Matyu 7:21 - Takia

²¹ “Tamolpein a ŋai durupaiag pe ‘O Tubun ak, O Tubun ak’ igo dubol dan luluŋad lo, aenta Anut san kagin panek lo diladu san tia ya. Tia, tamolpein nek a ŋaisag Tamag kumaen panu na imado dan san ilon dugo yen dugo durid amaiak mi diladu wa.

Matyu 7:21 Referans Kwoze

Rom 2:13

Man dugo, tamolpein a kududod nam kubiaeŋ san ru kagin duloŋ ak gug awan ta diabi na dan, Anut malan lo iŋ ta itaot na ya. Tia, tamolpein a kubiaeŋ awan diabi dan mi niŋedi wo Anut ibol ak, iŋ itaotan a.

Luk 6:46

“Aŋ ata wo ŋai niŋeg o ‘O Tubun en, O Tubun en’ abol dugug ŋai awag ta abi na di?

Jems 1:22

Ru an kawan ta aloŋ oŋ na wa, aloŋ dop nuŋon dam agane kisaek a. Aŋ kawan aloŋ oŋ tap, sem irawaŋ da.

Luk 11:28

Gug Jesus awan yabig ibol, “Tia. Enti Anut san ru iloŋ dugo kagin ipani dan mi bar iŋaneg imado da.”

Taitus 1:16

Iŋ awad lo Anut duloŋ ago dubol da, ak man iŋsad kagin naok naok lo iŋsiganed ru an sewak ru mi kuai te id dukubiai panad da. Iŋ saiadi geig a. Awa parsisalek tinadi ak, agod iŋ mel uyan ak ta digane ilasa san dam ta idaisuda na ya.

Hibru 4:6

Amaiak niŋen o id tile dak aenta diladu san dal ipasig yen da, ak man aenta a gubak mi Anut ru diŋane yan diladu san dal diriŋani da, man dugo, iŋ awa parsisalek tinadi a.

Jon 6:40

Ŋai Tamag san ilon man igo ya. Ta Anut Nanun ilep, iŋ o ilon lo rumok an, iŋ kumaen pempem yen yau san an iŋane wa. Agod ŋai nal wadan lo ŋuburousap, fon kumaedi dumado wa.”

Revelesen 3:5

Talpein enti yu igane itout dop, iŋ dam ago mi kulos milkouk ak igane wa, agod ŋai kumaen san buk lo yaŋan ta ŋusuas na wa. Tia, ŋaisag Bai naon na talpein an yaŋan ŋabol ilasa wa, agod iŋsan eŋel adi naod na dam yaŋan ŋupate wa.

1 Pita 4:2

Ago yak niŋen o iŋsan madok tan en lo tamolpein sad ilobol an iri san ilon ta yen na da. Tia, Anut san ilobol an mi iri ipani wo ilon yen da.

Hibru 13:21

yu san biouŋ uyan uyan ak urat lo dabai ipanaŋ san an fidian ipanaŋ a, an lo na iŋanen ilobol agane itaot a. Ago dop mel dugon iŋsan malan lo ilo uyan ipani dan aŋ ilom lo igane ilasa wa. An man Jesus Kristus san dabai lo igane ilasa wa, iŋanen yaŋan dam id pempem tabisa wa.

Matyu 12:50

Man ata wo, tamolpein ensauta a iŋ ŋai Tamag kumaen panu lo yan ilon duri dupani dan, nek an mi ŋaisag teig, lug di tinag muroug a.”

Revelesen 22:14

“Tamolpein iŋaned kulos dufulani la yan, iŋ uyasusai digane wa. Iŋ ai kumaen ipidinai san an ate anaŋ ka diŋane wa. Agod iŋ taun san dalawan lo ka diladu wa.

Jon 3:5

Jesus ru naon irupeig ibol, “Ŋai rumok ŋurupaio da. Isop tamol ta you iŋ Urgun da lo kumaen foun ak ta iŋane na tap, Anut san kumaen panu ilon lo ta iladu na wa.

Matyu 18:3

irupidaig ibol, “Ŋai rumok geig ŋurupaiaŋ da, aŋ gidad sem ibilaŋsap nanuk en igo woŋ alasa. Tia tap, Anut san kagin panek aben an lo aladu san tia geig a.

Jon 7:17

Ak talpein ta iŋ Anut ilon yen dan ago iganuri wo imat tap, ŋaisag piteŋanek en Bai san ilon boi, tia, ŋaisag ilog boi, an ka walal te ile iloŋ a.

Rom 12:2

Agod aŋ tan en san tamolpein sad ilo sou man ta atutuŋani na wa. Tia, ilom bubem awan apasip, Anut aŋ ilom ibilisa dop aŋanem ilo sou foun ak ka ilasa wa. Amaiak niŋen o Anut dugo ilon ibol dan aŋ aloŋ uyanan a. Anut san ilobol an mel uyanan a, an dam itaot geig, agod iŋsan ilobol an aŋ ilo uyan ipanaŋ da.

Mak 3:35

Tamolpein ensauta a ŋai Tamag kumaen panu lo yan ilon duri dupani dan, nek anami ŋaisag teig, lug di tinag muroug a.”

1 Tesalonaika 5:18

Aŋ ata mel uyan boi, saian boi, ilasa dop pempem Anut ilo uyan apani wa. Man dugo, aŋ Jesus Kristus san tamolpein tap ago agane wo Anut ilon ago ibol da.

Efesus 6:6

Aŋ saen iŋsad leil lo amado dan lo mi, ilod aŋane wo sad awad ari apani man amoi. Tia, aŋ Kristus san urat tamol igo woŋ urat a dupanaŋ an agane wa, man dugo, Anut niŋemi wo ilon ibol man aŋ tinim bubem fidian lo ago agane wa.

1 Pita 2:15

Man dugo, Anut san ilo ibol igo ya, aŋ uyan agane dan lo tamol burau ak sad ru ŋiŋeo dubol dan sad awad afutani da.

Matyu 25:21

“Iŋanen tubun ak igo irupei, ‘Oŋ urat tamol uyanan mok a, awag uri pani siŋaokan, oŋane urat dam kagin pani uyanan a. Oŋ melmel kititik e bani lo ŋigane emaiak kagin pidinai uyanan a, amaiak niŋen o melmel tubun geig ak wei mi tirnai san ŋupano wa. Palup, ŋai da uyasusai tigane.’

1 Tesalonaika 4:3

Anut san ilon man igo ya, iŋ iginiaŋ pe gun amado wak, aŋ jeit kagin patum apani wak,

Kolosi 4:12

Epafras, iŋ dam aŋsam tamol kisaek a, agod ilo uyan ru irupaiaŋ da. Iŋ Jesus Kristus san urat tamol mok a. Iŋsan gadiŋ lo aŋ niŋemi wo urat wagai igane dugo, Anut igo isumiani da: Anut ilon dugo ibol dak aloŋ uyan pe, tinim ŋutum fidian lo ari apani wa, agod aŋ mel ta niŋen o, ta katuk amam na wa, an lo dop aŋanem ilo rumok Kristus lo yan dabai a.

Luk 13:25

Man dugo, ab taman dalawan ifutanip, an lo aenta asupakuk dop, patun fo atur a. Dalawan atitip, awagiŋ a, ‘Tubun en, oŋ dalawan pasi panama.’ “Gup iŋ ru naon igo irupaiaŋ a, ‘Aŋ dugon te alasa yan ŋai ta ŋaloŋ na ya.’

Aposel 14:22

Atna ilo rumok adi iŋaned ilo rumok diabi sakar o tan suek ru durupidai, agog ru en dam durupidai, “Id muruan tubun mi tisini gup, Anut san kagin panek lo tiladu wa.”

Luk 18:25

Aloŋ ak, tamol filian anda yak Anut san kagin panek aben lo ka iladu wan, rumok tap, aria, kamel dam si gubaran lo yau san man pasauman geig a.”

Mak 9:47

Agod oŋ mala turan iginiop au upas tap, mala an bilanip biliau a. Mala kisaek ama da madok kumaen yen san lo ka ladu wa. Kabelan mala uraru mi diŋiliop Ades san yai lo dubulo wau banau.

Matyu 19:24

Ŋai fon ŋurupaiaŋ da, tamol filian anda yak Anut san kagin panek aben lo ka iladu an, rumok tap, aria, kamel dam si guburan tusan ak lo yau san man pasauman geig a.”

Matyu 18:35

“Aria, oŋ bube fidian lo tei a oŋ lo aupasek igane dan iŋsan aupasek ta pare idu na tap, man ŋai Tamag kumaen panu na yan iŋ kagin nek ago mi oŋ lo igane wa.”

Jon 15:23

Ta iŋ ŋai lo siai igane dan man, iŋ Bai lo dam siai igane da.

Matyu 26:42

Iŋ afon imul yaug imosiaig igo ibol, “O ŋaineg Bai, gab en ta iriŋanag na dop, gidad ŋaluk a. Oŋane ilo ŋai o an, ago ka ilasa wa.”

Matyu 16:17

Jesus ru naon irupeig igo ibol, “Saimon, Jon nanun, oŋ bar ama da, man dugo maŋau an tamol ta, ta ifulale dugo uloŋ na ya, tia, maŋau an itaot ŋai Tamag kumaen panu lo yan san na ilasa dugo ubol ilasa ya.

Jon 14:7

Aŋ ŋai aloŋ dop man, ŋaisag Bai dam aloŋ a. Nek gamu tumado yau den lo, aŋ ŋai Tamag o aŋaoŋ dan ago ilom isou man amoi, man dugo, iŋ aloŋ agod ale la ya.”

Jon 5:17

Ago tag Jesus irupudai, “Ŋaisag Tamag iŋ nal fidian urat igane yau da, an niŋen o ŋai dam nek ago ŋigane da.”

Matyu 26:39

Ago dugo iŋ kitek ipar yaug, turun isoluwig, kabuŋan idug tan itutig, igo ibol imosiai, “O ŋaineg Bai, idaisuda tap, gab en ŋai banig lo ka pasi yau a. Ak gug oŋ ŋai ilog ta uri na wa, tia, oŋsigane ilo mi uri wa.”

Matyu 18:10

“Aŋ gidad nanuk kititik aŋanem leil lo yaŋad tia yak ago ilom ta isou na wa. Man dugo, ŋai ŋurupaiaŋ da, iŋaned eŋel kumaen panu lo yan maladi pempem yau dop ŋaineg Tamag kumaen panu lo imado dan naon dile da.

Matyu 18:19

“Agod afon ŋurupaiaŋ da, saen aŋ nuŋom uraru mel ta niŋen o kabuŋam kisaek go agudani tap, ŋai Tamag kumaen panu na yan mel an igane panaŋ a.

Matyu 25:10

“An niŋen o pein kankan ad tia yan gureŋ didad o dumul go diau a. Iŋ diau dugo tamol a iwon pein iŋane wan ipalu ya. Ante man pein a dititianig dumado se yan, dida nug ŋilaŋal san ab an lo diladu dugo, tamol ante yan dalawan dufutani a.