Rom 12:2 - Takia

² Agod aŋ tan en san tamolpein sad ilo sou man ta atutuŋani na wa. Tia, ilom bubem awan apasip, Anut aŋ ilom ibilisa dop aŋanem ilo sou foun ak ka ilasa wa. Amaiak niŋen o Anut dugo ilon ibol dan aŋ aloŋ uyanan a. Anut san ilobol an mel uyanan a, an dam itaot geig, agod iŋsan ilobol an aŋ ilo uyan ipanaŋ da.

Rom 12:2 Referans Kwoze

1 Pita 1:14

Aŋ imug aŋaoŋ dugo amado se ya, ago dugo kagin naok naok a ilo masa igane ilasa se yan ari na ya, gug gamu nek ibol nanuk awa bek san igo woŋ, aŋ kagin an fon mi ta atutuŋani na wa.

2 Korint 5:17

Fun an niŋen o talpein ta Kristus lo imado dak ago tap, Anut iŋ talpein an iganeg foun ilasa ya. Kagin a wagam iŋsan madok imug ak san an fidian ibisei a. Rumok nuŋon, iŋsan kagin wagam ak ibisei yau itout go iŋ foun ilasa ya.

Kolosi 3:10

agod aŋanem bunum foun ak aŋane ya. Anut gamu urat igane dan lo ilom ibileksap maŋau foun ak aŋane da. An lo Enti a aŋ foum idiraŋ alasa yan, aŋ lo igo igane da, nek ibol iŋsen imado dak, aŋ dam ago mi alasa da.

Efesus 5:17

Fun an niŋen o aŋ ŋiŋeo kagin lo atur dan amoi. Tia, akubianip ale, Tubun ak san ilobol an man ata mel ak i? An ale aloŋ dop ari apani wa.

1 Pita 4:2

Ago yak niŋen o iŋsan madok tan en lo tamolpein sad ilobol an iri san ilon ta yen na da. Tia, Anut san ilobol an mi iri ipani wo ilon yen da.

Rom 12:1

Fun an niŋen o ŋai teig taog, Anut anen ilo muŋanek tubun an niŋen o ŋai igo ŋurupaiaŋ da. Aŋanem tinim kumaem anda yak aŋanep, lou panek igo woŋ, Anut iŋsan urat ipanaŋ san niŋen banin lo sem idiraŋ a. Iŋ malan lo kagin naok an gun a, agod kagin an iŋ uyan ipani da. Man ata wo? Kagin nek an, aŋ iŋanen biabi ŋilaŋal agane wo ago ilon yen da. Aŋ ago agane tap, iŋsan ubou leil mok agane da.

Jon 15:19

Aŋ tan en san tamolpein sad muroudi dop man, aŋ niŋemi wo dumat pe, aŋ iŋsadi ak dubol a. Ak man aŋ tan en san tamolpein mok tia ya, tia, ŋai aŋ ŋipilianaŋ go aŋ ŋaisag a. Fun amaiak niŋen o tan en san tamolpein aŋ lo siai digane wa.

Rom 13:14

Tia, aŋ Jesus Kristus aŋanep kulos igo agane wa. Agod mel ta aganep aŋsinam tinim san ilobol afutip idaisuda wo ago ta agane na wa.

Taitus 3:5

id patud ipasi a. Idsad kagin itaot ak ta tiganep lo na iŋ ago igane man tia ya. Tia, iŋsiganen ilo muŋanek lo na id iŋiliad a. Iŋsan Awan Urgun iganeg id foud tilasa woŋ an man ibol ifulanad go ikok tilasa yak oŋ a, dal amaiak lo patud ipasi a.

Jems 4:4

Aŋ Anut abisei ak ibol dal dal pein iwon ibisei ak igo woŋ a. Aŋ ta aloŋ na yak, aŋ tan en niŋen o amat tap, aŋ Anut san ager. Agog tamol enti tan en san turan imado wo tap, iŋ Anut patun ipanip Anut san ager igo woŋ a.

2 Korint 4:4

Tamolpein an tan en san tubud Satan, iŋsad ilo sou yabi idu yan lo, tamol malad itau igo woŋ dilasa ya. An niŋen o lilaman iŋsad na ipalu dan dile san tia ya. Lilaman an man Kristus san girager, an bilaluŋ uyanan ak ilon lo yen da. Agod Kristus man naon Anut naon igo ya, ago gug an dile san tia ya.

Jon 17:14

Ŋai oŋane ru ŋupidinaig diŋane ya. Ago dugo tan en san tamolpein iŋ lo siai digane da. Man dugo, iŋ tan en san tia ya, nek ibol ŋai dam tan en san tia ago mi a.

2 Pita 1:4

Agod iŋsan yaŋak tubun ak, iŋsan kagin uyanan ak lo dam, iŋsan promis lak na igane idu yan ipanad a. Promis an id malad lo naon lak na geig di tubun a. Promis nek amaiak lo aŋ tan en san nun panek ka ariŋani wa, man dugo, ilo imasa san kagin an lo tamolpein nun ipidinai da, ak man gamu asol san dal ilasag yen da. Promis an lo dam, iŋsinanen bunun aŋ ilom lo igane yan lo aŋ dam nek ago amado da.

Jems 1:27

Ubou san kagin ikok agod uyanan da Bai Anut malan lo man igo ya: nanuk bigabeg, pein suos, kaginad tigane dop iŋsad muruan lo tibinawai a, agod tan en san kagin tile dop bubed ta igane saian na wa.

1 Jon 3:13

Teig taog, amaiak niŋen o tan en san tamolpein diliaŋ saian geig dan, niŋen o yaes ta ifunaŋ na dop bubem ta irut na wa.

1 Tesalonaika 4:3

Anut san ilon man igo ya, iŋ iginiaŋ pe gun amado wak, aŋ jeit kagin patum apani wak,

1 Jon 5:19

Id mel en dam taloŋ ak id Anut san muroun a, ak gug tamolpein a tan en san muroun mi dumado dan fidian, iŋ man Satan tuon lo dumado da.

Efesus 1:18

Ŋaisag gadiŋ lo Anut ŋusumianip aŋ lilaman ipanaŋ dop ilom isafulale wa. Agod melmel a aŋane wo igiaŋ go mala nouk amado dan san fun mok aloŋ uyan a. Agod Kristus san filian a girager aman da yan iŋsan tamolpein gun ak ipidinai o promis ru ibol an dam aloŋ uyan a.

2 Pita 2:20

Man dugo, iŋ imug Jesus Kristus idsad Tubun en, agod idsad binawek an duloŋ a, maŋau an lo tan en san nun kagin san na dusol diau la ya. Ak man iŋ afon dumul kagin saian ak lo diladug isubanai tap, iŋsad wadan gamu en san man saian mok, agod iŋsad naon gubak mi an san iriŋani geig a.

Efesus 2:2

Nal an lo man aŋ tan en san kagin saiak lo amado se yak, ago mi ator na ya. Aŋ ur saian ak sad gurman, timtaen lo itilanig dabai anda itor dak san kagin ari apani se ya. Ur saiak an gamu en iŋ tamolpein ensauta a awa parsisalek tinadi an, tinidi lo urat saian ak igane da. Man dugo, iŋ Anut awan ta diri na da.

Galesia 1:4

Kristus idsad Tubun ak, idsad aupasek ipasi san niŋen o, iŋanen kumaen an ibisei a. Kagin saiak saiak gamu tan en lo yen den, iŋsan mateŋ an lo id iŋiliad go patud ipasi a. Saen iŋ ago igane man, iŋ Bai Anut san ilobol an iri pani a.

1 Korint 3:19

Man dugo, Anut san leil lo man, tan en san tamolpein sad kankan milaen an ŋiŋeo igo woŋ a. Ru ta Anut san buk lo ŋaisag ŋiŋeŋ ibalsiŋani da, ru an igo ibol, “Tamolpein iŋsiganed rawek kagin lo mi diau disasaug Anut ibiai a.”

Rom 7:22

Rumok, ŋai bubeg ilon lo man, Anut san kubiaeŋ o ilog bulbal da.

Jon 7:7

Man dugo, tan en san tamolpein fidian man aŋsam ager tia ya, tia, iŋ ŋaisag ager mi a. Man ata wo? Ŋai iŋaned saian kuai tem ŋabol ilasad amaiak naon ŋisini da.

Revelesen 13:8

Tamolpein fidian tan en lo emaiak mel kasik en dugudanip ubou an dile wa. Ak man warou kisaek mi ago ta digane na wa. Warou an man, tamolpein fidian nek a, tan en gamugo ilasa dugo, Anut iŋaned yaŋadi buk lo igire idu ya. An man Sipsip Nanun dufunig imat ak iŋanen kumaen san buk nek ama ya. Aria, tamolpein nek an mi mel kasik an san ubou ta dile na wa.

1 Pita 2:3

Man dugo, aŋ Tubun en san bulbal akubianig ale aloŋ la ya, iŋ mi uyanan mok a.

Rom 7:12

An niŋen o Moses san kubiaeŋ gun mok a. Agod an san piteŋanek funfun an dam gun, itaot, agod uyanan mok a.

Kolosi 4:12

Epafras, iŋ dam aŋsam tamol kisaek a, agod ilo uyan ru irupaiaŋ da. Iŋ Jesus Kristus san urat tamol mok a. Iŋsan gadiŋ lo aŋ niŋemi wo urat wagai igane dugo, Anut igo isumiani da: Anut ilon dugo ibol dak aloŋ uyan pe, tinim ŋutum fidian lo ari apani wa, agod aŋ mel ta niŋen o, ta katuk amam na wa, an lo dop aŋanem ilo rumok Kristus lo yan dabai a.

1 Pita 1:18

Aŋ aloŋ ak, Anut aŋ tubumi sad kagin nuŋon tia man dupanaŋ an lo idad go ipasaŋ iŋiliaŋ a. Mel ta itout yau san ibol silva gol da igo woŋ ak lo aŋ ta idad go iŋiliaŋ na ya.

Jon 14:30

Ŋai ru taida milaen mi ŋurupaiaŋ san tia ya, man dugo, tan en san gurman Satan ipalu wo itoŋ da. Iŋ ŋai ibiag ŋadu san man dabai aman tia geig a.

Rom 7:14

Aria, id fidian taloŋ ak kubiaeŋ man iŋ Anut san a. Gug ŋai man tinig tan en san mi a. An lo aupasek ŋai ilog tinig bigabeg igo woŋ idad a, agog aupasek san bigabeg igo ŋumado ŋator da.

Revelesen 12:9

An lo man Maikel iŋanen eŋel dida mot emaiak san dabai kumaen panu lo yan diganeg itout a. Mot en man, iŋ gubak mi yaŋan Uf Ru San Ur, yaŋan turan Satan dubol dak, ama ya. Iŋ tamolpein tan titin fidian lo yan irawai na ya. Aria, iŋ Satan diŋaneg, iŋanen eŋel adi dida sisem dubilai tan na dudu ya.

Matyu 13:22

Aria, ai patun ud luluŋad lo dudu man, nek ibol tamolpein ru rumok an duloŋ pe ilod lo rumok kisaek oŋ dak igo ya. Ak man iŋ tan en san madok niŋen o ilo sou gidigidad mi digane da, agod iŋ melmel wei mi amad da wo dumat da, an lo kagin uraru an Anut san ru ilod lo yen dan yafutani da. Ak niŋen o ru amaiak nuŋon aman tia ya.

Mak 4:19

Ak gug tan en san ilo weiwei, agod filian san mala bulbal di mel aenta sad ilo masa dam, disaurip itilanip ru an ipapao da. Ago dop ru an nuŋon ta ilasa na wa.

Kolosi 1:9

Fun an niŋen o, saen maŋ ru aŋ niŋemi wo maloŋ go ipalug gamu en, maŋ aŋ niŋemi wo Anut mugudani panaŋ da. Maŋsama gadiŋ lo Anut musumiani panaŋ dak igo ya. Aŋ Anut ilon dugo ibol dan aloŋ fufei wa, agod Awan Urgun lo, aŋ kankan milaen ak, agod maŋau dam aŋ fidian tinim iŋanefute wa.