Matyu 5:4 - Takia

⁴ Talpein enti tan en lo tinaŋ yabi dan, bar iŋaneg imado da. Man dugo, Anut iŋ ilon iŋane dop ilon pasa ibol a.

Matyu 5:4 Referans Kwoze

Revelesen 21:4

Iŋ tamolpein an malad turon isasi pidinai dop fon ta dumat na wa. Iŋ ilo muruan dam tinaŋ dam tia wa. Iŋ madai fon mi ta dile na wa. Man dugo, melmel wagam ak san man gamu itout geig a.”

Luk 6:21

Aŋ a gamu amatigen dan, bar aŋaneg amado da. Man dugo, murnap aŋ luam ipuk a. Aŋ a gamu tinaŋ abi dan, bar aŋaneg amado da. Man dugo, murnap aŋ asel a.

Jems 1:12

Tamol iŋ itur sakar pe, ate suek lo muruan isini tap iŋ dam ka ilon uyan a. Iŋ ate suek an iriŋani pasik tap, Anut iŋ murnap naon madok pempem san ipani wa, madok an kumaen panu lo yen da. Anut wagam ibol la ya, tamol iŋ ilon ipani mok tap iŋ kumaen imadop milaen a, an itout san tia ya.

Luk 16:25

“Ago tag Abraham ru naon irupei, ‘Nanug, ilo isou. Saen oŋ tan na kumae mado dugo, oŋ oŋsa mel uyan uyan ak ŋane na ya, ago dugo Lasarus mel saian saian ak mi iŋane na ya. Gug gamu iŋ ilon pasa ibol dugo oŋ madai tubun geig ak sini da.

Luk 6:25

Aŋ gamu luam ipuk dan kagin agane wa. Man dugo, aŋ murnap amatigen geig a. Aŋ gamu asel dan kagin agane wa. Man dugo, murnap aŋ ilom ipapao dop tinaŋ aru agane wa.

Luk 7:50

Gug Jesus pein an irupei, “Oŋane ilo rumok patu ipasi a. Oŋ maror lo mi wau.”

Luk 7:38

Pein an ab lo iladug, Jesus patun fo itur go itata dugo, malan turon Jesus ŋien fo idu se yan, gurman roun nam ŋien isasi se ya. Ŋien dam musuk ipanig, gureŋ fo ikulmaek a.