Rom 11:7 - Takia

⁷ An niŋen dugo? Isrel tamolpein mel a wagai diganeg dile yan ta diŋane na ya. Gug tamolpein a Anut ipilianai an mi mel an diŋane ya. Gug wadan a dumado yan fidian iŋaned bubed pat igo sakar kasik ilasa ya.

Rom 11:7 Referans Kwoze

2 Korint 4:4

Tamolpein an tan en san tubud Satan, iŋsad ilo sou yabi idu yan lo, tamol malad itau igo woŋ dilasa ya. An niŋen o lilaman iŋsad na ipalu dan dile san tia ya. Lilaman an man Kristus san girager, an bilaluŋ uyanan ak ilon lo yen da. Agod Kristus man naon Anut naon igo ya, ago gug an dile san tia ya.

Rom 9:18

An niŋen o id taloŋ ak, Anut iŋsen ilon nam tamolpein aenta iŋsan ilo muŋanek ikubiai dile wak, agod tamolpein aenta bube sakar ipidinai dop silei digane da.

Rom 11:25

O teig taog, ŋai ilog igo ya, aŋ Anut anen ilo girek mianuk yen en niŋen aŋaoŋ san tia ya, kabelan aŋsem yaŋam asini banau. Aenta Isrel luluŋad lo bubedi sakar ilasa ya. Ago mi dumado yaup murna gup gob adi a Anut ipilianai an fidian iŋsan ar lo diladu wa.

Rom 11:5

Gamu nek ago mi gugoi wadan tusan a Anut iŋsan ilo muŋanek lo ipilianai an gamu dumado da.

Efesus 1:4

Saen Anut tan ta igane ilasa na dugo, id Kristus ida itumanad o kob ipanad a. An lo saen id iŋ naon na tatur dan, id gun tumado dop, iŋ malan lo man id ai wadan amad tiap itaot mi ago ka tumado wa.

2 Korint 3:14

Yamel an man Isrel tamolpein sad mitilaen igo ya. Gubak mi man Isrel ilod pat igo ya, an niŋen o Anut san ru diŋane wo dumoi a. Agod iŋ gubak mi igom gamu dam naod kisaek mi a. Saen iŋ kontrak wagam an san ru dusuti tap, yamel naon kisaek an nam duloŋ san kankan ibalfutani da. Iŋ gamugo yamel an dupasi a. Man dugo, saen iŋ Kristus diŋane dop yamel an Kristus ipasi yau a.

Rom 9:23

Ak man bod aenta iŋ Anut san ilo muŋanek an dukubiani wak, agod iŋ mel uyanan Anut ipidinai an duloŋ uyan a. Bod naok an man id tamolpein a Anut sen igiad ama ya, agod wagam mi iŋanen girager uyanan amaiak tiŋane wo ipilianad a. Aenta Juda dugo aenta Juda tia ya.

Filipai 1:18

Amaiak niŋen o dugo wak i? En mi, gidad iŋ ilod lo ilo sou mianuk ak yen boi, tia, ilo sou uyan mok an lo mi dubol ilasa boi, ŋai ilog tubun mi igo ibol da, dal fidian lo Kristus san fun dufulalep tamolpein ka duloŋ a. Kulob nek en ilasa se yan niŋen o ŋai youg isa da. Awo, yousai pempem ago yen a.

1 Korint 10:19

Ak dugo, anaŋ a tubud ai pat mitilaedi yai digane pidinai dan, iŋ mel tubun ak ago ŋabol dak i? Tia dugo, ai pat tubud mitilaedi man, iŋ mel rumok ak ago ŋabol di? Tia geig a.

Rom 10:3

Iŋ Anut san buben itaot ak id ilod lo igane yan ta duloŋ na ya. Iŋsiganed duloŋ san mi duri wo ilod yen da, amaiak lo iŋsed mi itaot dilasa wo dabai digane se ya. Ago gug iŋ Anut san buben itaot ak ipidinai o dumoi na ya.

Rom 6:15

An ago tap, en dugo wak i? Rumok, id man kubiaeŋ paen na ta tumado na da, ago gug Anut san ilo muŋanek paen na tumado da. Amaiak niŋen o dugo, id aupasek an nek ago mi ka tigane yau ak i? Man tia geig a!

Rom 3:9

En dugo, id Juda adi tamolpein aenta a Juda tia yan tiriŋanai ak i? Man tia geig a. Ŋai gubak mi ŋukubiaig ale la ya, Juda tamolpein agod a Juda tia yan dam aupasek san dabai paen na tumado da.

Jon 12:40

“Anut idiraig malad itau an dilasa ya, iŋaned ilod dam iganeg dabai geig a. An lo iŋ maladi nam abaŋ dile san tia ya, ago dugo ilodi nam maŋau diŋane san dam tia ya, taida mi, iŋ didaŋsa san tia ya, tia dop, iŋ ilod ibilisa tap didaŋsa dop ŋai ŋukubuniai a.”

Luk 13:24

Ago tag Jesus irupidaig ibol, “Dalawan man ipipiani an. Aŋ dalawan ipipiani an lo aladu wo maeg agane wa. Man ata wo? Ŋai ŋurupaiaŋ da, tamolpein wei mok Anut san kagin panek aben lo diladu wo ilod ibol da, ago bo man diladu san tia ya.

1 Pita 1:2

Bai Anut gubak mi aŋ gamugo alasa yan san saen lo iliaŋ iloŋ go ipilianaŋ an lo Awan Urgun iŋsan urat lo aŋ iŋanen tamolpein gun ak alasa ya. Agog aŋ iŋanen tamolpein awa bek san ago mi amado ator a, agod Jesus Kristus iŋanen dar ikulmaek an lo aŋsam aupasek isuas panaŋ a. Anut iŋsan ilo panek, agod iŋsan ilo maror ipanaŋ pe ilom lo italbusip tubun ilasa wan o ŋugudani da.

Hibru 12:17

Man dugo aŋ aloŋ ak, murna gug iŋanen matu san bar a ibidani yau an fon iŋane wo igane ya, ak man Anut patun ipani a. Ago dugo iŋ tinaŋ igane bo man ilon ibileksa san dal ta ile man tia ya.

Mak 6:52

Ata wo? Jesus enti mok an duloŋ uyanan an niŋen o ilod itau a, iŋ bret lo kulob igane an dile yak gug kulob an kankan Jesus niŋen o ta ipidinai uyan na ya.

Efesus 4:18

Iŋsad duloŋ man tidom tubun yafutani a, agod Anut san madok niŋen o man iŋ ibol tamol asau ak igo woŋ a. Man dugo, diŋaoŋ go dumado da. Iŋsad ilod pat igo woŋ dabai geig an lo Anut ta duloŋ na ya.