Matyu 2:2 - Takia

² “Nanuk a ilasa amaiak dugo mi ak i? Iŋ murnap Juda adi sad kiŋ imado wa. Ilasa yan maŋ maloŋ a, man dugo, iŋsan patui ad ilasa dak ate fun iganeg ided do mile ya, an lo maŋ ubou an mile wo mupalu ya.”

Matyu 2:2 Referans Kwoze

Revelesen 22:16

“Ŋai Jesus, ŋai gubak mi ŋaisag eŋel ŋidinig aŋsam na yau a, an lo ru e aŋ Kris midaeŋ adi aloŋ la yen irupaiaŋ a. Ŋai man kiŋ Dawid san ai dabin, agod iŋsan malan kubulan. Ŋai man patui nek a salso idu dop ided dan nek ama ya.”

Jon 18:37

Ago tag Pailat irupei, “Dugo, oŋse oŋ kiŋ ta ago ubol di?” Jesus ru naon irupei, “Oŋse nek a ubol da. Ŋai kiŋ ta, ŋai tan en lo ru rumok ak ŋabol ilasa wo ŋupalu ya. An lo ta iŋ ru rumok san man, iŋ ŋaisag ru iloŋ dop ru an iganuri wa.”

Hibru 1:6

Gug saen Anut Nanun matu an iganeg tan na ipalu an niŋen o ago ibol, “Anut san eŋel adi fidian iŋ niŋen o ubou an dile wa.”

Luk 23:38

Ru ta ai lapan fo digireg aigim kabuŋan fufo na dubali a. Ru en san sutek lo man igo ya, “En Juda sad Kiŋ.”

Luk 23:3

Ago tag Pailat Jesus isumiani, “Oŋ Juda sad kiŋ ak i?” Agog Jesus ibol, “Awo, nek oŋse ubol la ya.”

Jon 5:23

Taman ilon man, nek ibol tamolpein Taman yaŋan disini dak igo woŋ, iŋ fidian Nanun dam yaŋan disini wa. Talpein enti a Nanun yaŋan ta isini na dan man, Taman a Nanun iganeg ipalu yan dam yaŋan ta isini na da.

Jon 1:49

Ago tag Nataniel irupei, “Girek Maŋau, oŋ Anut Nanun mok a, oŋ Isrel sad Kiŋ.”

Luk 19:38

Iŋ igo dubol, “Kiŋ e Anut yaŋan lo ipalu den bar iŋane ya! Kumaen panu na maror yen. O Anut per lak na geig ak per mupano da!”

Luk 2:11

Tidom nek en lo Dawid san panu lo aŋsam patu pasek tamol ilasa ya. Iŋ man Kristus, aŋanem Tubun a.

Jon 9:38

Ago dugo tamol an naon na turun isaluwig igo ibol, “O Tubun en, ŋai ilog lo rumok a.” Agog ubou an ile ya.

Jon 19:19

Aria, Pailat ai lapan fo girek ta ago ibol igire, “Jesus Nasaret tamol, iŋ Juda sad kiŋ.” Girek an aigim gumuran fo dubali a.

Jon 12:13

An niŋen o diaug, pator raen dulusunig, dal na dile wo diau. Agog iŋ duyuŋani dugo igo dubol duwagiŋ, “Hosana, per mupano da! Tamol Anut yaŋan lo ipalu den bar iŋane ya! O Isrel sad Kiŋ, oŋ bar ŋane ya!”

Matyu 27:11

Jesus gabman gurman naon na dugunig itur dugo, ago isumiani, “Oŋ Juda sad kiŋ ak i?” Ago dugo Jesus ibol, “Awo, nek oŋse ubol la ya.”

Jon 20:28

Ago man Tomas ru naon igo ibol, “Oŋ ŋaineg Tubun en, ŋaineg Anut mok a!”

Matyu 21:5

“Ru en Saion san Nanun Pein naod na ubol ilasa wa. Ale, aŋanem Kiŋ gamu aŋsam na ipalu da. Tamol mos aman ak igo woŋ ipalu da, doŋki ta fufo na imasig imado da. Doŋki an foun ak fo na imasig imado dugo ipalu da.”

Matyu 2:3

Saen kiŋ Herod iŋsad ŋiŋeŋ ago iloŋ man ilo sou ifini saian, ago dugo tamolpein Jerusalem na dam sisem ilo sou gidigidad diŋane se ya.