Matyu 24:21 - Takia

²¹ Man ata wo? Saen an lo dop muruan tubun geig ak ilasa wa. Muruan naok ago yak gubak mi ta ilasa na ya, saen tan en ilasag ipalug gamu en lo, mel igo yak ilasa man tia geig a, agod murna gup afon ta ilasa da na wa.

Matyu 24:21 Referans Kwoze

Luk 21:24

Aenta ager adi sabiri nam dufu dumat a. Aenta iŋsad ager adi diŋal pe, subanek tamol dilasap tan asau mi sensen lo diaup ante dumado wa. Agop gob adi Jerusalem diŋanep dipartitale dop yaup nal a lo gob adi sad saen itout san nal an idaisuda wa.

1 Tesalonaika 2:16

Man dugo, iŋ maŋsama dal dufutani wo maeg digane da, an lo maŋ tamolpein Juda adi tia yak sad na ru mufulale san tia ya. Iŋ Anut gob adi patud ipasip iŋiliai san dumoi da. Dal an lo iŋ pempem aupasek digane dugo sad aupasek tubun geig ilasa ya. Ak man gamu Anut sen yabituani san tiag an lo iŋsan tiŋae mumarek iŋsad na igane ilasa ya.

Matyu 24:29

“Saen muruan tubun en itout dop, ad ta ided uyan na wa. Saen an lo ‘adian tidom oŋ ilasa wa, ago dop kalam dam ta ided na wa. Ante patui keit dibiseip dudu wa, agod Anut mel dabai a keit lo yan fidian imiriranai a.’

Mak 13:9

“Aŋ gidad tawaŋ aganep amado wa. Iŋ aŋ dibiaŋ pe aŋsiganem panu lo ager adi banid lo didiraŋ pe kot lo atur a. Juda adi sad ubou ab gidigidad dien dan lo aŋ tinimi dugufutute wa. Aŋ ŋai naog aŋanep kiŋ adi agod gabman gurman adi naod na atur a, an ŋai niŋeg o abol dop duloŋ a.

Matyu 24:20

Aŋ gidad agudani wa, man dugo, kabelan aŋ madid san saen lo, tia, ubou nal lo asol au banau.

Revelesen 7:14

Ago man ŋai ru naon ŋurupeig ŋabol, “Tamol tubu, oŋ mi uloŋ a.” Agog iŋ igo irupaiag a, “Tamolpein en man muruan tubun ak madai da lo, Anut irapasaig kuai te dilasa ya. Iŋ gubak mi Sipsip Nanun san dar lo iŋaned kulos dufulanig, kulos an milkouk geig ilasa ya.

Revelesen 16:18

Ago man weil wei mi irafule dugo, liliŋan tubun mi duŋur a, ago dugo weil diliŋan ak, kanaurig tubun ak dam ilasa ya. Kanaurig an man tubun geig a, kanaurig naok igo yak ta, saen tamolpein imug tan na dumado ipalug gamu yen sad na ilasa man tia ya.