Aposol 19:2 - Mi Namani Tino

² Ma a nga vereie gie, “Nga te nga suvuon buer mi Moromoruo Tamat sien nga ta nga tsorubeit mi kulou vodovodon tuktuk?” Gi nga kuil nama, “A kap, gei kap ngas nga rongomie va ka Moromoruo Tamat buer ine a mon.”

Aposol 19:2 Referans Kwoze

Galatia 3:5

Nga si vodon va e Raban a nga terie mi Moromoruo Tamat senga nge tsana bu kepineits ni vovokudier i kotubunga simi vunan nga nga vemusurie mi Vinuor? A kap. A nga tsana ine bu kepineits simi vunan nga nga vodovodon tuktuk simi sana nga ta nga rongomie surie e Karisito.

1 Korinto 6:19

Vasa, nga kap telekiran va bu piripiringa, egie ken vonuo mi Moromoruo Tamat ese ta mon i aronga, ma ese ta nga kovuni se Raban? Bu piripiringa a kap va senga kesenga.

Ioanes 7:39

E Iesu a nga vokokotie ine mi nama surie mi Moromoruo Tamat, ian egie ese gi ta nga vodovodon tuktuk sien va gi ta ba nga so suvuon. Tuir oit ian simi ra e Raban a kap ngas nga terie mi Moromoruo Tamat simi vunan e Iesu a kap ngas nga suvuon man matvinavaso.

Aposol 19:5

Sien gi ta nga rongomie ine, gi nga por sinusuruiv simi asan mi Nguts e Iesu.

Aposol 10:44

Sien e Petro ta ngas nga vor ve vakvakokoit, mi Moromoruo Tamat a nga peuk i popogie gi ta nga rongomie ine mi vinavatei.

Aposol 2:17

“E Raban a nga pevien, ‘Sibu ra vekvekitip, o ta poek soan mi Morumoruong simi kulou kokouk. Bu natunga tamat ma bu natunga vevien gi ta vavatei ngan mi sana nama o ta terie segie, kenga sar ka vour gi ta dengarie kavo baidendeng, kenga sar komois gi ta borea ngan kavo binorea.

Roma 1:11

O lalaron beitsak nia pare nga, terengien va o ta mang me terie senga bu tienebeir simi moromoruo nia vangasie nga.