Rom 5:10 - Takia

¹⁰ Saen id Anut san ager tumado dugo iŋanen Nanun san mateŋ lo id Anut san turan muroun tilasa ya. An rumok tap, sapita taida dop iŋ gamu kumaen imado dan lo id ibinawad pe patud ipasi wa.

Rom 5:10 Referans Kwoze

Rom 8:32

Anut iŋanen Nanun ta ipirani na ya, tia, id fidian niŋed o ibiseig imat a. An niŋen o iŋanen Nanun lo binawek kawan ak igo woŋ melmel fidian dien dan id ipanad an rumok ak i?

Efesus 2:16

Kristus tinin kisaek amaiak lo, tamol wagam an uraru mi itumanaig, Anut san turan mok oŋ dilasa ya. An san dal man Kristus aigim fo imat amaiak lo mi a. Dal nek kisaek an lo mi siai a nug lo yen an, Kristus igane itout a.

Revelesen 1:18

Agod ŋai tamol kumaen san ŋumado da. Gubak mi ŋai ŋamat la ya, ak gug ule, gamu ŋai kumaen pempem ŋumado da. Ŋai mateŋ san ki agod tamol dumat la yak sad abedi san ki dam ŋabi da.

Hibru 7:25

Ago yak niŋen o tamolpein a iŋ lo Anut sumeik dupani dan patud ipasi pasik anen idaisuda ya. Man dugo, iŋ pempem imado dan niŋen iŋ waged lo Anut igudani da.

Rom 8:34

Enti imisilanad ak i? Jesus Kristus imat pasik a, iŋ mutou lo imasag Anut tuon won ak ate itur go id niŋed o igudani da. An lo id imisilanad ak i? Tia geig a!

Rom 8:7

Man dugo, ta san kankan iŋ tinin o mi ilon isou dan man Anut o ager imado da. Agod kankan naok an sen yabi idup Anut san kubiaeŋ paen na imado san man tia ya. Rumok, iŋ ago igane san man ta idaisuda na ya.

Hibru 2:17

Ago yak niŋen iŋanen kagin naok naok lo iŋ tein taon dumado dak ago mok ilasa wa. Ago dop an lo na iŋ iŋaned pris malan te yak ilasap ago imado wa. Iŋsan urat awan lo Anut ibinawi dan igo ya, iŋ awa yabek tamol agod ilo muŋanek tamol an lo iŋ tamolpein sad aupasek an niŋen Anut ilon igane ibubarum a.

2 Korint 5:21

Kristus iŋsen aupasek ta igane na yak bo man, Anut id abed lo iganeg iŋ aupasek tamol igo woŋ ilasa ya. Ago dop id Kristus da tutumani an lo Anut san kagin itaot mok an id ŋutud lo ilasa wa.

Rom 11:28

Anut iŋ Juda tamolpein niŋedi wo dal uraru en ilon isou da. Ru uyanan e mufulale den niŋen o, iŋ Anut o ager dumado da, ago mi iŋ niŋedi wo ilon isou da. Agod an lo iŋsan bar uyanan aŋsam na ipalu ya. Gug Anut talpein ipilianai ak niŋen o, iŋ Juda adi ilon ipidinai da, ago mi iŋ niŋedi wo dam ilon isou da. Man ata wo? Iŋ wagam mi mok tamadi niŋedi wo imat a.

Rom 5:11

An mi tia ya, idsad Tubun ak Jesus Kristus lo, id Anut da tutumani an niŋen o yousai tigane da. Man dugo, gamu Kristus lo id Anut da titiŋae mi siai yen an ipasi panad go Anut san turan muroun tilasag tumado da.

Jon 14:19

Saen kitekan mip, tan en san tamolpein fon ŋai ta diliag na wa. Gug aŋ ŋai aliag a. Ŋai kumaen ŋumado dak niŋen o, aŋ dam kumaen amado wa.

Jon 6:57

Bai kumaen imado dan iŋ ŋai idinag go ŋupalu ya, agod ŋai Bai san wagen lo kumaen ŋumado da. Nek ago mi, talpein iŋ ŋai iniag dan, ŋaisag wageg lo kumaen iŋane wa.

Jon 6:40

Ŋai Tamag san ilon man igo ya. Ta Anut Nanun ilep, iŋ o ilon lo rumok an, iŋ kumaen pempem yen yau san an iŋane wa. Agod ŋai nal wadan lo ŋuburousap, fon kumaedi dumado wa.”

Jon 5:26

Bai iŋ kumaen san taman imado dak ago mi Nanun dam iŋ kumaen an ipani a, an niŋen o iŋ dam kumaen san fun imado da.

Rom 5:6

Saen id dabai amad tiag, sed ibinawad san tia yan lo Anut ibinawad a. Nal nek an lo Kristus tamolpein Anut awan duparsisali an ibinawai san niŋedi wo mateŋ ile ya.

2 Korint 5:20

An niŋen o maŋ Kristus wagen lo iŋsan nao ŋanek tamol igo woŋ mumado da. Maŋ awama lo Anut tamolpein ilod iŋane wo ru ibol da. Amaiak niŋen o maŋ Kristus wagen lo mududuwaŋ dop, aŋ Anut da nug turan mok alasa wa.

Efesus 2:3

Wagam id fidian dam nek iŋ dida naon kisaek a, ago dugo ilo masai san kagin an mi tiri se ya. Idaned ilo ibol agod tinid san ilo masai dam lo tumado na yan, an niŋen o idsad madok tan en lo man id Anut san tiŋae saiak paen na tumado da. An nek ibol tamolpein fidian tan en lo ditor dak, ago mi a.

1 Jon 2:1

O ŋai nanug muroug, aŋ au apas amoi o ru en ŋigire da. Gug ta iŋ au ipas tap man, id binawek tamol amad da ya. Tamol an Jesus Kristus itaot mok a. Iŋ ibinawad san o Bai naon na itur da.

1 Jon 4:10

Ilo panek e ŋai niŋen o ŋabol den igo ya. Id malan malan Anut niŋen o ta tamat na ya, tia, iŋ imug id niŋed o imat a. Agod Taman san ilo wananan a idsad aupasek igane ilasa dan, Nanun iŋsen yabiani wo iganeg ipalu ya.