Matyu 20:27 - Takia

²⁷ Agod talpein ta aŋ luluŋam lo imug yau san ago ilon ibol tap, sen igane idup aŋ fidian mi wagem lo bigabeg igo woŋ ilasa wa.

Matyu 20:27 Referans Kwoze

Luk 22:26

Gug aŋ man dal ago tia ya. Ŋai ŋurupaiaŋ da, luluŋam lo ta iŋ tubun imado wak tap, sen irae imul pe murna imado wa. Ago dugo ta iŋ gurman imado tap, iŋ ibol urat pinein oŋ ilasa wa.

2 Korint 4:5

Maŋsema niŋema wo ru ta mabol na da, tia, maŋ Jesus Kristus niŋen o mi mabol ilasa da. Agod bilaluŋ e mufulale den man, Jesus Kristus iŋsen mi idsad Tubun a. Agod Jesus niŋen o maŋ man aŋanem urat tamol adi, nek an mi a.

Matyu 18:4

Amaiak niŋen o talpein enti sen yabi idup nanuk en igo woŋ ilasa dan, nek talpein amaiak Anut san kagin panek aben lo yaŋan malan te ya.

Rom 1:14

Tamolpein wei mi sad gubun ŋai tinig lo yen da, an niŋen o gubun an ŋusupasip itout a. Grik adi, tamolpein asau adi, tamolpein maŋau ad da yak, tamolpein maŋau ad tia yak lo ago ŋigane wa.

2 Korint 12:15

Ŋai ilo uyan lo mi ŋaisag mel fidian, ŋaiseg tinig dam, aŋ ŋutum ŋibinawi wo ŋupanaŋ a. En dugo, ŋai ilog bubeg fidian aŋ ŋupanaŋ tap, an niŋen o aŋ ilom bubem kitek ka ŋai apanag ak i?

2 Korint 11:5

Aposel adi nek a “aposel malan te yak” ago abol dan, ŋaisag leil lo man iŋ ŋai ta diriŋanag na da.

Matyu 20:26

Ak gug aŋ luluŋam lo kagin ago yak ta mok ilasa na wa. Tia, talpein ta aŋ luluŋam lo yaŋak tubun ak iŋane wo ilon ibol tap, sen iganep aŋanem biabi ŋilaŋal oŋ ilasa wa.

Matyu 20:28

Nek ibol Tamol Nanun iŋsen igo woŋ, tamolpein aenta binawek urat dupani wo ta ipalu na ya, tia, aenta niŋedi wo binawek urat igane wo ipalu ya. Agod sen tinin fidian ibiseip an lo tamolpein wei mi siganen dar lo idad pe iŋal imul o dam ipalu ya.”