Matyu 11:11 - Takia

¹¹ Ŋai rumok ŋurupaiaŋ da, tamol a pein tiŋaed lo dilasa yan luluŋad lo tamol ta kisaek Jon Suguek san iriŋani man tia ya. Ago bo man, tamol ta Anut san kagin panek aben ilon lo yaŋan aman tia yan, fidian aenta paed na imado dan, iŋ Jon Suguek san an iriŋani a.

Matyu 11:11 Referans Kwoze

Luk 7:28

Ŋai rumok ŋurupaiaŋ da, tamol a pein tiŋaed lo dilasa yan luluŋad lo tamol ta kisaek Jon Suguek san iriŋani man tia ya. Ago bo man, tamol ta Anut san kagin panek aben ilon lo yaŋan tiag, aenta fidian paed na imado dan, iŋ Jon Suguek san iriŋani geig a.”

Efesus 3:8

Gidad, ŋai Anut san tamolpein luluŋad lo, tamol kawan ak igo woŋ ŋumado bo man, iŋ ŋai ilon ipanag go urat emaiak ipanag a. Urat en man, Kristus san bunun uyanan a taloŋ san id ta idaisuda na yan niŋen o, gob adi naod na kuai te ŋabol ilasa dop duloŋ a.

Jon 1:15

Aria, Jon malak malak iŋ niŋen o igo ibol iwagiŋ, “Tamol emaiak niŋen o ŋai ŋurupaiaŋ go aloŋ na ya. Tamol a ŋai patug fo ipalu dan, ŋai iriŋanag dugo ŋaisag malan te yak imado da. Man ata wo, wagam mi ŋai ta ŋilasa na yan iŋ imado la ya.”

Matyu 5:19

Aria, talpein enti a kubiaeŋ tusan ak ta ipilali dugo tamolpein aenta ago mi digane wo ipiteŋanai dan, talpein an kumaen panu lo yaŋan tia wa. Gug talpein enti a kubiaeŋ fidian iri ipani dugo tamolpein aenta kubiaeŋ an fidian diri wo ipiteŋanai dan, iŋ yaŋan kumaen panu na man tubun geig a.

Matyu 3:11

“Ŋai you lo mi aŋ ŋusuguaŋ da, ago dop tamolpein naod na aŋ ilom ibilisa yan kuai isi wa. Ak man tamol a ŋai patug fo ipalu dan iŋsan dabai ŋaisag dabai iriŋani geig a. Ŋai man tamol gidad a, amaiak niŋen o iŋsan sendal ŋisini san o yaŋag tia ya. Gug tamol en man Awan Urgun lo isuguaŋ a, agod Urgun an san yai nam ifulanaŋ pe ikok alasa wa.

Luk 9:48

megeloum irupidai, “Talpein enti ŋai yaŋag lo nanuk igo yan iŋane wo iyuŋani tap, ŋai dam iŋiliag o iyuŋanag da. Agod talpein a ŋai iŋiliag dan, Enti a ŋai idinag go ŋupalu yan dam iŋane da. Man dugo, talpein a aŋ luluŋam lo sen yabi idup murna geig an, iŋ mi malan te ya.”

1 Pita 1:10

Profet adi saen ilo panek a Anut ipanaŋ an niŋen dubol ilasa dan lo, patu pasek en san fun dile wo abaŋ an diabi siŋaokan da.

Hibru 11:40

Man dugo, wagam mok Anut mel ta nen uyanan ak idsad saen an lo ilasa wan ile ya. An man tamolpein an id tia yak man itaot dilasa san tia ya, tia, iŋ id da sisem itaot tilasa wa.

1 Korint 15:9

Man dugo, ŋai Kristus san aposel aenta luluŋad lo yaŋag tia ya, agod ŋai yaŋag aposel dubol dan ta idaisuda na ya. Man dugo, ŋai Anut anen tamolpein ŋusubanai o ŋukudai dugo muruan wei mi ŋupidinai se ya.

1 Korint 6:4

An niŋen o ŋai igo ŋurupaiaŋ, gidad tamol midaeŋ ilon lo yaŋad tia yak, aŋsam muruan tan en san ka bitinaek lo diganep dukubune wa.

Jon 10:41

Ante tamolpein wei mi iŋsan na diaug igo dubol, “Rumok, Jon iŋ kulob girager ta kisaek igane man tia ya. Ago gug Jon tamol en niŋen ru fidian ibol na yan man ru rumok a.”

Jon 3:30

Ago yak niŋen o iŋ yaŋan tubun mi imasap yau dop, ŋai yaŋag ka idu wa.”

Jon 5:35

Jon man iŋ sul igo woŋ ided dugo tamolpein lilaman ipidinai a. Iŋ imado an lo saen katukan mi aŋ ilo uyan am da iŋsan lilaman lo amado ator na ya.

Jon 1:27

Tamol an iŋ ŋai patug fo ipalu da, gug iŋ ŋai iriŋanag a. Ŋai seg iliag dak man, ŋai iŋsan sendal ŋupasi san ta idaisuda na ya.”

Jon 7:39

Jesus Awan Urgun niŋen o tou an yabig ru ibol a. Talpein ensauta a Jesus o ilod lo rumok an murnap Awan Urgun diŋane wa. Nal an lo man Jesus lak na yaŋak tubun ak iŋane wo gamugo isuda yau da, ago yan lo Awan Urgun dam gamugo idu da.

Efesus 2:3

Wagam id fidian dam nek iŋ dida naon kisaek a, ago dugo ilo masai san kagin an mi tiri se ya. Idaned ilo ibol agod tinid san ilo masai dam lo tumado na yan, an niŋen o idsad madok tan en lo man id Anut san tiŋae saiak paen na tumado da. An nek ibol tamolpein fidian tan en lo ditor dak, ago mi a.

2 Timoti 1:10

Ak gug gamu idsad patu pasek Jesus Kristus iŋ kuai isi an lo ilo panek an ikubiai panad a. Iŋsen amaiak mateŋ ipitiŋinig igane itout a. An lo bilaluŋ ru lo kumaen a yen oŋ dugo ta imat na dan walal te igane ilasa dugo tile ya.

Luk 1:15

Man dugo, iŋ Tubun en malan lo tamol tubun ak imado wa. Iŋ wain, ayu naon sensen ak dam ta iluk na wa. Agod saen tinan igansi man, iŋ Awan Urgun iŋanep tinin iŋanefutep pempem ago imado wa.

Matyu 3:1

Saen malak malak lo Jesus gamugo ilasa man, Jon suguek tamol dubol dan ipalug, Judea na tan kawan ak lo ru ifulale se ya.

Matyu 11:10

tamol nek emaiak niŋen o girek e Anut san ru lo digire idug yen den, igo ibol, ‘Ule, ŋaisag ru sinek tamol ŋidinip, oŋ nao na imug mi yau a. An lo man oŋsa dal ikubune wa.’

Matyu 11:12

Saen Jon Suguek San kuai te ilasag yaug saen gamu tumado den lo, Anut san kagin panek aben an sen wagai ikubiani na ya, agod tamol wagai san amaiak silei nam aben an diŋane da.