Luk 23:7 - Takia

⁷ Jesus Galili tamol an iloŋ tag, idinai dugo diŋaneg kiŋ Herod san na diau. Man dugo, Herod iŋ Galili kagin ipani da, an lo Jesus Herod paen na imado. Herod saen nek an lo Jerusalem na imado se ya.

Luk 23:7 Referans Kwoze

Luk 3:1

Taibirias Kaisa anaŋar 15 Rom gabman kagin ipani dugo, Pontias Pailat Judea kagin ipani se ya. Ago dugo Herod Galili san tamol tubun geig, iŋ tein Filip dam nek ago mi Iturea iŋ Trakonaitis ida kagin ipidinai dugo, Laisenias provins Abilene kagin ipani se ya.

Luk 13:31

Saen an lo mi Farisi aenta dupalug, Jesus durupei, “Oŋ gidad, gamu aben en biseip sen lasa. Man dugo, Herod oŋ ifuno umat o ilon yen da.”

Matyu 14:1

Saen an lo Herod, provins Galili agod Perea sad tirnek tamol imado se ya. Iŋ tamolpein sad ru Jesus niŋen o dubol dugo iloŋ a.

Matyu 14:3

Imug Herod iŋ Herodias iwon igo iŋane ya, ak man pein an iŋsiganen tein Filip san iwon a. Ak niŋen o Jon suguek san an niŋen o Herod irupeig ibol, “Oŋ Herodias iwo igo woŋ ŋane amaiak niŋen o kubiaeŋ pilali a.” Fun an lo Herod iŋanen ai katuk irupidaig Jon diabig, dusubanig, subanek ab lo digane yau a.

Matyu 14:6

Ak man saen Herod tinan igansi ak san nal idu yan lo, Herodias nanun pein tamolpein ante yan naod na isaluwai ila iso se ya, an lo man Herod pein baras an niŋen o ilon uyanan a.

Mak 6:14

Kiŋ Herod iŋ melmel e Jesus san megeloum adi digane se yan niŋen o iloŋ a. Man dugo, nal an lo man Jesus san yaŋak tamolpein malad lo tubun geig ilasa la ya. Ta dubol, “Suguek san Jon iŋ tamolpein dumat la yak luluŋad lo fon imasag kumaen imado da, nek fun amaiak niŋen o dabai funfun en tinin ilon lo urat digane da.”

Luk 9:7

Herod Galili provins san gurman tubun an melmel fidian ilasa na yan iloŋ go ilon weiwei geig a. Man dugo, tamolpein aenta dubol, “Jon suguek san iŋ fon kumaen imasa da ya.”

Luk 23:6

Pailat ru an iloŋ tag isumianai, “En iŋ Galili tamol i?”

Aposel 4:27

Rumok, ru amaiak ente Jerusalem na nuŋon ilasa ya. Herod iŋ Pontius Pailat da, tamolpein Juda tia yan agod Juda tamolpein aben ente dumado dan dida dutumanig, oŋane urat tamol gun ak Jesus oŋse piliani an, palaŋ an dumari se ya.