Rom 3:19 - Takia

¹⁹ Aria, id taloŋ ak, Moses san kubiaeŋ dugo ibol dan, ru kagin an tamolpein a kubiaeŋ an paen na dumado dan mi irupidai duloŋ a. Awo, Juda adi iŋ Juda tia yak adi da aupasek paen na dumado da. An lo dop saen Anut ru ipidinai dop sed ibargiranai san ta idaisuda na ya, tia, tan en san tamolpein fidian Anut san bitinaek lo dutur dop ru naon durupei a.

Rom 3:19 Referans Kwoze

Galesia 3:10

Fidian a kubiaeŋ mi duri dupani dugo, an lo Anut patud ipasi wak o tini ganei digane dan, iŋ misilanek ru paen na dumado da. Man dugo, ru e girek lo yen den ibol, “Talpein ta mel fidian a kubiaeŋ san buk lo yen dan lo ta itur sakar na tap, iŋ misilanek paen na imado wa.”

Rom 3:9

En dugo, id Juda adi tamolpein aenta a Juda tia yan tiriŋanai ak i? Man tia geig a. Ŋai gubak mi ŋukubiaig ale la ya, Juda tamolpein agod a Juda tia yan dam aupasek san dabai paen na tumado da.

Galesia 5:18

Gug aŋ Awan Urgun paen na amado tap, Moses san kubiaeŋ ka iriŋanaŋ a.

1 Korint 1:29

An lo man, talpein ta Anut naon na sen yaŋan yabisa san tia ya.

Rom 3:23

man dugo, id fidian aupasek tigane na ya. Ago dugo idsad nao lalek man Anut anen nao lalek ago tia ya, tia, id fidian ta idaisuda na ya.

Galesia 4:21

Aria, aŋ ensauta a Moses san kubiaeŋ paen na amado wo ilom ibol dan, ŋai awag aloŋ o kududom agure. Ak dugo, aŋ kubiaeŋ an san fun mok aloŋ uyan i?

Galesia 4:5

Anut ago igane amaiak lo tamolpein a Moses san kubiaeŋ paen na dumado dan iŋiliaip ipasai imul a. Anut iŋanen Nanun igane idu yan niŋen o id fidian Anut san nanuk ŋilaŋal ka tilasa wa.

Rom 1:20

Fun lo mok Anut tan en iganeg yen ipalug gamu saen en lo man, iŋsan bunun imianuk yen an walal te igane ilasa ya. An igo ya, iŋ Anut mok a, agod iŋsan dabai pempem yen yau da. Mel uraru en kuai te tamolpein ka dile duloŋ a, iŋsan dabai, agod iŋsan mel idiri an lo banin mitilaen ka dile wa. Ago bo man iŋ Anut dumoi a. Fun amaiak niŋen o iŋ Anut malan lo sed idiraip itaot dilasa wo digane san dal ta yen na da.

Jon 8:9

Aria, talpein ru an duloŋ man kankan diŋaneg kisaek kisaek mi ditapas diau se ya. Busumadi ak imug gug, aenta dam ago mi digane yau nad, Jesus mi iŋ pein an da nuŋod uraru mi dumado ya.

Rom 3:4

Man tia mok a. Gidad tamol adi fidian sewak bo man Anut man ago tia ya, tia, iŋ pempem rumok a. Ru ta Anut san buk lo igo ibol, “Saen oŋ ru ubol ilasa dop, tamolpein fidian kuai tem dile wak oŋane ru an itaot a, ago dop oŋ bitinaek lo udu bo man, bitinaek an oŋ riŋani wa.”

Rom 3:2

Awo, iŋ Juda dilasa yan lo man iŋsad binawek wei mi a. Mel malan malan man igo ya, Anut iŋanen awan aban an kagin dupani uyan o banid lo igane ya.

Jon 15:25

Iŋsad kagin, ru ta iŋsad kubiaeŋ lo digireg yen an iganeg nuŋon ilasa ya. Ru an igo ya, ‘Iŋ sen kawan mok ŋai lo siai digane ya.’