Revelesen 2:8 - Takia

⁸ “Oŋ ru ta girep taun Smerna na Kris midaeŋ sad eŋel malan te yan san na yau a. Ru man igo ya. Tamol enti gubak mi imado yak, agod murna dam imado wan, agod gubak mi imat ak, gug gamu kumaen imado dan, ru en aŋsam na iganeg ipalu da.

Revelesen 2:8 Referans Kwoze

Revelesen 1:8

Anut igo ibol, “Ŋai mi imug ŋumado dak, agod ŋai mi murna ŋumado da. Ŋai gubak mi ŋumado yak, ŋai gamu ŋumado da, agod murna dop ŋupalu wa. Ŋai mi dabai fidian amag da ya.”

Revelesen 1:11

Awan an irupaiag go ago ibol, “Mel fidian e ule den man, buk lo girep, Kris midaeŋ seven an sad na ganep yau a. Oŋ ka ganep Kris midaeŋ o taun Efesus, Smerna, Pergamum, Taiataira, Sardis, Filadelfia, agod Laodisia na yau a.”

Revelesen 2:1

“Oŋ ru ta girep taun Efesus na Kris midaeŋ sad eŋel malan te yan san na yau a. Ru man igo ya. Tamol enti patui seven banin won ak ate yabig, lam gol seven luluŋad lo tureŋ yabi dan, ru en aŋsam na iganeg ipalu da.

Rom 14:9

Fun nek amaiak niŋen Kristus imat go fon kumaen imasa da ya. Iŋ ago igane yan lo iŋ tamolpein dumat ak, agod tamolpein kumaen dumado dak dam sad Tubun ak imado da.

Revelesen 22:13

Ŋaiseg mi imug ŋumado yak, agod wadan lo dam ŋumado wa. Ŋai mi malan te ŋumado dak, ago mi murna dam ŋumado wa. Ŋai mi fun, agod ŋai mi wadan.