Revelesen 15:1 - Takia

¹ Aria, ŋai kulob naon senamo geig ak kumaen panu lo ilasa dugo ŋile ya. Mel an man tubun a, an niŋen o ŋumasa saian go an lo dam ŋarut saian geig da. Ŋai eŋel seven dutur dugo banid lo muruan seven a murnap tamolpein daoŋ dupidinai san duburou dan ŋeil a. Agod saen kulob saiak saiak en itout dop, sen ta ilasa san tia ya, man dugo, muruan seven emaiak lo Anut san ilo mumarek itout pasik a.

Revelesen 15:1 Referans Kwoze

Revelesen 21:9

Eŋel seven iŋsad daeg lo muruan seven a tamolpein malad isue san awan isa yan diabi da. Aria iŋ luluŋad lo eŋel ta kisaek ŋaisag na ipalug igo irupaiag, “Oŋ palup, ŋai nug ŋanek san pein ŋukubiaip ule wa, an man Sipsip Nanun san pein.”

Revelesen 19:15

Sabiri kisaek luon geig ak ta tamol an awan lo ilasag gidigidad yau se ya. Sabiri an lo iŋ tamolpein warou fidian ibiai dudu wa. Iŋ makud ain yabip, an lo tamolpein warou fidian itirnai dabai a. Iŋ pat bod tubun ak lo wain patun ipipi wo ipartitale wa. Wain an man Anut dabai fidian aman da yan san tiŋae mumarek tubun geig ak ate tou ipani da.

Revelesen 16:1

Aria, ŋai awan ta ubou ab san galuŋ gun an lo ilasa dugo ŋaloŋ a. Iŋ awan dabai geig eŋel seven en igiai dugo ibol, “Aŋ aup, Anut san ilo mumarek daeg seven lo yan awali tan na idu wa.”

Revelesen 14:19

An lo man eŋel en iŋanen bubarek iŋaneg, tan na itakoksig, wain kutubuk itartiti idug itumanig dien da. Ago man iŋ wain patun an, pat bod tubun ak ilon lo tamol wain patun ŋiedi nam dupartitale wo isuwari idu ya. En man Anut san ilo mumarek itutuŋani a.

Revelesen 14:10

aria, iŋ gidad wain naon sen ak ka iluk a. Wain en man Anut san ilo wananan agod Anut iŋ wain en you da ta ibilisa dop, tia, wain an iŋanen ilo mumarek san gab lo iwali wa. Ago dop talpein en ka iluk a. Ago dugup eŋel gun ak malad lo, Sipsip Nanun malan lo dam, talpein en iŋ yai lo, agod pat salfa inani dak lo, madai iŋanep ago imado yau a.

Revelesen 11:14

Aria, muruan tubun geig ak uraru itout a. Ak man saen kitekan mip, muruan wadan kisaek tubun geig ak ilasa wo sumeik da.

Revelesen 10:3

Ago dugo iŋ awan tubun mi isasai da, nek ibol laion ibob igo woŋ a. Iŋ ibob itout a, ago gug weil seven sad liliŋan an dam iŋaned awad lo ru dubol ilasa ya.

Revelesen 8:6

Agog eŋel seven a barag seven duburou dan, iŋ barag an duwi wo sed ikubianaig mala nouk dumado se ya.

Revelesen 8:13

Ŋai malag yau dugo bog ta tubun ak keit titiŋae mi irou dugo ŋile ya. Iŋ awan tubun mi igo iwagiŋ se ya, “Muruan di muruan agod muruan tubun geig tamolpein a tan na dumado dan sad na ilasa wo da. Eŋel wadan nuŋod utol amaiak iŋaned barag duwi wo da, saen barag an duwi dop muruan tubun geig ak ilasap tamolpein disini wa.”

Revelesen 8:2

An itout go ŋai eŋel seven e Anut naon na pempem dutur den ŋeil a, ago dugo barag seven dupidinai a.

Revelesen 9:20

Ak gug tamolpein aenta a muruan amaiak lo mateŋ ta dile na yan, iŋsed ilod lo mi tubud sewak adi, banid nam dututuŋanai dan ta patud dupidinai na ya. Tia geig, kagin naok naok a gubak mi digane se yan dirig diau a. Iŋ bugai adi sad ubou leil digane se ya. Agod tubud sewak mitilaedi, tamol iŋsed banid nam gol silva bras pat agod ai nam digane yan lo dam gadiŋ diganeg yau se ya. Tubud sewak mitilaedi an gidad abaŋ ta dile na dugo, ru dam ta duloŋ na dak, agod iŋ tureŋ dam ta diabi na da. Ago bo man tamolpein an ilod ta ibilisa na ya.

Revelesen 17:1

Ago man eŋel nuŋod seven daeg seven diabi dan luluŋad lo eŋel kisaek ŋai Jon ŋaisag na ipalug igo irupaiag a. “Oŋ palup, jeit pein a you wei mi fufo imasig imado dan, naon dugo woŋ Anut ipani wan ŋukubiaip ule wa.