Matyu 5:16 - Takia

¹⁶ Nek dal kisaek an lo na agane dop tamolpein ilod lo aŋsam midiad an dile wa, an lo tamolpein aŋsam kagin uyan uyan an kuai tem dile wa. Ago dop iŋ aŋanem Tamam kumaen panu lo imado dan per dupani wa.

Matyu 5:16 Referans Kwoze

1 Pita 2:12

Aŋ gob adi luluŋad lo aŋanem nao lalek pempem uyan an mi yen a. Gidad gamu aŋ agane saian dak dubol a. Gug saen Anut idsad na ipalu wan te gup aŋsam kagin naok naok a dile la yan niŋen o Anut yaŋan diabisa dop per dupani wa.

Taitus 2:7

Oŋ oŋsa madok itaot an gane ilasa, an lo oŋse mok oŋane tura murou mitilaen uyanan an kubiai dile dop iŋ dam ago digane wa. Anut anen ru ubol itaot dan niŋen o kagin gane wa, ago dop ru saian ta awa lo ilasa san tia ya.

Jon 15:8

Aria, aŋ nuŋom wei mi afu yak man, aŋsem ibilaŋ kuai tem alasag ŋaisag megeloum mok amado da, nek an lo Bai yaŋan tubun geig ilasa wa.

Efesus 5:8

Man ata wo? Imug mi aŋ tidom tubun lo amado se ya. Gug gamu en Tubun ak aŋ lilaman lo iginiaŋ a, an niŋen o aŋ lilaman san tamolpein igo mok ator a.

1 Pita 3:16

Aŋanem kagin naok naok atitiani uyan dop man aŋanem kankan muruan ta ipanaŋ na wa. An lo dop tamolpein a aŋ kagin uyan uyan Kristus lo agane san niŋen o dipirgini dop dimisilanaŋ dan miai ifunai a.

1 Pita 4:14

Aŋ Kristus yaŋan niŋen o saian dupanaŋ tap man aŋ tamolpein Anut san bar aŋane ya, man dugo, Ur a Anut san agod girager san an aŋ tinim lo yen da.

1 Pita 2:9

Gug aŋ man Anut san tamolpein iŋsen ipilianaŋ a. Aŋ man Kiŋ san pris adi, tamolpein gun ak sad midaeŋ, agod Anut iŋ muroun a. Aŋsam urat man, iŋ a aŋ igiaŋ go tidom tubun an abiseig, iŋsan lilaman siŋaokan ak lo aladu yan lo, iŋanen bunun uyanan an niŋen abol ilasa wo ago igane ya.

Taitus 3:14

Oŋ Kris tamolpein piteŋanai dop kagin uyan ak wagai an digane wa. An lo saen talpein ta muruan ile tap, iŋ dibinawi uyan a. Kabelan iŋsad ilo rumok an nuŋon an tia banau.

1 Timoti 6:18

Iŋ urat digane uyan ak ubol a. Iŋaned filian mok man, tan en san biouŋ tia ya, tia, kagin naok naok uyan an digane san mi ak ago rupidai a, agod mel uyan uyan wei mi tamolpein a mel ta lo katuk amadi an dipidinai o tawaŋ digane wa.

2 Korint 9:13

Aŋsam binawek urat Kris adi Jerusalem na dumado dan niŋedi wo agane dan lo, tamolpein aŋ dukubianaŋ diliaŋ a, agop iŋ malad ipalup aŋsam kagin itaot an kuai te ilasa dop dile wa. An lo iŋ duloŋ ak aŋ bilaluŋ a Kristus niŋen ibol dan aŋane mok a, an lo iŋsan ru an aganuri da. Aŋsam binawek tubun mi iŋ lo agod tamolpein sen ak lo agane yau dan lo iŋ Anut yaŋan diabisa wa.

Efesus 2:10

Man dugo, id man Anut san banin aban a. Iŋ id Jesus Kristus lo idirad go foun tilasa ya. An fun man id kagin uyan uyan ak mi tigane wo wagam mi Anut ikubune panad an mi turi wa.

Hibru 10:24

An niŋen id nug ilo sou tupanip nug tisusuŋani dop nug niŋen tamat dop urat uyan uyan ak tigane ilasa wa.

1 Pita 4:11

Ta iŋ ru ifulale san maŋau aman da tap, nek ibol Anut san ru mok mi ifulale dan igo ru ifulale wa. Ta iŋ binawek urat igane tap, dabai a Anut ipani dan lo urat an igane wa. Ago dop urat fidian lo tamolpein ka Anut per dupani wa, an man Jesus Kristus lo mi a.

1 Tesalonaika 2:12

Maŋ tan suek ru mupanaŋ dugo, ilo maror san ru murupaiaŋ se ya. Ago dugo aŋanem madok tan en lo man, Anut enti aŋ igiaŋ go iŋanen girager alep iŋsan kagin panek aben lo aladup fom idaisuda san niŋen o musurnaŋ se ya.

1 Pita 3:1

Nek imug bigabeg iŋaned gurman paed na dumado se ago mi, aŋ pein dam iwom paed na amado wa. Aria, dal an lo aenkadi Anut san ru ta duri na tap, iwodi sad kagin naok naok an dile dop ate ilod diŋane dop ilod dibileksa wa. An man ilo ŋanek san ru ta pein awad lo ta ilasa na ya.

Aposel 9:36

Jopa na pein ta yaŋan Tabita, iŋ Kris pein ta. (Grik ru lo yaŋan Dorkas). Iŋsan saen tubun mi man binawek urat mi igane da. Agod tamolpein filiad tia yak ibinawai se ya.

1 Timoti 5:25

Nek ago mi, kagin uyan uyan ak walal te dien da. Ago gug kagin uyan a gamu dimianuk dien dan, dimianuk dien san tia wa.

Matyu 5:45

An lo dop aŋ man Tamam kumaen panu lo imado dan iŋsan nanun muroun mok ago amado wa. Man dugo, iŋsen mi iŋanen ad igane ilasa dugo tamol uyan, agod tamol saian ak sisem ilalaŋ ipidinai da, agod ui iganep tamol sad kagin itaot, agod a sad kagin ta itaot na yan, sad na isi wa.

Taitus 2:14

Iŋsen id abed lo muruan isini a, an lo idsad aupasek fidian an san naon lo ipasad iŋiliad tamul a. Agod iŋ wagen lo idirad go ikok tilasag iŋsan tamolpein mok tumado da. An niŋen o urat uyan uyan ak mi tigane wo yaes isofutanad a.

1 Timoti 5:10

Pein suos an iŋ midaeŋ malad lo yaŋak igo yak da wa. Wagam iŋ urat uyan uyan ak igane se ya. Iŋ nanun muroun adi itirnai dugo, anaŋ melmel tamol gol ak ipidinai na ya. Iŋ Kris adi ŋied ifulani dugo, tamolpein muruan amad da yak ibinawai se ya. Oŋ pein naok ago yak mi yaŋan gire wa.

1 Timoti 2:10

Man dugo, biouŋ dugon a pein adi Anut nanun igo woŋ dutor o dubol dan iri panim, an mi didiri wa.

Galesia 1:24

Fun an niŋen o iŋ ŋai niŋeg o Anut yaŋan diabisa ya.

Taitus 3:4

Ak man saen Anut idsad binawek iŋsan ilo panek agod ilo muŋanek tan en lo kuai tem ilasa yan,

1 Korint 14:25

Agod mel a buben ilon lo imianuk an fidian dutufulal pe walal te dien dop ile wa. An niŋen o iŋ yau idup Anut ubou an ile dop igo ibol, “Rumok, Anut aŋ da amado da!”

Luk 11:2

Ago tag Jesus irupidaig ibol, “Aŋ agudani wo tap, igo agod a: ‘Maŋanema Bai, oŋane yaŋa gun. Oŋane kagin panek ipalu.

Matyu 9:8

Aria, saen tamolpein a Jesus dubuluwi an kulob ago dile man, dirut saian go Anut yaŋan diabisa ya, man dugo, iŋsan dabai naok ago yan tamol ta ipanig, an lo tamol ŋien banin ikikai ak ikubune ya.

Matyu 23:5

Mel fidian iŋ digane duman, tamol dil o digane da. Awo, iŋ gudanek san ariy didiri dugo, bala milmilae ak dam kulos bitiŋen fo na digane da.

Matyu 6:16

“Saen oŋ gudanek san dabai ŋane wo anaŋ lo geg gane tap, nao san leil ta ganep saian na wa, nek ibol tamol balek uraru adi digane dak ago mi ta gane na wa. Iŋ naod diganep saian dop aenta dil dop dubol a, ‘iŋ anaŋ tia ditor da.’ Ŋai rumok ŋurupaiaŋ da, iŋaned naon idaisuda mi diŋane la ya.

Matyu 23:9

Tan en lo talpein ta aŋ tamami ak ago ta abol na wa. Man dugo, Tamol kisaek o lian iŋ aŋ tamami, amaiak kumaen panu lo imado da.

Matyu 6:9

Fun an niŋen o aŋ igo agudani wa. O Bai, oŋ did lo mado da. Oŋane yaŋa gun migane da.