Revelesen 3:10 - Takia

¹⁰ Gubak mi ŋai ru en ŋurupaiaŋ a, aŋ muruan fidian lo atur dabai a. Aŋ ru an ari apani na ya, an niŋen o ŋai aŋ ŋubargiranaŋ a. Kubianek saian geig ak ipalu da, an lo tamolpein aben titin fidian lo yan ikubianai wo ilasa wa. Ak gug saen an lo ŋai kagin ŋupanaŋ dop muruan an iriŋanaŋ a.

Revelesen 3:10 Referans Kwoze

2 Pita 2:9

An rumok tap, Anut muruan funfun dugo yak lo tamolpein a Anut san kagin duri dupani dan patud ipasi san iloŋ a. Nek ago mi iŋ tamolpein saiadi muruan lo idiraip dumado wan bu panek an paen na mi dumado dop yaup bitinaek nal ilasa san, an dam iloŋ a.

Revelesen 14:12

Saen an lo tamolpein gun ak gidad dumado dabai a. Tamolpein a Anut awan paen na dumado dugo iŋaned ilo rumok Jesus lo diabi sakar dan nek an mi a.

Revelesen 2:10

Saen kitekan dap aŋ muruan asini wa, ak gug an niŋen o aŋ gidad ilom ta irer na wa. Ŋai ŋurupaiaŋ da, Satan ago igane dop, iŋ tamol aenta aŋ luluŋam lo subanek lo idirai a, ago dop an lo aŋ ikubianaŋ a. Saen an lo dop aŋ nal 10 muruan iŋ madai da asini wa. Gidad oŋ dufuno umat a, oŋane ilo rumok ŋai lo yan wabi dabai dop yaup umat a. Ago dop man, kumaen pempem mi mado san kob ŋupano wa.

1 Korint 10:13

Oŋ lo bitinaek fidian ilasa dan senamo geig man tia ya, tia, bitinaek naon kisaek an mi dam tamolpein fidian lo ilasa da. Anut kagin ipano wa. Oŋ bitinaek dugo oŋ lo ilasa dan ka sini san idaisuda wa. Man dugo, oŋane dabai dugo woŋ ate bitinaek naok an sayani san iloŋ uyanan da, an niŋen o iŋ bitinaek ta oŋane dabai an iriŋani san amaiak oŋ lo ilasa wo yabituani wa. Agod saen bitinaek ta oŋ lo ipalu tap, dal ta lo oŋ usol wau o ikubiai pano wa, an lo dop bitinaek an lo utur sakar pe mado wa.

1 Pita 4:12

O turag muroug, aŋ bitinaek wananan geig ale dugo amasa saian an mel naok foun ilasa yak igo abol banau.

Revelesen 1:9

Ŋai Jon, ŋai aŋanem teimi, ŋai aŋ da Jesus san warou lo tumado da, agod ŋai aŋ da tutumanig id sisem muruan da madai da tisini da. Ŋai aŋ da Kristus san kagin panek lo tumado da, agod id fidian mi tatur dabai dugo muruan tisini na ya. Ŋai Anut san ru, agod ru rumok a Jesus ikubiai panad an dam ŋabol ilasa na ya. An niŋen o ŋai dukudag go subanek tamol oŋ ŋaug, nui ta yaŋan Patmos dubol dan te ŋumado se ya.

Matyu 6:13

Maŋ kubianek lo madu san an lo ta giniama na wa. Tia, Satan tuon lo patuma pasi wa.

Revelesen 13:10

Anut talpein ta subanek lo yau wo kob ipani tap, aria, iŋ gidad subanek lo yau a. Agod iŋ talpein ta sabiri nam dufunip imat o kob ipani tap, aria, talpein an sabiri nam ka dufunip imat a. Kagin en lo man, Anut san tamolpein gidad dumado dabai dop iŋaned ilo rumok diabi sakar dop dumado yau a.

Efesus 6:13

Ago yak niŋen o Anut aŋ yu agane san biouŋ fidian ipanaŋ an aburou, saen saian ipalu dop, aŋ nek an lo dabai pe atur dop yu agane wa. Saen yu itout dop, nek ago aŋ dabai amam da atur a.

Revelesen 8:13

Ŋai malag yau dugo bog ta tubun ak keit titiŋae mi irou dugo ŋile ya. Iŋ awan tubun mi igo iwagiŋ se ya, “Muruan di muruan agod muruan tubun geig tamolpein a tan na dumado dan sad na ilasa wo da. Eŋel wadan nuŋod utol amaiak iŋaned barag duwi wo da, saen barag an duwi dop muruan tubun geig ak ilasap tamolpein disini wa.”

Revelesen 6:10

Tamolpein ŋutudi an awad tubun mi igo duwagiŋ se ya, “O Tubun en, oŋ Dababai a, oŋ gun di rumok a. Saen sapta yau dop man, oŋ tamolpein tan na dumado den kubianaip iŋaned ai wadan niŋen o ilo sou gane wak i? Maŋ iloma igo yen da, iŋ dufunama mamat san naon oŋ ririan ka pidinai a.”

Revelesen 17:8

Mel kasik en oŋ ule la ya, gubak mi imado yak, gamu fon ta imado na da. Ak man murnap iŋ gib e fun tia yen ibiseip isuda wak gug, ideg yau geig a. Tan san tamolpein iŋ mel kasik en dilep dumasa saian geig a. Nek tamolpein a iŋaned yaŋadi Anut tan gamugo igane ilasa yan lo, kumaen san buk lo ta igire na yan, iŋ dumasa saian a. Man dugo, mel kasik en gubak mi imado yak gug, gamu ta imado na da, ago bo man murna dop kumaen fon imul da wa.”

Revelesen 13:14

Anut mel kasik emaiak ilefunig kulob girager naon sensen ak, mel kasik a imug ilasa yan malan lo igane se ya. An lo man mel kasik en iŋ tamolpein tan na dumado den irawai pasik a, an niŋen o man tamolpein mel kasik a gubak mi sabiri nam dufuni an san mitilaen ditutuŋanip duguni wo isodudunai a.

Revelesen 13:8

Tamolpein fidian tan en lo emaiak mel kasik en dugudanip ubou an dile wa. Ak man warou kisaek mi ago ta digane na wa. Warou an man, tamolpein fidian nek a, tan en gamugo ilasa dugo, Anut iŋaned yaŋadi buk lo igire idu ya. An man Sipsip Nanun dufunig imat ak iŋanen kumaen san buk nek ama ya. Aria, tamolpein nek an mi mel kasik an san ubou ta dile na wa.

Matyu 26:41

Aŋ malam kumaen amado dop amosiai a, man dugo, kabelan bitinaek ta ipalup ilom iŋanep ari banau. Ŋutum lo man awag yabi wo ilom ibol da, gug tinimi man dabai an tia ya.”

Matyu 24:14

Agod ŋaineg tamolpein bilaluŋ uyanan Anut anen kagin panek niŋen o dubol ilasap, tamolpein tan titin fidian lo yan duloŋ a. Ago dop ŋaineg ru rumok tamolpein fidian malad lo walal te ilasap yen a. Ante gup, nal wadan ilasa wa.

Rom 1:8

Mel malmalan ŋurupaiaŋ man igo ya. Saen aŋ fidian niŋemi wo ilog isou dop man ŋai Jesus Kristus lo Anut ilo uyan ŋupani da. Man dugo, tan fufulek fidian en san tamolpein iŋ aŋsam ilo rumok Jesus lo yan niŋen o diŋiŋeŋ da.

Revelesen 11:10

An lo tamolpein tan san, uraru dumat an sad mateŋ niŋen o muguruŋ digane wa. Iŋ soubul digane dop, lou kawan ak dam wei mi nugnug lo didiri ila iso wa. Man ata wo? Profet uraru an madai iŋ muruan da wei mi tamolpein tan na dumado den dupidinai na ya.

Mak 14:9

Ŋai ru rumok ŋurupaiaŋ da. Tan dugon te bilaluŋ uyanan en dubol ilasa wan, ante dam kulob e pein emaiak igane yen niŋen o dubol ilasap, lo pein en niŋen o ilo sou digane wa.”

Luk 2:1

Saen an lo Rom gabman gurman Kaisa Ogastas kubiaeŋ ta igane ya. Tamolpein a tan fidian lo Rom gabman paen na dumado dan, yaŋadi buk lo digire wo ibol.

Jems 3:12

Nek ago mi papai ka aŋar lo ilasa wak i? Aria, ka woi lo fud ilasa wak i? Nek ago mi beig lo you mok tiŋane san tia ya.

Jon 17:6

“Ŋai oŋsa fu mok, tamolpein a tan en lo sikatai go ŋai panag en ŋukubiaig dile ya. Iŋ oŋsa la ya, an niŋen o ŋai panag a. Agog oŋsa ru an dam kagin dupani da.

2 Timoti 2:12

Id muruan lo tatur sakar tap, id dam iŋ da gurman igo woŋ tamolpein titirnai a. Id iŋ ta taloŋ na yak tabol tap, iŋ dam id ta iloŋ na yak ibol a.

Revelesen 3:8

Ŋai kulob fidian a aŋ agane dan ŋaloŋ la ya. An niŋen o ale, dalawan ta aŋ naom na ŋai ŋupasig ikasap go yen da, amaiak tamol ta ifutani san tia ya. Ak man ŋai ŋaloŋ ak igo ya. Aŋanem dabai man tusan a, ago bo man aŋ ŋaisag ru ari apani na ya, agod aŋ tamolpein naod na ŋai yaŋag ta atot na ya.

Revelesen 14:6

Agog ŋai eŋel sen ta keit titiŋae mi irou dugo ŋile ya. Iŋ bilaluŋ uyanan pempem san isinig tamolpein tan na dumado den irupidai o da. Tamolpein tinid naod funfun lo, muroun ru naon sensen lo, warou fidian lo, agod aben fidian muroudi lo ibol ilasa wa.

Revelesen 16:14

Ur adi emaiak mi iŋ ur saiadi a. Iŋ kulob girager naon sensen digane wo, dufurak go tan fidian sad kiŋ sad na diau da. Iŋsad urat man, kiŋ fidian iŋaned yu tamol adi dutumanai o digane da, an lo dop Anut dabai fidian aman da tamolpein kot ipidinai san nal tubun ak lo, yu diabisa wa.

Revelesen 17:2

Tan san kiŋ adi pein en da jeit kagin saen wei mi digane na ya. Tamol tan en san fidian iŋ dam pein en da jeit kagin digane na ya. An lo man iŋ fidian iŋanen jeit kagin san wain duluk na yan lo burau dilasa ya.”