Luk 22:61 - Takia

⁶¹ Jesus idaŋsag, malan ti ibol go Pita ile. Agog Pita gamu nam Jesus san ru imug ibol an ilon isou, “Gamu kurek gamugo ibob dop, oŋ saen utol ŋai niŋeg o utot a.”

Luk 22:61 Referans Kwoze

Luk 22:34

Ago tag Jesus ru naon igo irupei, “O Pita, ŋai rumok ŋurupaio da, gamu tidom nek en lo kurek ta ibob na dop, saen utol oŋ ŋai ta uloŋ na yak ubol a.”

Revelesen 2:5

Aŋ au adu geig an niŋen o ilom isou wa. Aŋ gidad ilom ibilisa wa, agod kagin naok imug mi agane se yan ago mi fon agane wa. Ak gug aŋ ago ta agane na dop man, ŋai aŋsam na ŋupalup, lam a iŋanen aben ate itur dan ŋupasip ŋabal yau a.

Efesus 2:11

Amaiak niŋen o aŋ imug mi Kristus lo asau mi amado se yan ilom isou wa. Tamol a muluŋ san kulob diŋane yan, iŋ aŋ niŋemi wo tamol muluŋ san tia yak ago dubol da. Gidad ago durupaiaŋ bo man, kagin an tamol sad kagin sed tinid lo digane da, an man banid san mel mi a. Saen an lo man aŋ Isrel sad tumanek lo naom tareŋ dufou se ya, agod Anut san promis ru Isrel adi ipidinai an niŋen o aŋaoŋ a. Rumok, aŋ mel uyan ak ta niŋen o mala naok aganeg ta amado na ya, tia, aŋsam madok tan en lo man, Anut tia yak igo woŋ amado se ya, an niŋen o dam ilom isou wa.

Aposel 5:31

Anut iŋaneg giraŋen won ak lo imado da. Agod dabai ipanig, idsad gurman, idsad patun pasek tamol dam imado da. Anut saen ipanad dan lo, id Isrel tamolpein naod Jesus tupanip ilod ibileksap, an lo idaned aupasek ipare idu panad a.

Jon 13:38

Ago tag Jesus igo irupei, “O Pita, oŋane kumaen ŋai o bisei wo ubol dan, an rumok i? Ŋai rumok ŋurupaio da, oŋ ŋai uloŋ an utot saen utol dop, kurek ibob a.”

Luk 10:41

Ago man Tubun en ru naon irupei, “O Marta! Oŋ mel wei mi niŋedi wo ilo weiwei dugo ilo muruan da.

Luk 7:13

Saen Tubun en pein an ile man, ilon tubun mi imuŋani tag irupei, “Tata umoi.”

Mak 5:30

Ago dugo Jesus dam ilon lo sen ikubiani kisaek oŋ ak dabai iŋanen tinin lo yan kuai te ilasa ya. Ago tag doup luluŋad lo idaŋsag isumianaig ibol, “Enti ŋaisag kulos isupuri ak i?”

Matyu 26:75

Ago dugo Pita iŋ Jesus ru ibol an ilon isou a, “Saen kurek gamugo ibob dop, saen utol ŋai niŋeg o utot a.” Ago man iŋ kuai te ilasag tinaŋ tubun mi igane se ya.

Matyu 26:34

Jesus ru naon igo ibol irupei, “Ŋai rumok ŋurupaio da, gamu tidom nek en lo kurek ta ibob na dop, saen utol oŋ ŋai niŋeg o utot a.”

Luk 7:19

Ago man Jon megeloum nuŋod urarum igiaig irupidai, “Aup, Tubun en igo asumiani wa. Tamol a ipalu san niŋen o maŋ malama migane dan, oŋ tamol nek amaiak i? Tia, maŋ tamol sen ta ipalu san niŋen o mala nouk mumado wak i?”

Luk 22:60

Ago dugo Pita ru naon irupei, “O tamol, ŋai oŋ ata niŋen o ubol dan ta ŋaloŋ na ya!” Ago ibol dugo awan fo kurek ibob.

Luk 22:62

Agog Pita ilon itaug, kuai te ilasag tinaŋ tubun mi igane se ya.