Aposol 13:23 - Mi Namani Tino

²³ “Kovuni sibu tubuon e Davit, e Raban a nga terie sibu Israel mi ka ni vavato e Iesu, malan ken kinubuits.

Aposol 13:23 Referans Kwoze

Mataio 1:1

Ine arie man vinateteik katsep mi tietie se Iesu Karisito. E Iesu eie e tubuon e Davit. E Davit eie e tubuon e Abaraam.

Puek Vasangan 22:16

“Eou e Iesu, o te nga turan kong angelo nia vavatei vakatsepa bu kepineits senga bu vona rengeir. Eou mi Buon ma mi Tubuon e Davit, ma eou mi Matalala ian ta rar ngeisngeis.”

Iuda 1:25

Io, surie e Iesu Karisito magiet Nguts, mi matvinavaso, mi minangarei, mi ngeisngeis, ma mi duis ta mon se Raban magiet Ka ni vavato, vakaek muomuo ngas te, nevere ma sibu ra bu ra ma ta kap man ka votovoto! Amen.

Aposol 13:32

“Gor vateie nga ngan mi Banga Vinavatei ian e Raban ta nga kubutsie rakot sibu tubugiet.

Roma 1:3

Ma ine mi Banga Vinavatei arie surie e Natuon. Simi tino simi pirpir, eie mi tubuon e Davit,

1 Ioanes 4:14

Ma gei te nga pare nge vavatei vakatsepa va e Raban a nga turan e Natuon tamat va eie man ka ni vavato mi mangmagoso enaenamon.

2 Petro 3:18

Eiekesen nga ta ngas to leong i aron mi tentoiv ma mi teletelekirei surie magiet Nguts ma kegiet ka ni vavato e Iesu Karisito. Mi matvinavaso ta mon seie ine ma sibu ra bu ra ma ta kap man ka votovoto! Amen.

2 Petro 3:2

O lalaron va nga ta ngas vodon muerengei surie mi nama ken sar propet e Raban gi ta nga vokokotie muomuo ngas te ma mi nama ngeisngeis simi Nguts, mi ka ni vavato, ta nga terie i ngutsuon bu aposol nianga.

2 Petro 2:20

Sien va mi kulou gi te nga vi sorvekenan bu sinavei malangiets simi mangmagoso enaenamon ngan mi teletelekirei surie magiet Nguts ma e Iesu Karisito mi ka ni vavato, ma gi te buer tuoer nge petspets simi sinavei malangiets, kegi sar tino ta me tsak rovoriu sorvekenan kegi sar tino vourvour.

2 Petro 1:11

Ma nga ta suvuon mi duis nia rubukien ngan mi nires leong si ken mangmagoso Nguts e Iesu Karisito magiet Nguts, ma mi Ka ni Vavato ian ta vuor sibu ra bu ra.

2 Petro 1:1

Eou e Simon Petro, ken petspets ma ken aposol e Iesu Karisito. O vavataor rakot senga ese nga tate suvuon mi vodovodon tuktuk ian ta potokivout malan segei. Nga te suvuon ine mi vodovodon tuktuk simi vunan ken sinavei magiet Raban ma mi Ka ni Vavato e Iesu Karisito a duis.

Tito 1:4

O vavataor rakot se Tito, e natung tuktuk simi vodovodon tuktuk. Mi tentoiv ma mi molu kuvu se Raban mi Tam ma se Karisito Iesu magiet ka ni vavato ta mon meie no.

Roma 11:26

Ma samo, e Raban ta vatoa bu Israel kokouk, malan mi Pakpak Leong ta pevien, “Mi ka vavato ta kovuni i Sion ma eie ta tsang rivie bu sinavei nia kap mangaran e Raban simi tubuon e Iakop.”

Aposol 3:26

Sien e Raban tate nga voturie ken ka ni tinuturei, a nga muna turan rakot senga nia vatamase nga ma a nga tsana va nga ta vurisan kenga sar tino sorvekenan bu sinavei tsokor.”

Aposol 2:30

E Davit eie mi propet, ma a nga telekiran misa e Raban ta nga kukubuits meie eie, va e Raban ta tsana ka tubuon va ta tsorubeit Kovakova ka leong malan eie.

Ioanes 7:42

Vasa, mi Pakpak Leong a kap pevien va mi Messia ta tubunien e Davit ma ta kuvu i Betilem simi taon ivie e Davit ta nga mon en?”

Ioanes 4:42

Ma gi nga pevien ian simi vevien, “Ine, gei te vodovodon tuktuk simi vunan egei kesegei gei te rongomie e Iesu, kap va surie mi sana e ta nga pengan segei. A tuktuk, eie man Ka ni vavato mi mangmagoso enaenamon.”

Luka 1:69

A nga terie segiet mi ka ni vavato ese ta ngeisngeis beitsak, kuvu simi tietie se Davit, ken petspets,

Mataio 22:42

“Nga vodon va mi Messia eie ese? Eie mi tietie se ese?” Ma gi nga kuil nama, “Eie mi tietie se Davit.”

Mataio 21:9

Mi kulou gi ta nga muo ngan e Iesu ma e gie gi ta vemuir gi nga koupkoup, “Osana, rakot se Natuon e Davit! E Raban ta vatamase eie ese ta nemei simi asan mi Nguts! Osana i kur beitsak!”

Mataio 1:21

Eie ta kava ka madar tamat, ma e ta ngas vuotongie ngan e Iesu, simi vunan eie ta vatoa ken kulou si kegi sar sinavei tsokor.”

Aposol 4:12

Eie kesen mo a oit nia vatoa giet, simi vunan a kap ka mei mene te buer e Raban a terie va ta oit nia vatoa giet simi sinavei tsokor i pakien mi rangit.”