Luk 22:37 - Takia

³⁷ Man dugo, ru e profet ta ŋai niŋeg o ago igire yen nuŋon ilasa wa, ‘Tamolpein tamol an diŋaneg tamol a digane saian dan luluŋad lo digane ya. Nek ago mi tile ya.’ Rumok nuŋon, ru a ŋai niŋeg o profet adi digire yan fidian gamu nuŋon ilasa wo da.”

Luk 22:37 Referans Kwoze

2 Korint 5:21

Kristus iŋsen aupasek ta igane na yak bo man, Anut id abed lo iganeg iŋ aupasek tamol igo woŋ ilasa ya. Ago dop id Kristus da tutumani an lo Anut san kagin itaot mok an id ŋutud lo ilasa wa.

Luk 23:32

Tamol saiadi ak uraru dam Jesus ida diŋal go diaug aben ta, yaŋan Kabuŋa Tatu san aben dubol dak, ate dilasa ya. Aben ante Jesus tamol uraru an dida aigim fo dubalai a. Neinta tuon won ak lo dugo, neinta tuon ŋas ak lo ya.

Galesia 3:13

Id fidian kubiaeŋ san misilanek paen na tumado dan, Kristus iŋiliad go misilanek an patun fo tilasa ya. Dugo woŋ i? Iŋsen man id niŋed o misilanek paen na idug imado ya. Man dugo, ru e kubiaeŋ ilon lo yen den igo ibol a. “Talpein a ai fo iyuk dan Anut san misilanek paen na imado da.”

Jon 17:4

Ŋai urat fidian oŋ panag go ŋigane wo ubol en ŋigane itout a. An lo oŋ yaŋa tan en lo ŋabisa ya.

Jon 10:35

Aloŋ, Anut iŋsan ru girek an lo, tamolpein a iŋsan kubiaeŋ diŋane yan, irupudaig igo ibol, ‘aŋsem kisaek kisaek tubud a.’ Gug tamolpein an dam tamol kawan mi a. Aria, Anut san ru a ru girek lo yen dan nuŋon an tia kawan yen san tia ya.

Luk 18:31

Jesus megeloum 12 an iŋal go gigin na diaug, ago ibol irupidai, “Jerusalem na tau da. Ru fidian a profet adi gubak mi Tamol Nanun niŋen o digire yan nuŋon ilasa wa.

Luk 22:22

Tamol Nanun imat a, nek ibol Anut mi iŋ niŋen o ibol ak ago mi iŋ lo ilasa wa. Ak gug tamol enti a Tamol Nanun iganep iŋanen ager adi sad tuod lo ilasa wan, rumok iŋ muruan tubun kasik ak ile wa!”

Mak 15:27

Agog Jesus giraŋen na man, gumagam tamol wagai amad da yak nuŋod uraru iŋ dam aigim fo dubalaig dusuŋanai a. Iŋsad aigim man turan tuon won ak ate dugo, turan tuon ŋas ak ate duguni a.

Luk 22:36

Agog Jesus irupidaig ibol, “Ak gug gamu man, aŋ moni san badam am da tap, asini wa. Kitouk dam nek ago mi. Agod aŋ sabiri am tia tap, aŋanem kulos didaeŋ lo adirip moni aŋanep ate sabiri adad a.

Luk 22:52

Agog Jesus pris gurman adi, tempel san titianek tamol sad gurman, agod matu gurman aenta dida Jesus diabi wo dupalu yan isumianai, “Enta wo aŋ sabiri iŋ ai tok da asinig aliag pe abiag o apalu yak i? Ak dugo, ŋai wagai adi dida gabman mabi idu san gurman igo woŋ aŋ ago ilom isou di?

Luk 24:27

Agog iŋsen niŋen o girek lo Moses iŋ profet adi dida niŋen o dubol na yan fun ifulale ya.