Biblia Todo Logo
Bib sou entènèt

- Piblisite -




Aposol 2:30 - Mi Namani Tino

30 E Davit eie mi propet, ma a nga telekiran misa e Raban ta nga kukubuits meie eie, va e Raban ta tsana ka tubuon va ta tsorubeit Kovakova ka leong malan eie.

Gade chapit la Kopi




Aposol 2:30
37 Referans Kwoze  

Simi vunan a kap ka namani propet a nga beit vemusurie ken lalaron ka ka, eiekesen mi Moromoruo Tamat ngas te, a nga tsegerie mi ka va ta nga vokokotie mi nama kuvu se Raban.


Vodonomie e Iesu Karisito. Eie mi tubuon e Davit ma a nga to muerengei simi miensei. Ine arie mi Banga Vinavatei o ta vavatei ngan.


Ma ine mi Banga Vinavatei arie surie e Natuon. Simi tino simi pirpir, eie mi tubuon e Davit,


Mi Moromoruo Tamat a nga teir vienviendon se Davit va ta nga vakokoit katsep ngan: “‘E Raban a nga pevien si mong Nguts: “Mogos si kong riem suv, oit va o ta terie ma sar matakorot i pakien ba naparikame.” ’


I popon man tsetstseik kuar ma i popon ba tuvukamen man vinavataor ine mi asan a nga mon: “Mi Kovan bu kovakova ka leong kokouk, ma Man Nguts bu Nguts kokouk.”


Gi ta veveken meie mi Natu sipsip ma mi Natu Sipsip ta tseiptseiprio gie simi vunan eie mi Nguts sibu nguts ma mi Kovakova ka leong sibu kovakova ka leong, ma egie ese gi ta mon meie eie, arie egie ian ta nga kukuogie nge vile gie ma gi ko tuktuk seie.”


Eiekesen e Iesu a nga tsorubeit prist ngan mi vakavakariem sien e Raban ta nga pevien sien, “Mi Nguts a te vakavakariem, ma ta kap vurisan ken vienviendon, ‘Evoi mi prist sibu ra bu ra.’”


Simi rosar kes mo, segie ese va gi ta so suvuon misa e Raban tate nga kubutsie, e Raban a lalaron va ta vakatsepa va ta kap oit nia vurisan ken vuna vienviendon. Io, a nga vara tuktuk ngan ine ngan mi vakavakariem.


I murien bu avareit palan tate nga rov riu, e Raban a te nga vodon terie ka ra mene ian va ta nga vuotongie ngan va “Nevere,” ma a nga pevien ne i ngutsuon e Davit malan ta nga vokokotie vourvour, “Nevere, sien va nga ta rongomie mi inan, kian va ta papan bu aronga.”


Io, malan mi Moromoruo Tamat ta pevien, “Nevere, sien va nga ta rongomie mi inan,


Ma e Isaia buer a pevien, “Mi duvduv simi tietie se Iesse ta tsutsuleik, Ma ta tamtuir nge vuortie bu Kibang, Ma bu Kibang gi ta voturie kegi vodovodon rorrois sien.”


“Bu kasiung, mi nama i aron mi Pakpak Leong ta ngas tsorubeit tuktuk surie e Iudas ese ta nga muongan mi kulou nia rakopie e Iesu. Ine mi nama, mi Moromoruo Tamat a nga vorotsoruo i ngutsuon e Davit muomuo ngas te.


Ma a nga oeng segie, “Sien o ta ngas nga mon meie nga, o nga pengan senga va bu kepineits kokouk ian gi tate nga vataro surie iou i aron mi Vinuor se Moses, bu vinavataor sibu propet ma bu Pak, ta ngas tsorubeit tuktuk.”


I murien gi tate nga vetekiuo simi koitskoits, gi nga paluo satu nia potakie man sar tsetstseik i kotubugie.


Samo e Iesu a nga virei, “Ma surie misa mi Moromoruo Tamat ta nga teir vienviendon se Davit va e Davit ta nga vuotongie mi Messia va ‘mi Nguts’? E Davit a nga oeng malan ne,


Muomuo, e Raban a nga vakokoit sibu tubugiet i ngutsuon bu propet sibu keipkepide ra palan ma sibu suasuada rosar palan.


Swiv nou:

Piblisite


Piblisite