Luk 6:6 - Takia

⁶ Juda sad nal gun Sabat nal taidam lo Jesus ubou ab ta lo iladug, tamolpein Anut san ru ipiteŋanai se ya. Tamol ta banin saian ak dam saen an lo imado ya. Banin won ak ikurŋak a.

Luk 6:6 Referans Kwoze

Jon 5:3

Lalai miriau an ate man tamolpein subam funfun amad da yak ate dumado da. Aenta malad tia yak, aenta ŋied saian ak, aenta ŋied banid tubabun ak, ante eŋel ta ipalup, you lo idup you ila iso dop, dile wo mala nouk dumado da. Gug enti iŋ imug you lo idu dan iŋanen subam itout a.

Luk 4:31

Jesus Galili Provins lo panu Kaperniam na yau a. Atna Sabat nal lo yaug tamolpein iŋsad ubou ab lo maŋau ipiteŋanai se ya.

Luk 4:16

Agog Jesus Nasaret na yau a. Wagam nanuk lo aben ante italbusi a. Iŋsiganen kagin iri panig, Juda sad ubou leil nal Sabat dubol dan lo yaug Nasaret adi sad ubou ab lo iladu ya. Agog Anut san ru isuti wo imasa yan, profet Aisaia san buk dupani a. Buk roun ifulaleg, ru en ileg isuti:

Matyu 4:23

Aria Jesus aben Galili ilon lo fidian itiliani pasik go sad ubou ab ilon lo maŋau ipiteŋanai dugo, Anut iŋanen kagin panek an san bilaluŋ dam malak malak ifulale se ya. Saen an lo tamolpein ilod lo subam naon funfun fidian agod ŋied banid ikikai an ikubuniai idu se ya.

Jon 9:16

Ago tag Farisi aenta igo dubol, “Tamol an iŋ Anut san nag ta ipalu na ya, man dugo, iŋ Sabat nal san kubiaeŋ ta iri na da.” Gug aenta dubol, “En dugo woŋ pe tamol aupasek anda yak kulob girager igo yak ka igane wak i?” Nek an log nug ditarpaleg malan uraru dilasa ya.

Luk 14:3

Jesus tamol an ile tag kubiaeŋ san girek maŋau, iŋ Farisi dida isumianai, “Idsad kubiaeŋ dugo ibol ak i? Sabat nal lo subam adi ka tukubuniai ak i? Tia yak i?”

Luk 13:10

Sabat nal ta Jesus Juda ubou ab ta lo ru ipiteŋanai se ya.

Luk 6:1

Ubou nal ta lo Jesus kon san abi ilon lo itor se ya. Ago dugo iŋsan megeloum dimatigen, an niŋen o iŋ kon nuŋon aenta dufunig banid nam dufufari yau dugo nuŋon diani se ya.

Luk 6:5

Agog irupidai, “Tamol Nanun man iŋsen Sabat nal an muroun.”