Rom 8:21 - Takia

²¹ Ata wo, Anut san ilo girek lo, melmel fidian igane yan digan o isubanaig dumado da. Ak gug saen isuda wan lo dop, iŋsen mi subanek an igane itout dop melmel fidian an patun fo idiraip foun dilasa wa, agod iŋanen nanun muroun sad tureŋ girager aman da diŋane wa.

Rom 8:21 Referans Kwoze

Aposel 3:21

Iŋ kumaen panu na imado dop yaup, Anut mel fidian ibilisap foun ak dilasa san saen ilasa wa. Anut ago igane wo wagam mok iŋanen profet gun adi awad lo ibol a.

Revelesen 21:1

Ŋai malag yaug keit foun ak iŋ tan foun ak da dien dugo ŋeil a. Tan wagam ak iŋ keit wagam ak da ditout diau la ya, agod beig dam itout yau dugo foun ak ta aben iŋane man tia ya.

2 Pita 3:13

Ak man id a ilod lo rumok an promis a Anut ipanad an lo keit foun ak, tan foun ak dam tile wo mala nouk tumado da. Agod tan foun an ilon lo man kagin itaot ak mi ate yen yau a.

Rom 8:19

Man dugo, melmel fidian Anut igane yan Anut iŋsan nanun muroun kuai te idiraip dilasa dop dile wo malad diganeg diyep di dumado da.

Rom 8:30

Amaiak niŋen o talpein ensauta a Anut ipilianai an yaŋad ipateg igiai da. An lo ensauta a yaŋad ipateg igiai an dam iŋ itaot idirai da. An lo ensauta a itaot idirai an dam iŋ iŋanen bunun girager aman da yan ipidinai a.

1 Korint 15:42

Aria, saen tamolpein a dumat la yan fon kumaed dumasa wan, kulob naon nek ago yan ilasa wa. Tinid e imug tan na id tiŋane emaiak tisarep igan a. Tinid foun ak a murnap tiŋane wan iŋ fon igan san tia ya.

Hibru 12:27

Ru a “afon nal kisaek taida mi” an fun man, mel a iguri an ipasai yau a. An man mel a fidian fun lo idirai dilasa yan itout yau pasik a. An lo melmel a talpein ta iguri san tia yan ibisawaip pempem dien a.