Matyu 12:18 - Takia

¹⁸ “En man ŋaisag urat tamol, ŋaiseg mi ŋupiliani a, ŋaineg bubeg mok, iŋ niŋen o ilog bulbal da. Ŋai ŋaisag Ur iŋ lo ŋigane wa, agod dop iŋ tamolpein aben fidian lo dumado dan sad na bitinaek Anut san nag ipalu dan niŋen o ibol ilasa wa.

Matyu 12:18 Referans Kwoze

Luk 4:18

“Tubun en san Ur ŋai lo imado da. Man dugo, ŋai tamolpein kawan filiad tia yan, ru uyanan ak ŋurupidaip duloŋ o ipilianag a. Iŋ ŋai idinag go ŋupalu man, tamolpein ru igo ŋurupidai a: a Satan isubanai an ŋai ka ŋupasaip kuai te dilasa wa, a malad itapul idu yan fon abaŋ ka dile wa, a tamolpein sen ak banid lo muruan dile dan, ŋai iŋsad muruan ŋigane itout a.

Aposel 10:38

Jesus Nasaret tamol Anut ipilianig, iŋ fo Urgun dabai da iganeg idu yan aŋ aloŋ a. Iŋ panu panu itor dugo binawek igane dugo, talpein enti ta ur saian sad gurman paen na dumado dan ikubuniai se ya. Man dugo, Anut iŋ da dumado na ya.

Jon 3:34

Man dugo, Tamol a Anut idinig idu yan, iŋ awan Anut san awan aban mi iŋiŋeŋ da. Ata wo? Anut iŋ Ur kabelan ka Tamol an ta ipani na da, tia, iŋsan Ur tubun mi iŋ lo awan isa wa.

1 Pita 2:4

Iŋsen mi pat kumaen yen da. Ago dugo tamolpein iŋ diabiani ak gug Anut iŋ ipiliani a, agod iŋ malan lo pat an naon lak na geig a. Aŋ naon na au dan,

2 Pita 1:17

Man dugo, saen iŋ Bai Anut lo yaŋak tubun ak girager da iŋane yan, maŋ iŋ da did gun an fufo mumado ya, ago dugo iŋ niŋen o Anut awan keit lo iwagiŋ dugo maloŋ a. Awak an san liliŋan iŋsan na ipalug yaŋan yabisag yaŋak tubun ak ipani a. Iŋ ibol, “En man ŋaineg Nanug mok, ŋaineg bubeg mok, iŋ niŋen o ŋai ilog tubun mi uyanan da.” Awak a kumaen panu log ipalu yan maŋ maloŋ a.

Kolosi 1:13

Man dugo, id gubak mi aben a Satan tidom tubun ak lo tamolpein a Anut san tia yak itirnai dan te tumado se ya. Ak man id Tamad patud ipasig iŋiliag go taug Nanun a niŋen o imat dan, iŋanen kagin panek aben lo tiladu ya.

Kolosi 1:1

Ŋai Pol, Anut sen ŋai ipilianag go, Jesus Kristus san aposel ŋilasa ya. Ŋai aŋ, Anut anen tamolpein a Kolosi na amado dan, sam na girek en ŋigane ipalu da. Id teid Timoti iŋ ŋai da girek en migire da. Aŋ Kristus da atumanig lo gun alasa ya. Agod gamu Kristus mi awan ari apanig amado da. Ŋai igo ŋugudani dak, Anut idaned Tamad san ilo panek, agod ilo maror dam, aŋsam na ilasa dop yen a.

Efesus 1:6

Ago dop id iŋsan ilo panek siŋaokan geig an niŋen o per tupani wa. Anut san Nanun man iŋsan buben mok a. Aria, Nanun an lo ilo panek a ipanad an sen kawan naon tia ipanad a.

Aposel 14:27

Antiok na dilasag ilo rumok adi dutumanaig, Anut urat iŋ lo igane na yan san ru durupidaig duloŋ a. Agog Anut tamolpein Juda tia yan ilod lo rumok san dal ipasi an dam dubol duloŋ a.

Aposel 11:18

Saen ru an duloŋ man, iŋ ru taidam ad tia ya, tia, Anut yaŋan diabisa dugo dubol, “An rumok tap, Anut ilon yen man tamolpein Juda tia yan ilod ibileksap, kumaen pempem yen san diŋane wan san dal iŋ o dam ikasap yen da.”

Luk 23:35

Tamolpein leil digane dugo dutur a, ago dugo Juda sad gurman adi Jesus kukokan digane dugo dubol, “Iŋ aenta patud ipasi na ya. Ago yak niŋen o, iŋ tamol a Anut ipiliani an, Anut san Kristus, an rumok tap, ka sen patun ipasi dop tile.”

Luk 9:35

Agog awan ta timtaen lo iwagiŋ go ibol, “En ŋaineg nanug, ŋaineg Pilianek Tamol. Awan aloŋ a.”

Luk 3:22

Anut san Ur muluk oŋ idug, iŋ kabuŋan fufo imasi a. Agog kumaen panu lo wagiŋ ta idug, igo ibol “Oŋ ŋaineg Nanug, ŋaineg bubeg mok, oŋ niŋe wo ŋai ilog tubun mi uyanan da.”

Mak 9:7

Agog timtaen ta idug yafutanai dugo awak ta timtaen an ilon lo ilasag ago ibol, “En man ŋaineg Nanug, ŋai bubeg mok a. Awan aloŋ!”

Mak 1:11

Agog kumaen panu lo wagiŋ ta idug igo ibol dugo iloŋ, “Oŋ man ŋaineg Nanug, ŋaineg bubeg mok, oŋ niŋe wo ilog tubun mi uyanan da.”

Matyu 17:5

Saen iŋiŋeŋ se man timtaen ta ided dak ipalug, ibuluwai dugo, ŋiŋeŋ ta timtaen an ilon lo yak ibol, “En man ŋaineg Nanug mok, ŋaineg bubeg mok, iŋ niŋen o ŋai ilog tubun mi uyanan da. Awan aloŋ!”

Matyu 12:17

Kagin nek amaiak lo, awak aban ta profet Aisaia ibol an nuŋon ilasa ya. Iŋ ago ibol,