Rom 4:17 - Takia

¹⁷ Nek ru ta Anut san buk lo yen dan ago ibol, “Ŋai oŋ tan titin wei mi san tamolpein iŋsad tamadi ŋipiliano ya.” Ago man iŋ Anut malan lo idsad tamad imado da. Man dugo, iŋ Anut ilon lo rumok a. Anut an enti mok ak i? Enti a tamol imat ak kumaen ipidinai dan, agod melmel ta dilasa na yan yaŋad ipate dugo ago dilasa yan, nek Anut an mi niŋen o Abraham ilon rumok a.

Rom 4:17 Referans Kwoze

1 Korint 1:28

Taida mi, melmel a tan en lo yaŋad tia yan, melmel a tamolpein patud dupidinai dak, agod melmel nek a ta dien na dan dam ipilianaig, an lo melmel a iŋ dien mok dan mel kawan ak igo woŋ idiraig dilasa ya.

Jon 5:21

Ata wo? Taman iŋ tamol dumat ak fon iburousap kumaen ipidinai san iloŋ a. Nek ago mi Nanun dam iŋ sen ilon ibol ak atem, enti kumaen ipani wan ago igane wa.

1 Pita 2:10

Imug na man aŋ tamolpein warou kisaek tia ya. Gug gamu aŋ Anut san tamolpein alasag amado da. Imug aŋ iŋsan ilo muŋanek ta aŋane na ya. Gug gamu aŋ iŋsan ilo muŋanek aŋane ya.

Jon 6:63

Urgun mi iŋ tamol kumaen ipani da, tinid man iŋ kitek ibinawad san tia ya. Ru e ŋai ŋurupaiaŋ den, iŋ ur agod iŋ kumaen a.

Rom 8:11

Agod enti iŋ Jesus mutou lo ifufunig imasa yan san Ur oŋ lo yen tap, iŋsan Ur oŋ lo imado dan lo oŋ tini mateŋ san mi an dam iŋ kumaen ipani wa.

Jon 5:25

Ŋai rumok nuŋon mi ŋurupaiaŋ da, nal ta idu wo igo yan gamu nek e ilasa la ya. Nal an lo tamolpein gamu mateŋ san dal lo dutor dan Anut Nanun awan duloŋ a, ago dop a iŋ awan duloŋ dan, kumaen pempem san diŋane wa.

Hibru 11:12

Amaiak niŋen o tamol a kisaek lo mi, amaiak imat o igane bo man, iŋ tubun bagen dilasag ibol patui lak na teil dak igo, agod loŋ na lul igo woŋ a. Ago man tusuti san tia ya.

Rom 3:29

Dugo, Anut iŋ Juda mi sad Anut i? Ago dugo, Juda tia yak sad Anut tia i? Tia, iŋ Juda tia yak sad Anut dam mi a.

2 Pita 3:8

Ak man ŋai teig muroug, mel kisaek en ilom ta iŋaoŋ na wa. Tubud malan lo nal kisaek man ibol anaŋar wan tausen ak igo ya, agod anaŋar wan tausen man ibol nal kisaek ak igo ya.

Hibru 11:7

Ilo rumok lo mi, Noa Anut san ru kagin panek iloŋ a, an lo gidad mel an ta yil na ya, ak man Anut san awan aban an irig kagin ipani dugo wog tubun geig ak ifoug, ate iŋanen tamolpein ibinawai a. Iŋ ago igane an lo tan san tamolpein patud ipidinaig iŋaned aupasek iganeg walal te ilasa ya, agod ilo itaot an man ilo rumok igane ilasa dan anen muroun ilasa ya.

1 Timoti 6:13

Anut a mel fidian kumaen ipidinai dan naon na, agod Jesus Kristus a Pontius Pailat naon na itur dugo iŋsen niŋen o ru rumok ibol ilasa yan naon na dam,

Rom 9:26

Agod fon ru girek lo, “Anut tamolpein ta igo irupidai ‘aŋ ŋaisag tamolpein tia ya,’ ago gug aben kisaek nek atna mi fon irupidai ‘aŋ Anut kumaen imado damaiak nanun muroun a’ iŋ awan ago duloŋ a. Mitep mel an ago ilasa wa.”

1 Korint 15:45

Fun an niŋen o Anut san buk lo igo digire ya, “Tamol a imug mi ilasa yan, Adam, iŋ tamol kumaen ak ago ilasag imado se ya.” Ak man Adam a murna geig amaiak, sen tinin ibileksag ur ilasag imado dugo, kumaen yen yau san ipanad da.

Rom 4:2

Abraham kubiaeŋ ibol ago mi iganeg an lo Anut malan lo itaot ilasa yan rumok tap, iŋ ka sen ipitiani wa, gug Anut naon na man ago igane san tia ya.

Aposel 15:18

Tubun en mel an fidian, fun log ipalug gamu kuai tem tamolpein duloŋ san ak idirig, ago ibol ilasa ya.”

Matyu 3:9

Aŋ aŋsem ilom lo igo ta abol na wa, ‘Abraham man maŋ tamama, an maŋ o idaisuda ya.’ Man dugo, ŋai en ŋurupaiaŋ itaot da, Anut ilon ibol tap man, pat e dien den ka iŋiliaip ibilaip Abraham nanun muroun mok dilasa wa.

Rom 4:18

Abraham iŋ ilon lo rumok a, gidad malan iganeg mel an nuŋon tia yak igo bo man, iŋ mala nouk imado se ya. An niŋen o iŋ tan titin wei mi sad tamad ilasa ya, iŋ o ago ilasa wan niŋen o Anut gubak mi igo irupei, “Oŋane mala kubulan sad sutek man loŋ na lul igo woŋ dilasap ago dumado yau a.”

Rom 9:11

Nanuk babagaru an dilasag iŋaned kagin naok naok gamugo dile dugo Anut Rebeka irupeig ibol, “Nanuk matu ak san dar dilasa dan mitep nanuk bakan ak san dar dilasa dan paed na dumado wa.” Anut ago igane yan lo iŋanen ilo sou nuŋon igane ilasa ya. An Anut sen pilianek igane ya, an tamol iŋsad naok naok lo tia ya. Man dugo, iŋsen mi tamolpein a iŋsan wagiŋ duloŋ an, amaiak ipilianai o ilon ibol a.

Hibru 11:3

Ilo rumok lo mi, id taloŋ ak Anut san wagiŋ lo mel fidian idirai dilasa ya, an lo mel tile anen tia yan lo Anut iganeg idirai dilasa ya.