Matyu 21:15 - Takia

¹⁵ Ak man pris gurman adi agod kubiaeŋ san girek maŋau dam iŋ kulob girager igane se yan dile dugo, nanuk tempel san ar ilon lo yak igo duwagiŋ, “Hosana Dawid Nanun, per mupano da!” Saen gurman adi ago dile man ilod saian dugo tiŋaed wananan a.

Matyu 21:15 Referans Kwoze

Matyu 21:9

Tamolpein aenkadi, Jesus dida inug mi diau dugo, tamolpein aenta murna dupalu ya. Iŋ fidian mi igo dubol duwagiŋ se ya, “Hosana, Dawid Nanun, per mupano da! Tamol Anut yaŋan lo ipalu den bar iŋane ya! Hosana lak na geig!”

Jon 12:19

Man niŋen o Farisi adi iŋsed mi diŋiŋeŋ go dubol, “Ale. Idsad palaŋ marek san urat an nuŋon tia ya. Tan tilianek sad tamolpein fidian iŋ diganuri wo diau da!”

Jon 11:57

Ago dugo gurman adi Farisi dida awad kisaek mi dutumanig, tamolpein fidian ru kagin durupidai. Ta iŋ Jesus dugon te imado dan ile iloŋ tap, gidad, kuai te ibol ilasa dop, diaup diabip, diŋane dupalu wa.

Jon 7:42

Man dugo, ru ta Anut san buk lo igo ibol, Kristus iŋ Kiŋ Dawid malan kubulan. Agod iŋ panu Betlehem na, Dawid san fun panu lo ilasa wa.”

Jon 4:1

Jesus tamolpein wei mi iŋsan na dupalug iŋanen megeloum dilasa gug isuguai a. Tamolpein a Jesus isuguai se yan san sutek man Jon san iriŋani a. (Jesus iŋsen tamolpein ta isuguai na ya. Tia, iŋanen megeloum mi urat an digane ya.) Farisi adi Jesus dugo igane yan duloŋ, an niŋen o ta iŋ Jesus irupei iloŋ. Ago tag iŋ Judea ibiseig fon imul Galili na yau o tureŋ yabi a.

Luk 22:66

Salso idug Juda sad gurman adi, kubiaeŋ san girek maŋau adi, agod pris gurman adi dida dutumanig Jesus dititianig dumado se ya. Agog Jesus diŋaneg kaunsil an naod na dugunig itur a.

Luk 22:2

Saen an lo pris gurman adi iŋ kubiaeŋ san girek maŋau dida tamolpein niŋedi wo direr ak niŋen o pasak nam Jesus dufunip imat o palaŋ an dumari a.

Luk 20:1

Nal ta Jesus tempel lo tamolpein naod na Anut san ru ifulale dugo maŋau ipiteŋanai se ya. Agog pris gurman adi, kubiaeŋ san girek maŋau, agod matu gurman aenta dida dupalug Jesus dusumianig dubol,

Mak 11:18

Pris gurman adi agod kubiaeŋ san girek maŋau adi ru an duloŋ a. Ago tag dal ta ate Jesus daoŋ dupani san niŋen o abaŋ diabi se ya. Iŋ itaot dufuni imat san tia ya, man dugo, iŋ niŋen o direr. Iŋ duloŋ ak tamolpein malan tubun iŋsan piteŋanek duloŋ dugo an niŋen o fidian durut saian a.

Matyu 27:20

Ak gug pris tutubu agod Juda sad tamol gurman adi, tamolpein malan an ilod diŋane ya. Iŋ tamolpein an dududuwaig Pailat dusumianig Barabas ipasi pidinai dop, Jesus daoŋ ipani wo ago dubol se ya.

Matyu 27:1

Salso idu dugo pris tutubu adi, agod Isrel tamolpein sad gurman adi, dal dugon lo Jesus dufunip imat o nug lo dukubiaig ilod kisaek dilasa ya.

Matyu 26:59

Pris tutubu, agod kaunsil fidian mi, tamol aenta digiaig sewak ru dubol dop, Jesus kagin saiak ta igane yak, ate dufunip imat san dal ta dile wo dukubiai se ya.

Matyu 26:3

Saen an lo pris tutubu, agod Isrel san tamol gurman adi, pris gurman yaŋan Kaiafas dubol dak san ab lo dutumani a.

Matyu 22:42

“Aŋ Kristus niŋen o dugo ilom isou di? Iŋ enti nanun ak i?” Ago man iŋ durupei, “En man Dawid nanun.”

Matyu 21:23

Jesus tempel lo iladug tamolpein maŋau ipiteŋanai se ya. Ago dugo pris gurman adi agod Isrel san gurman adi dam dupalug naon na dilasag dusumiani, “Oŋ kob en agod dabai dam dugon te ŋaneg lo melmel en gane dak i? Enti mok dabai en ipanog ate urat en gane wo ibol ak i?”

Matyu 9:27

Jesus aben an ibiseig yau dugo tamol uraru malad itau an ŋien aban duri se ya. Iŋ tubun mok disasai dugo duwagiŋ se, “O Dawid Nanun, gidad ilo panama wo!”

Matyu 20:24

Saen iŋanen megeloum 10 dumado yan ago duloŋ man, tamol uraru an niŋedi wo tiŋaed saian geig a.