Rom 7:23 - Takia

²³ Ak gug, ŋai kubiaeŋ naon sen ak tinig ilon lo dabai igane dan ŋile ŋaloŋ da. Kubiaeŋ an iŋ ŋaisag ilobol san kubiaeŋ da nug dufuni da. An lo dop aupasek san kubiaeŋ e tinig ilon lo dabai igane den ŋai isubanag da.

Rom 7:23 Referans Kwoze

Galesia 5:17

Man dugo, aŋsam tinim san ilo masai man Urgun san ilobol iŋsan ager a, agod Urgun san ilobol dam tinim san ilo masai san ager a. Uraru an nug dufuni woŋ da. Awan Urgun ago igane yan fun man, oŋane tini san ilo masai an ilasa wo igane dop san dal ifutani pani wa.

Jems 4:1

Fun ata mel niŋen o aŋ luluŋam lo wagai agane dugo nug apei adiri di? Bube imasa san kagin aŋ kisaek kisaek ilom lo yen da, agog aŋ tinim ilon fidian lo wagai igane dugo mel ta niŋen o amat den dam aŋane wo da.

Rom 8:2

Man dugo, id tamolpein Jesus Kristus da tumado den kubiaeŋ foun en paen na tumado da. Kubiaeŋ en man kumaen san Ur igane ya. Aria, kubiaeŋ en id aupasek mateŋ da sad kubiaeŋ lo isubanad an kuai fo idirad tilasa ya.

Rom 6:19

Ŋai ŋaisag ru lo, aŋ ilom tia yak niŋen o tamol kagin ŋurig ŋabol da. Aŋ wagam aŋanem tinim san biabi anen anen, aupasek san bigabeg igo aganeg dilasa ya. Ago yan lo aŋ kagin sisaiak nun anda yak agane se ya. Nek ago mi gamu aŋanem tinim san biabi anen anen aganep, kagin itaot ak san urat bigabeg alasa dop gun amado wa.

Rom 7:25

Jesus Kristus idsad Tubun ak lo ŋai Anut ilo uyan ŋupani da, man dugo, Anut iŋsen ŋai patug ipasi wa. Aria, ŋai ŋaisag ilobol lo Anut san kubiaeŋ niŋen o dabai ŋigane da, ago gug ŋaiseg tinig lo man aupasek san kubiaeŋ niŋen o mi dabai ŋigane da.

1 Pita 2:11

O turag muroug, aŋ man ibol tamolpein panu sen ak san apalug tan en lo tamol gol ak oŋ amado da. Amaiak niŋen o, ŋai ŋususuŋanaŋ pe tinim san ilo masa ari apani wo amoi a. Man dugo, kagin saiak an ŋutum san ager imado da.

Hibru 12:4

Rumok, aŋsam aupasek an da nug afuni da, ak man wagai agane dan lo aŋsam dar an gamugo ikulmaek da.

Rom 7:21

An lo ŋai tinig ilon lo kubiaeŋ en ŋile ŋaloŋ da, saen ŋai mel uyan ak ta ŋigane wo ilog ibol dop, kagin saiak dam ŋai isaurag da.

Rom 7:5

Saen id tamolpein tan en san igo tumado yan, aupasek san subam saiak id tinid ilon lo imado ya. Moses san kubiaeŋ subam an igane ilasag dabai ipani a. Subam an id tinid san samun luluŋad lo dabai igane da, an lo nuŋon a iganeg ilasa yan man mateŋ san mel mi a.

Rom 6:13

Aŋanem ŋiem banim nek ibol kagin saiak digane dak san biouŋ igo woŋ, aupasek igane wo ta apani na wa. Tia, aŋsem tamol mutou lo dumasag kumaen dumado dak igo woŋ, aŋanem tinim fidian mi kagin uyan digane dak san biouŋ igo woŋ, Anut apani wa.

Rom 7:14

Aria, id fidian taloŋ ak kubiaeŋ man iŋ Anut san a. Gug ŋai man tinig tan en san mi a. An lo aupasek ŋai ilog tinig bigabeg igo woŋ idad a, agog aupasek san bigabeg igo ŋumado ŋator da.

Jems 3:2

Id fidian aupasek funfun tigane da. Tamol ta iŋ ŋiŋeŋ lo aupasek ta igane na den, iŋ itaotan, agog iŋsen tinin fidian dam ka iturni wa.