Rom 9:20 - Takia

²⁰ Aria, ŋaisag ru naon igo ŋurupaio. Oŋ enti, oŋ Anut ru naon ka rupei ak i? Oŋ man Anut sen iginio ya. Dugo, oŋ Anut riŋanig lak na yak niŋen o ka igo ubol, “Oi, oŋ ata wo ŋai tamol naok igo yak giniag ak i?” Oŋ ru ago ka ubol rupei ak i?

Rom 9:20 Referans Kwoze

Matyu 20:15

En dugo, ŋai siganeg moni lo dugo ŋigane wo dan, ago ka ta ŋigane na wak i? Tia, ŋai siganeg mel ŋuwae dan niŋen o mala isi dak i?’

1 Timoti 6:5

Iŋsad ru bilabol an nuŋon tia yak lo, tamol a iŋ ilod iburkaruk idu dan, agod iŋ lo ru rumok ta yen na dan, nal fidian nug dupei da. Tamol amaiak ilod lo, Anut kagin diri dan lo tan en san filian diŋane san dal man nek amaiak ago dubol.

1 Korint 1:20

Tamol kankan milaen ak dugon te imado di? Kubiaeŋ tamol dugon te imado di? Tan en san kamaŋ tamol ru uyan ak iŋiŋeŋ dan dugon te imado dak i? Tamol naok amaiak iŋ ka dubunawad ak i? An fidian tia ya, man dugo, Anut iŋ tan en san tamolpein iŋaned kankan milmilae an, ru burau ak igo woŋ iganeg ilasa ya.

Jems 2:20

Oŋ burau tamol! Oŋ dag ŋai ŋukubiai dop ule o boi, ilo rumok naok an nuŋon tia kawan i?

Taitus 2:9

Urat bigabeg adi rupidai, iŋaned urat fidian digane dan lo, iŋ tamad awad paen na dumado dop lo ilo uyan dupidinai o maeg digane wa, ago dop tamad awad lo ta dipirgini na wa.

Rom 2:1

Oŋ enti talpein sen ak kagin sisaiak igane dan bitinaek lo ganeg iŋ lo ru sue dan, dugo, oŋ Anut malan lo kagin a gane dan fun an tia ya. Tia geig a, man dugo, oŋ talpein sen ak ta lo ru sue yak gug, kagin sisaiak a talpein a igane dan oŋ dam kagin naon kisaek ago gane da. Amaiak niŋen o oŋse bitinaek lo iginio dugo se ibio udu wau da.

1 Korint 7:16

Ak dugo, oŋ pein oŋane iwon tamol ak binawip iŋ dam ilo rumok tamol ilasa wak boi, tia wak boi, an uloŋ ak i? Agod oŋ tamol oŋane iwon pein ak binawip lo gob sad kagin ibiseip Kristus o ilon rumok ak boi, an uloŋ ak i?

Luk 12:14

Ago tag Jesus ru naon irupeig ibol, “O turag, enti ŋai aŋ filiam ŋitarpale wo ipilianag i?”

Rom 2:3

Ago man oŋ Anut san bitinaek an lo usol ak i? Man tia ya. Oŋ tamol kawan ak mi a, ago gug tamol aenta bitinaek lo dirai da. Ago dugo oŋse mi iŋsad kagin sisaiak tutuŋani da. Fun an lo, oŋ ilo isou dak Anut san bitinaek oŋ iriŋano wak i? An tia geig a!

Rom 9:21

Uloŋ uyan, saen talpein ta katik lo bod urat igane tap, iŋ iŋsinanen maŋau lo mi mel idiri ilasa da. Katik malan kisaek itumani an lo, bod sensen idiri wa. Bod kisaek san leil lo man girager uyanan mok a. Ago dugo bod neinta man nek ibol bod gidad oŋ a. An niŋen dugo, bod an imasap ibol, “Oi, oŋ ago giniag umoi,” ago ka ibol ak i?

Rom 9:22

Saen tamol bod idiri dop, aenta a saiadi man imoip yabi yau a. Ago dop aenta uyadi an mi kagin ipidinai a. Ilo sou an man mitilaen Anut Isrel tamolpein lo ago igane da. Saen milaen mok Anut Isrel tamolpein ilod ibileksa wo malan igane ya, ak man iŋsan ilo muŋanek san nuŋon tia ya. An niŋen o gamu iŋ ipitiŋinai o ilo sou igane da. Iŋ Isrel tamolpein niŋedi wo tiŋae saian an tamolpein aenta ikubiai dile wak, agop iŋsan tuon dabai an kuai tem ikubiai dile wa.

Rom 14:4

Oŋ enti, go oŋ talpein sen ak san urat pinein wabi idu wo gane di? Iŋsen mi iŋanen tubun ak naon na itur boi, tia, yau idu boi. Gug en rumok geig a, iŋ man itur mok a. Man dugo, iŋanen tamol tubun ak lo itur san dabai idaisida ya.

2 Timoti 2:20

Tamol tubun ak san ab ilon lo, bod naon sensen ak daeg dida dien da. Aenta siŋaokan geig a, gol silva da nam digane ya; gug aenta ta siŋaok adi na ya, tan katik agod ai lapan nam digane ya. Siŋaokan an tamolpein ate urat tubun ak digane wa. Aenta ta siŋaokan na yan man metmet disini san mi a.