Matyu 7:15 - Takia

¹⁵ “Profet sewak an niŋedi wo kagin agane wa. Iŋ tinidi sipsip suŋulon nam dubuluwi dop lo mos nam aŋsam na dupalu wa, ak man tinidi ilon lo man iŋ nek ibol goun kasik yai ided geig ak igo woŋ a.

Matyu 7:15 Referans Kwoze

1 Jon 4:1

Turag muroug, aŋ ur fidian sad ru ilom lo ta rumok na wa. Tia, ur an sad ru abitinae ale gup a, kabelan ur an Anut san boi, tia, Satan san boi, aŋ an ale aloŋ uyan a. Man dugo, profet sewak wei mi aben fidian lo dufufurak go diau a.

Matyu 24:11

Ago dop profet sewak adi dumasap tamolpein wei mi dirawai a.

Kolosi 2:8

Kagin agane, kabelan talpein ta tamol sad maŋau lo iŋiŋeŋ, ago dop ru bulbal iŋiŋeŋ dan lo, ilom iŋane dop ru sewak an san subanek tamol alasa banau. Talpein kulob ago digane dan, iŋ tubud baged sad na kagin dugo diŋane yan, agod tan en san tan tubud adi sad kagin digam an diri na ya. Ilo sou naok ago yan Kristus san tia ya.

Revelesen 19:20

Ak man Tamol e hos milkouk ak fufo imado den, mel kasik an yabig isubani a. Profet sewak an dam yabig isubani a. Profet sewak en mel kasik an naon na kulob girager wei mi idiri ilasa na ya, an lo tamolpein a mel kasik an san kob iŋane dugo, san mitilaen dam ubou an dile yan, irawai se ya. Agog mel kasik iŋ profet sewak da, nuŋod uraru kumaed dumado dugo, gib saltek tubun en lo pat salfa awan isag, inani dak lo diabibol dudu ya.

Jud 1:4

Man dugo, tamol aenta mianuk lo mi aŋ Kris adi luluŋam lo disadu ya. Tamol amaiak Anut wagam mok, iŋanen girek lo, daoŋ panek diŋane san o ipilianai a. Iŋ Anut san kagin ta diri dupani na dan, Anut san ilo muŋanek dibilisag mel naon senamo geig ilasa ya. Iŋanen ilo muŋanek ipanad dan san fun man, tinid san ilo masa mi ka turi tupani wak ago dubol da. Ak niŋen o iŋ jeit kagin digane dan Anut uyan ipidinai ak ago dubol da. Agod Jesus Kristus, Tubun en iŋsen Kiŋ an iŋ dumoi da.

2 Pita 3:17

Turag muroug, aŋ mel en aloŋ la ya, fun an niŋen o aŋ kagin agane wa. Kabelan tamol saiadi ak sad aupasek an ilom iŋanep, aŋ atur sakar san abi dan banim ibisawaip au adu banau.

Luk 6:26

Aŋ a tamolpein yaŋam diabisa dan kagin agane wa. Man dugo, iŋ tubud baged wagam profet sewak adi niŋedi wo ago mok digane na ya.”

2 Timoti 3:13

Gug, tamol saiadi agod Kris sewak adi da iŋaned naok naok saian an ago mi digane diau oŋ dop tubun geig a. Iŋ aenta dirawai dop sed dam irawai da.

2 Timoti 4:3

Man dugo, saen iparsikawad dan lo, tamolpein piteŋanek itaot an duloŋ man dumoi a. Gug iŋaned tinid san kagin an duri dupani dop lo, girek maŋau dutumanaip ŋiŋeŋ e duloŋ o kududod bulbal den durupidai a.

Filipai 3:2

Tamol goun kasik oŋ kagin saiak digane dugo tinid suŋulon ditute dan, niŋedi wo kagin agane wa.

Efesus 4:14

Wagam id nanuk oŋ tumado na ya, id wog igo woŋ beig san bururuk gidigidad iriad ila iso se ya. Gug id Kristus oŋ tilasa wo dop, id afon nanuk oŋ ta tumado na wa. Man dugo, imug mi kagin en id Kris tamolpein luluŋad lo yen a. Tamol ta supalek ru nam piteŋanek foun foun ak dupanad a. Piteŋanek an Kris tamolpein iduduwai dugo ilo sou uyan ak san dal ifutani da. Tamol an dal funfun lo dirawai dugo dal saian ak lo didirai diau da. Teig taog, id fon ago ta tilasa na wa.

Galesia 2:4

Gug rumok, teid sewak adi iŋ dimianuk oŋ go, maŋsama tumanek lo disadu ya. Id wagam kubiaeŋ san subanek lo tumado na ya, gug gamu patun fo tilasag tumado da. Fun man id Kristus da tutumani an lo mi a. Tamol sewak adi mianuk lo disadu yan san fun man, idsad madok foun ak lo tator dan niŋen o abaŋ dikibiani wa. Iŋsad ilobol igo ya, id afon iŋsad subanek an lo tiladu san niŋen o disadudunad a.

Luk 12:15

Agog Jesus irupidai, “Kagin agane. Aŋ tamol sen ak san filian niŋen o malam ta isi na wa, kagin naok ago yan fidian niŋen o sen alasa wa. Man dugo, tamol san madok uyan man tan san filian lo ta yen na da.”

Revelesen 16:13

Agog ŋai ur saiak saiak utol gurogurou igo woŋ ŋeil a. Iŋ mot tubun ak awan lo, mel kasik ak awan lo, agod profet sewak awan lo dilasa ya.

Efesus 5:6

Kagin agane wa, kabelan talpein ta ru kawan ak lo ŋudum dusue dop lo aŋ kagin saiak agane banau. Kagin naok nek an lo dop Anut tiŋaen saian pe iŋ ai wadan saian geig ak iganep awa parsisalek san tamolpein an sad tinid fo ikulmaek idu dop ka disini wa.

Aposel 13:40

Ago yak niŋen o kagin agane. Profet adi ru dubol an aŋ lo ilasa banau. Iŋ igo dubol,

Jon 10:12

Tamol iŋ urat naon iŋane wo mi, urat igane dan man, iŋ titianek tamol mok tia ya. Iŋ sipsip sad tamadi dam tia ya. Ago yak niŋen o goun kasik ipalu dop, iŋ irer pe sipsip ibisawai yau a. Ago dop goun kasik an sipsip ifu iratitalaip, dufurak diau a.

Matyu 16:11

En dugo woŋ go ŋai bret niŋen o ta ŋiŋiŋen na yan, ta aloŋ siŋaokan na yak i? Aria, afon kududom agurep kagin agane: Farisi iŋ Sadyusi da sad yis niŋen o sen alasa wa.”

Matyu 16:6

Agog Jesus irupidai, “Kagin agane wa, Farisi iŋ Sadyusi da sad yis an niŋen o kagin agane wo uyanan a.”

Matyu 10:17

“Tamol niŋedi wo kagin agane wo uyanan a, man dugo, tamol an dusubanaŋ dop diŋiliaŋ pe iŋaned tumanek lo dibitiniaŋ o dugunaŋ a, agod Juda sad ubou ab lo rasau nam dufunaŋ a.

Revelesen 17:6

Pein en Anut san tamolpein ifug dumat a, tamolpein nek Jesus yaŋan ilod lo rumok go, iŋsan yaŋan dubol ilasa na ya. Pein en gubak mi iŋsad dar iluk go, an lo nek ibol tamolpein ayu duluk pe burau digane dak igo woŋ, ago burau imado dugo ŋile ya. Saen ŋai ago ŋile dugo ŋumasa saian go ilo sou wei mi ŋigane se ya.

Aposel 13:6

Nui an lo panu panu atem ru dufulale dugo diau nag taun Pefos na dilasa ya. Atna Juda tamol ta yaŋan Bar-Jisas, iŋ yaŋan neinta Grik lo Elimas dubol dan, imado se ya. Iŋ kiai tamol, agod profet sewak dam mi a.

Matyu 7:14

Ak man dal a kumaen aben lo yau dan man ta pasauman na ya, agod san dalawan ipipiani aman a. An niŋen o tamolpein kisaek kisaek mi dal amaiak dile da.

Revelesen 20:10

Agog Satan gubak mi rawek igane se yan diabip, yai saltek a pat salfa ided dan ilon lo dibili idu wa. Ante man mel kasik ak iŋ profet sewak da gubak mi diabibol dudu la ya. Ago dop nuŋod utol an ad tidom pempem mi madai dam muruan dam disini wa.