Matyu 13:47 - Takia

⁴⁷ “Afon Anut san kagin panek an dam ibol dob oŋ a. Iy ŋilaŋal dob ta beig lo dubal pe iy funfun diŋane wa.

Matyu 13:47 Referans Kwoze

Jon 15:6

Talpein ta iŋ ŋai lo ta imado na dan, iŋ ai raen ibun ak igo ya. Ai raen ago man ditartitip, yai lo diabi yaup inani fufari yau a.

Revelesen 3:1

“Oŋ ru ta girep taun Sardis na Kris midaeŋ sad eŋel malan te yan san na yau a. Ru man igo ya. Tamol enti Anut san Ur seven aman da dugo patui seven dam iburou dan, ru en aŋsam na iganeg ipalu da. Ŋai aŋ kulob fidian agane dan ŋaloŋ la ya. Tamolpein aŋ niŋemi wo igo dubol da, ‘midaeŋ en malad kumaen dumado da,’ ak gug aŋ amat pasik a.

Mak 1:17

Agog irupidai, “Ŋai ŋieg abag ari gup tamol aŋal san ŋipiteŋanaŋ a.”

Galesia 2:4

Gug rumok, teid sewak adi iŋ dimianuk oŋ go, maŋsama tumanek lo disadu ya. Id wagam kubiaeŋ san subanek lo tumado na ya, gug gamu patun fo tilasag tumado da. Fun man id Kristus da tutumani an lo mi a. Tamol sewak adi mianuk lo disadu yan san fun man, idsad madok foun ak lo tator dan niŋen o abaŋ dikibiani wa. Iŋsad ilobol igo ya, id afon iŋsad subanek an lo tiladu san niŋen o disadudunad a.

2 Korint 11:26

Saen wei mi ŋai panu asau mi ŋau se ya, ago dop you lo ŋisarir o ŋatoŋ se ya. Saen aenta gumagam tamol adi banig na biouŋ disini wo digane se ya. Ŋaisinag turag muroug diginiag saian o digane se ya, gob adi dam diginiag saian o digane se ya. Panu tutubun ak lo ŋumado dop muruan ŋisini se ya, fon tan kawan ak lo ŋumado dop dam muruan ago mi ŋisini se ya. Beig lo ŋadeg o sumeik se ya. Teig muroug sewak adi dam banid lo ŋamat o sumeik a.

Aposel 20:30

Agod aŋ luluŋam lo tamol aenkadi dilasap siganed ru sewak lo ru rumok an dukubuli dop senamo geig ilasa wa, an lo dop ilo rumok adi dirawai dop ŋied abad diri wa.

Luk 5:10

Saimon turan muroun, Sebedi nanun urarum, Jems iŋ Jon da dam durut saian a. Agog Jesus Saimon irupei, “Urer umoi. Oŋ gamu agod nal murnai san fidian oŋ tamolpein dideg diau dan ago mok uŋal a.”

Matyu 4:19

Agog irupidai, “Ŋai ŋieg abag ari gup tamol aŋal san maŋau ŋipiteŋanaŋ a.”

1 Korint 11:19

Mel en ŋai niŋen o ta ilog uraru na ya, pempem Anut san midaeŋ luluŋad lo gilek aenta dilasap yen a. Man dugo, kagin naok en lo kuai tem tile wak, enti aŋ luluŋam lo Anut ipitianai da, agod enti dam niŋen o ilon saian da.

Jon 15:2

Ŋai raeg aenta nuŋod tia tap, abi muroun itartitip yabi yau a. Raen nuŋon anda yan ikubunep, didilan itute yau dop, iluŋanip, ate nuŋon wei mi ifu dop yen a.

Matyu 13:44

“Anut san kagin panek man igo ya. Tamol ta gib yabig mel naod lak na geig ak tan lo imianaig dien na ya. Agog tamol sen ak ta yaug walal ipanig afon ituanai da. Agog yousai lo yaug iŋsan biouŋ fidian moni iŋane wo didaeŋ lo idiri yau a. Biouŋ an san moni iŋaneg tan an muroun san na yaug tan an idad a.

Matyu 13:46

Nal ta, koksai siŋaokan geig ak ile, ago tag yaug iŋsan biouŋ fidian didaeŋ lo idirig an lo moni iŋaneg ate koksai an idad a.

Matyu 13:48

Saen dob an iy lo inawai man, loŋ na dirae isuda wa. Agop iy naok naok atem sensen didiri wo dumasip dumado wa. Iy uyan ak senamo didiri dugo saian ak dam senamo didiri wa. Agop uyan ak iŋaned kulgou lo ditane idu dop, saian ak diabi yau a.