Mak 10:19 - Takia

¹⁹ Oŋ Anut san kubiaeŋ fidian uloŋ pasi a: oŋ ta funi imat umoi, jeit kagin umoi, ugam umoi, supalek ru ubol umoi, talpein ta rawip lo san melmel uŋal umoi, agod oŋ tina tama awad uri pani wa.”

Mak 10:19 Referans Kwoze

Rom 13:9

Moses kubiaeŋ igo ibol, “Oŋ jeit ta gane na wak, oŋ tamol ta funip imat na wak, oŋ aenta sad melmel ta ugam na wak, oŋ tamolpein aenta sad melmel niŋen o mala ta isi na wa,” agod kubiaeŋ aenta dam ru girek en lo yen da. Gug kubiaeŋ kisaek en kubiaeŋ an fidian ituanai idu ya, nek “Oŋ se ilo ipano dak ago mi tura ilo pani wa.”

Jems 2:11

An san fun man igo woŋ. Anut ibol, “Tamol ta sen turan san iwon da aupasek ta digane na wa.” Agog iŋ fon ibol da, “Tamol ta fini imat na wa.” Oŋ kubiaeŋ kisaek an uri dop, turan ta lo tamol funi imat tap, oŋ kubiaeŋ fidian pitiŋini a. Man dugo, Anut iŋsen kubiaeŋ an fidian ibol dilasa ya.

Luk 18:20

Oŋ kubiaeŋ fidian uloŋ: tamol sen ak iwon ugam pe ida jeit ta agane na wak, tamol ta funi imat na wak, gumagam ta gane na wak, kot lo supalek ru ta ubol na wak, tina tama awad paen na mado wa.”

1 Tesalonaika 4:6

Jeit kagin niŋen o ŋabol da, oŋ tei tao lo aupasek ta gane na wa. Nug ŋanek lo, agod dam oŋ tei san iwon ta ugam na wa. Ago dugo oŋane tei tinik san kagin lo dabai an tia yan ule dop man, gidad iŋsan madok pitiŋini wo ta gane na wa. Maŋ kagin naok ago yan fidian niŋedi wo ru kagin igo murupaiaŋ la ya, Tubun en iŋsen tamolpein ensauta a aupasek naok ago yan digane dan naon muruan geig ak ipidinai a. Ago yan lo afon murupaiaŋ da, kagin agane.

Galesia 5:14

Man dugo, kubiaeŋ san ru fidian man itumanig ru kisaek en lo mi ilasa ya. “Oŋ siŋane tini niŋen o umat ago mi, tamolpein aenta dam niŋedi wo umat a.”

Galesia 4:21

Aria, aŋ ensauta a Moses san kubiaeŋ paen na amado wo ilom ibol dan, ŋai awag aloŋ o kududom agure. Ak dugo, aŋ kubiaeŋ an san fun mok aloŋ uyan i?

Rom 3:20

Amaiak niŋen o talpein ta kubiaeŋ an iri pani dan lo Anut malan lo itaot ta ilasa na wa. Tia, id kubiaeŋ an lo mi dop idsiganed aupasek tile taloŋ a.

Mak 10:18

Jesus ru naon ibol, “Oŋ ata wo ŋai uyag ak ubol di? Anut sen kisaek mi uyan aman a.