Luk 3:14 - Takia

¹⁴ Ago dugo yu tamol aenta dam dusumiani, “Maŋ dam, en dugo migane wak i?” Agog ru naon irupidaig ibol, “Aŋ tamolpein afu dan lo banid na moni ta aŋane na wa. Aŋ ru sewak lo dam iŋsad moni ta aŋane na wa. Aŋanem urat naon dupanaŋ dan mi aŋ o idaisuda wak niŋen ilom maror anda amado wa.”

Luk 3:14 Referans Kwoze

Filipai 4:11

Ŋai mel ta lo katukag ak niŋen o mel apanag o ta ŋaŋurŋur na da. Tia, ŋaisag abeg dugon lo ŋumado dan, ŋai ilo uyan lo ŋumado da.

Luk 19:8

Ak man ab log Sakias imasag Tubun en irupei, “Tubun en, uloŋ. Ŋaisag filiag ŋitarpalep, wadan tamolpein mel ad tia yak ŋupidinai a. Taida mi, tamol ŋirawai dugo sad na ŋagam na yan, iŋaned melmel ŋagam na yan naon ago mi ŋutumanip, malan iwoiwo ŋupidinai a.”

Revelesen 12:10

Agog kumaen panu lo tamol ta awan dabai geig igo iwagiŋ dugo ŋaloŋ a. “Gamu maŋsama Anut iŋsan patu pasek, agod iŋsan tuon dababai ak di kagin panek dam walal isi a, agod Kristus san dabai dam ilasag kuai te yen da. Man dugo, mot emaiak ad tidom Anut naon na itur dugo maŋ teim taom uf ru lo idirai na ya, ak gug gamu tan na dubilig idu ya.

Taitus 2:3

Nek ago mi pein busumak rupidai dop Anut naon na dumado dak igo woŋ kagin uyan ak lo mi dumado dutor a. Iŋ uf ru ta dubol na wak, agod you sakar an ulum ad ta yabi na wa. Iŋ kagin uyan an mi tamolpein dupiteŋanai a.

Filipai 2:15

Ago agane tap man aenta aŋanem kagin dile yan lo iŋ ru amad tia wa, agod aŋ ilom lo suŋuŋek tia, ago ka amado wa. Aŋ Anut nanun muroun teb amam tia yak igo, tamolpein a iŋsad tureŋ gidigidad dutor dugo sad ilod ikubili an luluŋad lo atur da. Aŋ man ibol patui igo tan en lo abaŋ asapudade dak igo woŋ amado da,

Aposel 10:7

Eŋel Konilias ibisei yau dugo, Konilias yu tamol kisaek, agod iŋsan ab san urat pinein uraru dida igiaig dupalu ya. Yu tamol an dam Anut yaŋan isini san tamol, agod iŋ Konilias san biabi ŋilaŋal.

Matyu 8:5

Jesus Kaperniam na yaug saen iladu wo dugo Rom san yu gurman ta iŋsan na ipalug binawek ipani wo imosiai a.

Luk 3:10

Tamolpein ru an duloŋ tag dusumiani, “Maŋ dugo migane wak i?”

Luk 3:13

Agog Jon irupidaig ibol, “Aŋ tamolpein arawai dop sad moni subuŋan kawan ak da ta aŋane na wa. Gabman sen ibol ago mi itaot aŋane wa.”