Matyu 2:6 - Takia

⁶ ‘O Betlehem, tan Judea na, oŋ Judea san gugoi gurman luluŋad lo panu kawan ak oŋ tia ya. Man dugo, mitep oŋ lo gurman ta ilasa wa. Gurman an ŋaisag tamolpein Isrel itirnai a.’”

Matyu 2:6 Referans Kwoze

Jon 7:42

Man dugo, ru ta Anut san buk lo igo ibol, Kristus iŋ Kiŋ Dawid malan kubulan. Agod iŋ panu Betlehem na, Dawid san fun panu lo ilasa wa.”

Revelesen 11:15

Agog eŋel e eŋel sukunda tinid ate murna geig imado den, iŋsan barag iwi dugo, kumaen panu lo awak tubun mi igo duwagiŋ dugo ŋai ŋaloŋ a. “Anut tan titin fidian en sad kiŋ adi iŋaned kagin panek iganeg itout a, ago dugo Anut iŋanen Kristus da sad kagin panek ilasag abed iŋane ya. An lo Tubun en iŋsen saen pempem kiŋ igo imado yau a.”

Matyu 28:18

Agog Jesus iŋ sumeik mi ipalug igo irupidai, “Anut dabai fidian mi, kumaen panu san, agod tan en san dam, lo melmel fidian ŋitirnai o ipanag a.

Kolosi 1:18

Iŋ mi midaeŋ gurman, agod midaeŋ man iŋsan tinin. Iŋ mi mel fidian Anut idiraig dilasa yan sad malan te ya, iŋ imug mi mateŋ lo kumaen imasa ya, an lo man iŋ mel fidian iriŋanai geig go, lak na isuda yaug imasi a. An lo gamu iŋ mi mel fidian sad malan te ya.

Matyu 2:1

Jesus Betlehem na ilasa, Betlehem man tan tubun Judea na yen da. Saen an lo Herod iŋ kiŋ imado se ya. Saen Jesus ilasa man maŋau tamol adi ad ilasa dak lo yak Jerusalem na dupalug gidigidad dusumiaeŋ se ya,

Efesus 1:22

Anut iŋ mel fidian Kristus paen na iganeg dien da. Agod ipilianig Kris midaeŋ fidian tan en lo sad gurman igane ya. Ago yan lo binawek uyan uyan ak ipidinai a.

Jon 21:16

Agog Jesus fon ibol, “Saimon, Jon nanun, oŋ ŋai niŋeg o umat mok di?” Pita ibol, “Tubun en, oŋ uloŋ ak, ŋai oŋ o ŋamat da.” Agog Jesus fon ibol, “Oŋ ŋaineg sipsip kaginad gane.”

Hibru 7:14

Id kuai tem taloŋ uyanan ak idsad Tubun en man iŋ Juda san gugoi lo ilasa ya. Agod gugoi amaiak mi niŋen o Moses pris niŋedi wo ru ta ibol man tia ya.

Revelesen 7:17

Ata wo, Sipsip Nanun iŋ kiŋ san kalik titiŋae mi imado dan, iŋsad titianek tamol imado wa. Iŋ kumaen san you ibanai dan san aben ate diau san niŋen o ulum ad yabi wa. Agod Anut iŋsen mi iŋaned malad turon fidian mi isasi dop tinaŋ fon digane san tia ya.”