ta sorvekena iou, eiekesen o kap mon keseung, simi vunan mi Tam a mon meie iou.

Ioanes 7:53

Ma gi nga muerengei rakot si kegi sar vonuo.

Ioanes 1:11

A nga nemei si ken enamon kesen, eiekesen ken kulou gi kap nga suguo.

Luka 15:20

Io, a nga tamtuir nge muerengei rakot se taman. “Eiekesen sien ta ngas nga mon i pek, e taman a nga deng kielala, ma mi aron a nga vous ngan mi tentoiv leong. Io, a nga soer susueie, ma a nga rakopie nge ngungurie e natuon.