Rom 10:9 - Takia

⁹ Ru en igo ya. Jesus iŋ Tubun a, isop oŋse malak malak lo ago ubol ilasa dop, Anut Jesus mateŋ lo ifufunig fon imasa yan ilo lo rumok tap, oŋ patu ipasi wa.

Rom 10:9 Referans Kwoze

Luk 12:8

“Ŋai aŋ ŋurupaiaŋ da. Talpein ta tamol naod na iŋ ŋaisag ago ibol tap, ŋai dam Anut san eŋel naod na ŋatur pe ŋabol ak iŋ ŋaisag a.

Aposel 16:31

Agog ru naon durupei, “Oŋ Tubun en Jesus niŋen o ilo rumok tap patu ipasi wa. Oŋane ab samun dam patud ipasi wa.”

Filipai 2:11

Ago dop awak fidian kuai tem Jesus Kristus iŋ Tubun ak ago dubol ilasa wa. An lo man kulob en Bai Anut yaŋak tubun ak ipani wa.

1 Pita 1:21

Kristus lo aŋ fun aganeg Anut a iŋ mateŋ lo ifufunig kumaen yabisag yaŋak tubun ak ipani an ilom lo rumok a, ago yan lo gamu aŋanem ilo rumok agod aŋanem tini ganei dam diaug Anut lo dututou da.

Rom 8:34

Enti imisilanad ak i? Jesus Kristus imat pasik a, iŋ mutou lo imasag Anut tuon won ak ate itur go id niŋed o igudani da. An lo id imisilanad ak i? Tia geig a!

Rom 14:11

Man dugo, ru igo yen da, “Ŋai kumaeg ŋumado dan rumok tap, ŋaisag ru en nuŋon ilasa wa. Tubun en igo ibol da. Tamolpein fidian ŋai naog na ditakoksi wa. Agod tamolpein an fidian Anut naon na iŋaned muruan dubol ilasa wa.”

1 Korint 12:3

Amaiak niŋen o ŋai ŋurupaiaŋ da. Talpein ta Anut anen Urgun lo Jesus imisilani san tia ya. Nek ago mi, talpein a igo ibol dan, “Jesus iŋ Tubun ak,” tamol amaiak Awan Urgun lo mi iŋiŋeŋ da. Man dugo, ur saiak ta ago ibol ilasa san tia ya.

2 Jon 1:7

Man dugo, sewak tamol wei mi dilasag panu panu lo dutor da. Iŋ Jesus Kristus tinin tamol mok igo woŋ ilasa yan uyan ta dupani na da. Tamol naok ago man iŋ sewak tamol, agod Kristus san ager tamol ta igo ya.

Jon 9:22

Tinan taman iŋ Juda adi niŋedi wo direr, an niŋen o iŋ ru ago dubol a. Man ata wo? Juda gurman adi imug dutumanig ru igo dufuni a, talpein ta Jesus niŋen o Kristus ibol dop man, iŋ dukudip, midaeŋ patun fo ilasa wa.

Aposel 8:36

Ru ifulale dugo dupalug you ta fun na dilasag, tamol gurman Filip irupei, “You ebe ya. Dugo, mel ta isubanag pe suguek ŋiŋane wan tia i?”

Aposel 2:24

Gug mateŋ Jesus yabituani san tia tag Anut iŋ ifufunig, fon kumaen imasag mateŋ san madai tuon lo ipasi a.

Aposel 2:32

Anut Tubun ak Jesus nek amaiak mateŋ lo ifufunig, kumaen imasa da ya. Agod mel an maŋ fidian sema malama lo mile ya.

Rom 4:24

Tia, id dam niŋed o digire ya. Man dugo, id dam Anut binawek kawan an ipanad pe lo id tamolpein itaotan ak ibol a. Id Anut e idsad Tubun ak Jesus mateŋ lo ifufunig kumaen imasa yen niŋen o ilod rumok a, fun an lo iŋ binawek kawan ak ipanad pe itaot tumado wa.

Rom 10:10

Man dugo, oŋ bube lo iŋ niŋen o ilo lo rumok, ago dop Anut malan lo oŋ tamol itaot ago iginio wa. Agod oŋ awa lo Jesus iŋ Tubun ak malak malak ubol ilasa wa, an lo iŋ oŋ patu ipasi a.

Rom 14:9

Fun nek amaiak niŋen Kristus imat go fon kumaen imasa da ya. Iŋ ago igane yan lo iŋ tamolpein dumat ak, agod tamolpein kumaen dumado dak dam sad Tubun ak imado da.

1 Jon 4:15

Talpein a Jesus iŋ Anut Nanun mok ibol ilasa dan, Anut iŋ da dumado da, agod iŋ dam Anut da dumado da.