Mak 9:7 - Takia

⁷ Agog timtaen ta idug yafutanai dugo awak ta timtaen an ilon lo ilasag ago ibol, “En man ŋaineg Nanug, ŋai bubeg mok a. Awan aloŋ!”

Mak 9:7 Referans Kwoze

2 Pita 1:17

Man dugo, saen iŋ Bai Anut lo yaŋak tubun ak girager da iŋane yan, maŋ iŋ da did gun an fufo mumado ya, ago dugo iŋ niŋen o Anut awan keit lo iwagiŋ dugo maloŋ a. Awak an san liliŋan iŋsan na ipalug yaŋan yabisag yaŋak tubun ak ipani a. Iŋ ibol, “En man ŋaineg Nanug mok, ŋaineg bubeg mok, iŋ niŋen o ŋai ilog tubun mi uyanan da.” Awak a kumaen panu log ipalu yan maŋ maloŋ a.

Matyu 3:17

Agog kumaen panu lo wagiŋ ta iŋiŋeŋ idug, igo ibol dugo iloŋ, “En man ŋaineg Nanug, ŋaineg bubeg mok, iŋ niŋen o ŋai ilog tubun mi uyanan da.”

Mak 1:11

Agog kumaen panu lo wagiŋ ta idug igo ibol dugo iloŋ, “Oŋ man ŋaineg Nanug, ŋaineg bubeg mok, oŋ niŋe wo ilog tubun mi uyanan da.”

Revelesen 1:7

Ale. Iŋ keit lo timtaen titiŋaem imado dugo ipalu da! Ago dop tamolpein fidian mi iŋsed malad lo dile wa. Tamolpein a gubak mi yu nam iŋ dusue yan dam dile wa. Gugoi fidian a tan titin fidian lo dumado dan, Kristus ipalu dop dilep, an lo ilod tubun mi saian pe tinaŋ tubun mi geig digane wa. Nek a, rumok!

Hibru 2:1

Fun amaiak niŋen o id ru rumok a taloŋ an tabi sakar a, ago dop an lo na id tadeg tau san tia ya.

Jon 20:31

Ago gug girek e yen la yen aŋ ale dop, an lo Jesus iŋ Kristus, Anut Nanun, an mi aŋ ilom lo rumok o ŋigire ya. Agop aŋ iŋ o ilom rumok an lo, iŋ yaŋan lo kumaen pempem yen san aŋane wa.

Jon 6:69

Maŋ maloŋ uyan go iloma lo rumok ak, oŋ mi Anut anen Tamol Gun a.”

Jon 1:34

Ŋai ŋile ŋaloŋ la ya, an lo ŋai iŋ niŋen o ru ŋabol ilasa da, tamol en iŋ Anut Nanun mok a.”

1 Jon 5:20

Id mel en dam taloŋ ak, Anut Nanun ipalug, an lo id Tubud a iŋ Tubud rumok ak taloŋ san niŋen o maŋau ipanad a. Rumok, id a Tubud rumok ak iŋ da tumado dan, iŋsan Nanun Jesus Kristus dam ida tumado da. Kristus iŋsen mi man Anut rumok ak, agod iŋ lo dam kumaen an pempem yen yau da.

Rom 1:4

Gug Awan Urgun iŋ tamol an san dabai tutubu yan ikubiai panad a, man dugo, mateŋ lo imasag kumaen imado yan tile ya. Ago man Urgun kulob an lo iŋ niŋen o igo ibol, tamol en Anut Nanun mok a. Iŋ Jesus Kristus, idsad Tubun a.

Aposel 8:36

Ru ifulale dugo dupalug you ta fun na dilasag, tamol gurman Filip irupei, “You ebe ya. Dugo, mel ta isubanag pe suguek ŋiŋane wan tia i?”

Aposel 7:37

Moses iŋsen geig Isrel tamolpein irupidai, ‘Anut ŋai idinag go ŋupalu yak ago mi profet ta idinip ipalu wa. Tamol an mitep aŋsiganem dar lo ilasa wa.’

Aposel 1:9

Ago ibol go itout an aposel malad lo mi tan ibiseig, isidag, timtaen lo imianuk dugo dile san tia ya.

Jon 19:7

Ago tag Juda adi igo dubol, “Maŋsama kubiaeŋ ta yen dan lo man, iŋ imat mok a. Man dugo, iŋ Anut Nanun mok ago ibol a.”

Jon 9:35

Jesus tamol an kuai te dubal ilasa yan san ru iloŋ a. An lo abaŋ an yabi yaug ile tag irupei, “Oŋ Tamol Nanun en ilo lo rumok i?”

Jon 5:37

Agod Bai a ŋai idinag go ŋupalu yan iŋsen, ru rumok ŋai niŋeg o ibol a. Ago gug aŋ kududom iŋ awan kitek duloŋ man tia, agod tinin san leil an dam ale man tia ya.

Jon 5:18

Ru an niŋen o Juda adi tiŋaed saian go, Jesus dufuni imat o maeg tubun mi digane na ya. An sabat nal ipilali ak niŋen o mi iŋ ago ta digane na ya, tia, Anut iŋ taman mok ibol ak, ru naok an lo iŋsen Anut da tou kisaek mi ibol da, an lo tiŋaed tubun mi saian a.

Jon 1:49

Ago tag Nataniel irupei, “Girek Maŋau, oŋ Anut Nanun mok a, oŋ Isrel sad Kiŋ.”

Matyu 27:54

Yu gurman iŋanen yu tamol dida Jesus dititianig dumado na yan, tan isuruwor dugo melmel dilasa yan ago dil man, tubun mi direr se ya. An niŋen o yu gurman an ibol, “Rumok geig, en man Anut Nanun.”

Matyu 27:43

Iŋ Anut niŋen o ilon rumok da, aria, Anut tamol en niŋen o imat mok tap, gamu geig en Anut mi ka ibinawi wa. Ak gug Anut iŋ o imat mok di? Man dugo, iŋ ibol ak, ‘Ŋai man Anut Nanun a.’”

Mak 9:6

(Iŋ fidian tubun mi direr dugo dusuruwor se yan lo, Pita ru dugo ibol an ta iloŋ uyan na ya.)

Mak 9:8

Ago duloŋ dugo malad yau imul silatik oŋ dugo abaŋ dile itililani se yak gug tamol aenta ta dil na ya, nek Jesus mi sen kisaek siŋired na itur se ya.

Luk 3:22

Anut san Ur muluk oŋ idug, iŋ kabuŋan fufo imasi a. Agog kumaen panu lo wagiŋ ta idug, igo ibol “Oŋ ŋaineg Nanug, ŋaineg bubeg mok, oŋ niŋe wo ŋai ilog tubun mi uyanan da.”

Jon 12:28

Bai, gidad oŋsa bunu uyan uyan ak kubiai dile!” Jesus ago ibol dugo, Anut awan lak na idug igo ibol, “Ŋai yaŋag ŋiganeg tubun la ya. Gug fon ŋiganep, tubun geig a.”