Revelesen 21:1 - Takia

¹ Ŋai malag yaug keit foun ak iŋ tan foun ak da dien dugo ŋeil a. Tan wagam ak iŋ keit wagam ak da ditout diau la ya, agod beig dam itout yau dugo foun ak ta aben iŋane man tia ya.

Revelesen 21:1 Referans Kwoze

2 Pita 3:13

Ak man id a ilod lo rumok an promis a Anut ipanad an lo keit foun ak, tan foun ak dam tile wo mala nouk tumado da. Agod tan foun an ilon lo man kagin itaot ak mi ate yen yau a.

Revelesen 21:5

Enti a kiŋ san kalik fo imado dan igo ibol, “Aloŋ ak, ŋai melmel fidian ŋidiraig foun ak dilasa wo da.” Iŋ fon mi igo ibol, “Oŋ ru en gire wa. Ru en man rumok geig a. Tamol fidian ru en ka ilod lo rumok a.”

2 Pita 3:10

Ak man Tubun en san nal man nek ibol gumagam tamol igo woŋ ipalu wa. Nal an lo dop pitiŋinek san liliŋan tubun geig ak ta ilasa dop keit itout yau a. Agod yai lo mel fidian you oŋ ibilip itout yau a. Agod tan en iŋ tamolpein sad kagin naok naok an fidian da kuai te dilasa wa.

Revelesen 20:11

Agog ŋai kalik tubun milkouk ak, agod Enti iŋ kalik fufo imado dan dam ŋeil a. Tan keit da iŋ naon na dien san ta idaisuda na ya, an niŋen o dusol diaug itout yau a.

Revelesen 13:1

Agog ŋai malag yau dugo mel kasik ak ta kabuŋan seven dugo fai aman 10 an beig lo yak ilasa dugo ŋile ya. Fai anen anen atem kitikat gol kisaek fufo na yen da. Kabuŋan anek anek ate dam, yaŋak ta Anut niŋen uf ru digireg yen da.

Rom 8:21

Ata wo, Anut san ilo girek lo, melmel fidian igane yan digan o isubanaig dumado da. Ak gug saen isuda wan lo dop, iŋsen mi subanek an igane itout dop melmel fidian an patun fo idiraip foun dilasa wa, agod iŋanen nanun muroun sad tureŋ girager aman da diŋane wa.

Revelesen 6:14

O lak na keit dam yau itout a, nek ibol taweg dulumi yaug dufou ak oŋ a. An lo na did dam nui dam dusuk diaug iŋsiganed abed dibiseig aben sensen lo diau a.