Mak 15:43 - Takia

⁴³ Josef Arimatea san tamol, iŋ man Juda sad Sanhedrin kaunsil luluŋad lo tamol kisaek a, agod iŋ dam Anut san kagin panek ilasa wo malan igane se ya. Iŋsen ilon yabisag Pailat san na yaug Jesus san tubabun ipani wo isumiani a.

Mak 15:43 Referans Kwoze

Luk 2:38

Aria, Simion pein tamol an ru irupidai dugo, saen nek an lo Ana ipalug, iŋ dam Anut yaŋan yabisag, nanuk an niŋen o Jerusalem tamolpein ensauta a Anut ibinawai o malad diganeg dumado se yan irupidai a.

Luk 2:25

Aria, tamol ta Jerusalem na imado yan yaŋan Simion. Iŋ tamol itaot, agod Anut awan paen na imado ya. Anut Isrel tamolpein ibinawai san saen ilasa wo, malan iganeg imado se ya. Iŋ lo dam Urgun imado ya.

Aposel 17:12

Amaiak niŋen o Juda wei kasik ilod lo rumok a. Grik pein kitek wei mi yaŋad ad da yak, iŋ Grik tamol dida ilod lo rumok a.

Jon 19:38

Gurai idu dugo Josef, Arimatea panu san tamol an Pailat san na yaug, Jesus san sisanun iŋane wo isumiani. Josef dam iŋ Jesus ilon lo rumok a. Ak man Juda niŋedi wo irer an niŋen o ilon lo mi imianuk oŋ itor se ya. Pailat awok ibol tag, Josef imul yaug sisanun an iŋane ya.

Matyu 27:57

Ad idiau o sumeik dugo, taun Arimatea san moni tamol ta yaŋan Josef ipalu ya. Iŋ dam Jesus san megeloum mi a.

Filipai 1:14

Agod an mi tia ya. Tia, ŋai teig taog Tubun en lo dumado dan wei mi dam, ŋai sein nam dusubanag go ŋumado dan lo, iŋaned ilo rumok dabai ipanig direr san tia ya, an lo Anut anen ru dabai nam dufulale da.

Aposel 13:50

Ak man Juda tamolpein dumasag, taun an san tamol gurman ated dusue ya. Iŋ pein yaŋad anda yak Anut ubou an dile dan dam ated dusue ya. An lo Pol iŋ Barnabas da muruan iŋ madai da dupidinaig dukudaig, aben an dibisei a.

Mak 14:54

Ak man Pita iŋ Jesus ŋien aban irig diau ak gug, iŋ kitek asau mi imado ya. Iŋ pris gurman san ar lo iladug ai katuk adi dida dumado ya. Tidom an madid niŋen o yai lo tinid isue dugo dumado se ya.

Matyu 20:16

“Nek ago mi, talpein murna yan mitep imug dop, imug an murna wa.”

Matyu 19:30

Ak man talpein wei mi gamu iŋ sed malan te idirai dan, saen an lo man iŋ yaŋad tia yak ago dilasa wa. Agod talpein wei mi iŋ gamu yaŋad tia dumado dan, saen an lo malan te dilasa wa.

Mak 15:44

Saen Pailat Jesus imat la yan iloŋ man, irut saian. Yu tamol sad gurman ipalu wo iwagi a. Iŋ ilasa dugo Pailat isumiani, “Dugo, Jesus imat la yak i? Tia, gamugo di?”

Luk 23:50

Tamol ta yaŋan Josef, iŋ Juda panu ta Arimatia dubol dan san tamol. Iŋ tamol uyan, agod itaot. Iŋ Anut san kagin panek ipalu wo malan igane se ya. Iŋ Juda sad kaunsil lo imado gug kaunsil dida Jesus san mateŋ o ilod ta kisaek na ya, agod awok ta ipidinai na ya.